ప్రముఖ బాలీవుడ్ నటుడు అమితాబ్ బచ్చన్ నివాసం, ముంబాయిలోని మూడు ప్రధాన రైల్వే స్టేషన్లకు బాంబు బెదిరింపులు వచ్చాయి. దీంతో అప్రమత్తమైన పోలీసులు బిగ్ బీ నివాసం, రైల్వే స్టేషన్ల వద్ద భద్రతను పెంచి విస్తృత తనిఖీలు చేపట్టారు. అయితే అది నకిలీ బెదిరింపు కాల్ అని తేలడంతో అంతా ఊపిరిపీల్చుకున్నారు. ముంబాయి పోలీసు ప్రధాన కంట్రోల్ రూమ్ కు శుక్రవారం రాత్రి గుర్తుతెలియని వ్యక్తి నుంచి ఓ కాల్ వచ్చింది. ఛత్రపతి శివాజీ మహరాజ్ టర్మనస్, బైకుల్లా, దాదర్ రైల్వే స్టేషన్లు, జుహూలోని అమితాబ్ నివాసం వద్ద బాంబులు పెట్టినట్లు ఆగంతకుడు సమాచారమిచ్చాడు. కాల్ చేసిన వ్యక్తి గురించి తెలుసుకునేందుకు పోలీసులు దర్యాప్తు చేస్తున్నారు.
