CM Vijay Wife and Children: తమిళనాడు ముఖ్యమంత్రిగా విజయ్ పని మొదలుపెట్టారు. అసెంబ్లీలో శాసనసభ సభ్యుడిగా ప్రమాణ స్వీకారం చేశారు. ఆయన పార్టీ ఎమ్మెల్యేలు కూడా ప్రమాణ స్వీకారం చేశారు. ఇంతవరకు బాగానే ఉంది.. ఇప్పుడు అసలైన ప్రశ్న వ్యక్తమవుతోంది. అటు మీడియాలో.. ఇటు సోషల్ మీడియాలో దానికి సంబంధించిన చర్చ సాగుతూ ఉంది. విజయ్ ముఖ్యమంత్రిగా బిందాస్ గా ఉన్నారు.. మరి ఆయన భార్య ఎక్కడున్నారు, పిల్లలు ఎక్కడ తలదాచుకున్నారు?
విజయ్ ప్రమాణ స్వీకారం చేసిన తర్వాత.. నిన్న తన స్వగృహంలోనే ఉన్నారు. కొంతమంది వీవీ వీఐపీలను మాత్రమే ఆయన కలిశారు. సోమవారం తమిళనాడు అసెంబ్లీలో ఎమ్మెల్యేగా ప్రమాణ స్వీకారం చేశారు. తమిళనాడులో గెలిచిన ఇతర ఎమ్మెల్యేలు కూడా ప్రమాణ స్వీకారం చేశారు.. పొలిటికల్ గా ఈ స్థాయికి ఎదిగిన విజయ్.. వ్యక్తిగతంగా మాత్రం ఒత్తిడి ఎదుర్కొంటున్నారు. బయటికి ఆయన ఎన్ని మాటలు చెప్పినా సరే.. లోపల మాత్రం ఒక రకమైన ఆవేదన కనిపిస్తూనే ఉంది.
కట్టుకున్న భార్య సంగీత దగ్గర లేదు. పిల్లలు జేసన్, దివ్య కూడా ఆయన వద్ద లేరు. తన తండ్రి ముఖ్యమంత్రిగా ప్రమాణస్వీకారం చేస్తున్నప్పుడు పిల్లలు పక్కన లేరంటే ఆ బాధ మామూలుగా ఉండదు. భర్తతో విభేదాల నేపథ్యంలో ఇప్పటికే విజయ్ భార్య సంగీత దూరంగా ఉంటున్నారు. ఆమె ఏకంగా విడాకుల నోటీస్ కూడా పంపించారు. దానిపై రకరకాల చర్చలు సాగుతూనే ఉన్నాయి. త్వరలోనే ఆ కేసు విచారణకు రానుంది.. విజయ్ భార్య సంగీతకు బ్రిటిష్ సిటిజన్ షిప్ ఉంది. ఆమె ఫ్యామిలీ బిజినెస్ చేసుకుంటున్నారు.
మరోవైపు త్రిష విజయ్ ప్రమాణ స్వీకారానికి హాజరయ్యారు. విజయ్ తో తాను రిలేషన్ లో ఉన్నానని త్రిష చెప్పకనే చెప్పారు. విజయ్ కుమారుడు జేసన్ ఆల్రెడీ సినిమా ఫీల్డ్ లో ఉన్నాడు.. సందీప్ కిషన్ హీరోగా ఒక సినిమాను కూడా రూపొందిస్తున్నాడు. ఇప్పటికే జేసన్ తన తండ్రి పేరును తొలగించుకున్నాడు. దివ్య కూడా తల్లితో ఉంటున్నది.. ఆమె కూడా ఉన్నత చదువులు చదువుతున్నది.. విడాకుల కేసు విచారణకు సంగీత హాజరయ్యే అవకాశం ఉందని తమిళనాడు మీడియాలో వార్తలు వస్తున్నాయి.
