7 Rupee Coin
7 Rupee Coin:టీమిండియా దిగ్గజం మహేంద్ర సింగ్ ధోనీ అంతర్జాతీయ క్రికెట్‌కు వీడ్కోలు పలికి నాలుగేళ్లు పూర్తయ్యాయి. అతని ఇమేజ్ ఏమాత్రం తగ్గలేదు. అంతేకాదు ఏటికేడు తన పాపులారిటీని మరింత పెంచుకుంటున్నాడు. ఒక్క ఐపీఎల్‌లో మాత్రమే బ్యాట్ పట్టుకుని బరిలోకి దిగుతున్న మహి.. ఏడాది పొడవునా యాడ్స్, వ్యాపార వ్యవహారాలు, ఫామ్‌హౌస్‌లో వ్యవసాయం చేస్తూ గడిపేస్తున్నాడు. ఐపీఎల్, ప్రకటనల ద్వారానే కాకుండా పలు వ్యాపార సంస్థల్లో పాల్గొంటూ చిన్న చిన్న కంపెనీల్లో పెట్టుబడులు పెట్టి ఆదాయాన్ని రెట్టింపు చేసుకుంటున్నాడు. ఏది ముట్టుకున్నా బంగారమే అవుతుంది ధోనికి.
భారత క్రికెట్ జట్టు మాజీ కెప్టెన్ మహేంద్ర సింగ్ ధోనీకి ఇప్పటికీ ఫ్యాన్ ఫాలోయింగ్ తగ్గలేదు. ధోనీని మైదానంలో చూడాలని అభిమానులు ఇంకా కోరుకుంటున్నారు. ధోనీ ఇప్పుడు ఐపీఎల్‌లో మాత్రమే ఆడుతున్న సంగతి తెలిసిందే. అతను 2025 ఐపీఎల్‌లో ఆడతాడా లేదా అనేది ఇప్పటికీ ప్రశ్న. ధోనీపై రకరకాల ఊహాగానాలు వినిపిస్తున్నాయి. ఈ క్రమంలోనే క్రికెటర్ మహేంద్ర సింగ్ ధోనీ గౌరవార్థం దేశంలోని సెంట్రల్ బ్యాంక్ రిజర్వ్ బ్యాంక్ ఆఫ్ ఇండియా త్వరలో కొత్త నాణేన్ని విడుదల చేయబోతున్నట్లు సోషల్ మీడియాలో ఓ పోస్ట్ ద్వారా ప్రచారం జరుగుతోంది. క్రికెటర్ ఎంఎస్ ధోని గౌరవార్థం రిజర్వ్ బ్యాంక్ ఆఫ్ ఇండియా (ఆర్‌బిఐ) రూ. 7 నాణెం విడుదల చేయబోతున్నట్లు రాసి ఉన్న పోస్ట్‌కు సంబంధించిన అనేక స్క్రీన్‌షాట్‌లు సోషల్ మీడియాలో వైరల్ అవుతున్నాయి. రూ.7 నాణెం వెనుక ఉన్న లాజిక్ ఏమిటంటే, ధోనీ జెర్సీలో 7 నంబర్ కూడా ఉంది. ధోనీ గౌరవార్థం 7 రూపాయల కొత్త నాణెం నిజంగా విడుదల కాబోతోందో లేదో ఈ కథనంలో తెలుసుకుందాం.
An image circulating on social media claims that a new ₹7 coin will be released to honor Mahendra Singh Dhoni for his contributions to Indian Cricket.#PIBFactCheck
✔️ The claim made in the image is #fake.
✔️ The Department of Economic Affairs has made NO such announcement. pic.twitter.com/rgFwmVUPbL
— PIB Fact Check (@PIBFactCheck) November 14, 2024
పీఐబీ ఫ్యాక్ట్ చెక్
ఈ వైరల్ పోస్ట్‌లో ఆర్‌బిఐ అటువంటి నాణెం జారీ చేయడం లేదని లేదా ఆర్థిక వ్యవహారాల శాఖ దీనికి సంబంధించి ఎటువంటి పోస్ట్‌ను చేయలేదని PIB ఫాక్ట్ చెక్ చేస్తున్న వాదన గురించి వాస్తవాన్ని పేర్కొంది. దాని వాస్తవ తనిఖీలో PIB ఇలా రాసింది… క్రికెట్ రంగంలో మహేంద్ర సింగ్ ధోని చేసిన గొప్ప కృషికి గానూ ధోని గౌరవార్థం కొత్త రూ.7 నాణెం విడుదల చేస్తున్నట్లు సోషల్ మీడియాలో ఓ చిత్రం ప్రచారంలో ఉంది. వాస్తవానికి, దేశంలోని ఆర్థిక మంత్రిత్వ శాఖకు ఇటువంటి తప్పుదోవ పట్టించే దావా వేయబడుతున్నట్లు సమాచారం అందింది. దీని కారణంగా జనాల్లో తప్పుడు సమాచారం వైరల్ అవుతోంది. ఆర్థిక మంత్రిత్వ శాఖ ఈ విషయంలో వెంటనే చర్యలు చేపట్టింది. దీనికి సంబంధించి తన సోషల్ మీడియా ప్లాట్‌ఫామ్‌లో ఒక క్లారిటీని పోస్ట్ చేసింది ఈ పోస్ట్ PIB ఫాక్ట్ చెక్ ద్వారా మళ్లీ పోస్ట్ చేసింది. దీని తర్వాత భారతీయ రిజర్వ్ బ్యాంక్, ఆర్థిక వ్యవహారాల శాఖ కొత్త నాణెం జారీకి సంబంధించి ఎటువంటి ప్రకటన చేయలేదని స్పష్టమైంది.
