రాహుల్ గాంధీకి లాక్ డౌన్ పీరియడ్ తన నాయకత్వానికి లాక్ డౌన్ గా మారింది. రాహుల్ గాంధీ ఇంత అపరిపక్వుడా అని జనం ముక్కు మీద వేలేసుకుంటున్నారు. దేశ రాజకీయాల్లో రాహుల్ గాంధీ జోకర్ గా మారాడు. ఎంతోఘన చరిత్రగల కాంగ్రెస్ పార్టీ ని భూస్థాపితం చేయటానికే పనిచేస్తున్నట్లుంది. ఒక ప్రకటన ఇచ్చేముందు దానిపై పూర్తి అవగాహన తో మాట్లాడాలనే ఇంగితజ్ఞానం కూడా లేకుండా పోయింది.
ఈరోజు ప్రకటనే చూద్దాం. మన సైన్యం ఆయుధాలు లేకుండా ఎందుకు అక్కడ పహారా కాస్తుంది, అలా ఉండమని ఆదేశాలు ఇచ్చింది ఎవరూ అని టీవీ లో మాట్లాడాడు. అదిచూసి నవ్వాలో , ఏడవాలో అర్ధకవటం లేదు వాళ్ళ అధికార ప్రతినిధులకు. కనీస జ్ఞానం లేకుండా ఓ పెద్ద పార్టీకి నాయకుడు ఎలా అయ్యాడో నని విశ్లేషకులకు సందేహం. నెహ్రూ కుటుంబం లో సభ్యులయితే చాలు సమర్ధత లేకున్నా నాయకులు కావచ్చనేదానికి రాహుల్ గాంధీ ఉదంతం అతుకుతుంది. నాయకుడయిన తర్వాతయినా జ్ఞానాన్ని పెంచుకోవచ్చుకదా అంటే అదీ లేదు. ఈరోజు ఇచ్చిన ప్రకటన అందరికీ కోపం తెప్పిచ్చింది. రాహుల్ గాంధీ పైనే కాదు కాంగ్రెస్ పార్టీ పైన కూడా. ఎందుకంటే రాహుల్ ప్రకటన ఇచ్చిన తర్వాత దాన్ని ఏదో విధంగా భుజానవేసుకొని మోయాల్సిన పరిస్థితి కాంగ్రెస్ అధికార ప్రతినిదులది.
మూడు రోజులనుంచీ వార్తల్లో, మాధ్యమాల్లో పుంఖానుపుంఖల వార్తలు వస్తుంటే ఎందుకు ఆయుధాలు వాడలేదో రాహుల్ గాంధీ కి తెలియదా? 1996 లో, 2005 లో జరిగిన ఒప్పందాల్లో సరిహద్దుల్లో 2 కిలోమీటర్లు అటూ ఇటూ ఎవరూ ఆయుధాలు ప్రయోగించకూడదని ఒప్పందం లో వుంది. అందుకనే గత 45 సంవత్సరాల్లో ఒక్క తుపాకీ వాడలేదు . అటువంటప్పుడు ఈరోజు తుపాకీలు ఎందుకు వాడాలో రాహుల్ గాంధీ సెలవిస్తే బాగుంటుంది. అంతమాత్రాన ఆయుధాలు వాళ దగ్గర ఉండవని కాదు. వున్నా అవి లోడ్ చేయకూడదు. ఈ ప్రోటోకాల్ ని అటు చైనా, ఇటు భారత్ 45 సంవత్సరాల నుంచి పాటిస్తూ వస్తున్నాయి. 2017 డోక్లాంలో కూడా తుపాకులు వాడలేదు. నిన్నటి ఘటన లో కూడా ఒక్క తుపాకీ ఇరువైపులా పేలలేదు. అటువంటప్పుడు ఈ ప్రశ్నే ఉత్పన్నం కాదు. యుద్ధంలో మిలిటరీ చెప్పిన దాన్ని మనం విశ్వసించాలి. మొన్నటి ఘటనలో మన టీం కి నాయకత్వం వహించింది మన తెలుగు బిడ్డ కల్నల్ సంతోష్ బాబు . తను పై అధికారులు ఏం చెబితే ఆప్రకారమే నడుచుకోవాలి. చైనా దొంగదెబ్బ తీసి మన జవాన్ల ప్రాణాలు తీస్తే ఇదేదో ఆర్మీ తప్పో, ప్రభుత్వం తప్పో నని మాట్లాడటం ఎంత బాధ్యతా రాహిత్యం రాహుల్ గాంధీ గారు? రాహుల్ గాంధీ అపరిపక్వత వలన కాంగ్రెస్ పార్టీ సమీప భవిష్యత్తు లో కోలుకోని విధంగా దెబ్బతింటుందని కాంగ్రెస్ శేయోభిలాషులే వాపోతున్నారు. పాపం కాంగ్రెస్ పార్టీ , రాహుల్ గాంధీ వలన ఎంత గతి పట్టింది .
