Post office : మన దేశంలోనీ చాలా గ్రామాలలో ప్రజలు ఇప్పటికీ కూడా బ్యాంకింగ్, ఆర్థిక మరియు సేవింగ్స్ వంటి ప్రాథమిక అవసరాల కోసం పోస్టల్ డిపార్ట్మెంట్ సేవలను ఉపయోగిస్తున్నారు. ఈ మధ్యకాలంలో ఎన్నో కొత్త సంస్థలు, బ్యాంకులు మరియు ఇన్సూరెన్స్ కంపెనీలు వంటివి వచ్చినప్పటికీ కూడా పోస్ట్ ఆఫీస్ కు ప్రజల ఆదరణ ఏ మాత్రం తగ్గడం లేదు అని చెప్పొచ్చు. ఇటువంటి ప్రజలను దృష్టిలో పెట్టుకొని పోస్టల్ శాఖ వారు ఇన్సూరెన్స్ పథకాలను రూపొందిస్తున్నారు. మన దేశంలోని గ్రామీణ ప్రజలకు ఇవి చాలా ప్రయోజనకరంగా ఉంటాయి. ప్రస్తుతం మనం చెప్పుకోబోయే పథకం పేరు పోస్ట్ ఆఫీస్ గ్రామ సువిధ లైఫ్ ఇన్సూరెన్స్. అన్ని గ్రామాలలో మరియు పట్టణ ప్రాంతాలలో నివసిస్తున్న ప్రజలందరికీ ఈ పథకం ఆర్థిక భద్రతను కల్పిస్తుంది. పోస్ట్ ఆఫీస్ అందిస్తున్న ఈ లైఫ్ ఇన్సూరెన్స్ పథకం భవిష్యత్తులో పాలసీదారులకు రుణ సౌకర్యాన్ని కూడా కల్పిస్తుంది. ప్రజల దీర్ఘకాలిక ఆర్థిక భద్రతకు ఈ పథకం సహాయకారిగా మారుతుంది.
Also Read : ఎటువంటి షూరిటీ లేకుండా మహిళలకు రుణం ఇస్తున్న ఎస్బిఐ…ఎంత రుణం వస్తుందంటే..
పోస్ట్ ఆఫీస్ అందిస్తున్న గ్రామ సువిధ పథకం కోసం అప్లై చేసుకోవాలి అనుకుంటున్నావారికి కనీసం 19 ఏళ్ల నుంచి 45 ఏళ్ల వయసు ఉండాలి. ఇక ఈ పథకంలో పదివేల నుంచి గరిష్టంగా 10 లక్షల వరకు హామీ ఇవ్వబడుతుంది. ఈ పథకంలో చేరిన వారు నెలవారి, తైమాసిక, అర్ధవార్షికం లేదా వార్షికంగా చెల్లుబాటు చేసుకోవచ్చు. ఉదాహరణకు 19 ఏళ్ళు ఉన్న ఒక వ్యక్తి ఈ పథకంలో పెట్టుబడి పెట్టడం మొదలుపెడితే అతనికి 41 ఏళ్లు వచ్చేవరకు ప్రీమియం చెల్లించాల్సి ఉంటుంది. ఒకవేళ ఒక వ్యక్తి 45 ఏళ్ల వయసులో ఈ పథకాన్ని కొనుగోలు చేస్తే ఇతను కేవలం 15 ఏళ్లు మాత్రమే ప్రీమియం చెల్లించాల్సి ఉంటుంది. ఈ పథకంలో వారు చేరిన కాలాన్ని బట్టి వాళ్ళు చెల్లించే ప్రీమియం ఆధారపడి ఉంటుంది.
ఒకవేళ ఏదైనా కారణాల వలన ఈ పథకంలో చేరిన పాలసీదారుడు మరణించినట్లయితే అతని నామినీకి బోనస్ లతోపాటు హామీ ఇచ్చిన మొత్తం కూడా అందుతుంది. ఒకవేళ పాలసీదారుడు 60 ఏళ్ల వయసు వరకు జీవించి ఉన్నట్లయితే అతనికి మెచ్యూరిటీ సమయంలో హామీ ఇవ్వబడిన మొత్తం తో పాటు బోనస్ కూడా అందుతుంది. ఈ పథకంలో మీరు రుణం తీసుకునే అవకాశం కూడా ఉంటుంది. ఈ పథకంలో చేరిన నాలుగు సంవత్సరాల తర్వాత రుణం తీసుకునే అవకాశం ఉంటుంది. మీకు ఏదైనా అత్యవసరమైన ఆర్థిక పరిస్థితి ఎదురైనప్పుడు మీరు రుణం తీసుకోవచ్చు. అలాగే వాళ్లు కోరుకుంటే మూడేళ్ల తర్వాత పాలసీని సరెండర్ కూడా చేసుకునే అవకాశం ఉంది.
Also Read : పోస్ట్ ఆఫీస్ లో మీ భార్య పేరు మీద రూ.లక్ష FD చేసి కేవలం రెండేళ్లలో భారీ రిటర్న్స్ పొందండి…
