Passport : పాస్‌పోర్ట్‌లోని పేజీని చింపివేస్తే మీ ట్రావెల్ హిస్టరీ తొలగిపోతుందా.. ప్రభుత్వానికి ఎలా తెలుస్తుంది ?

Passport : వేరే ఏ దేశానికైనా ప్రయాణించాలంటే పాస్‌పోర్ట్ తప్పని సరిగా కావాలి. పాస్‌పోర్ట్, వీసా లేకుండా ఏ ప్రయాణికుడు కూడా వేరే దేశానికి ప్రయాణించలేడు. కొంతమంది తమ కుటుంబ సభ్యులకు తెలియజేయకుండా విదేశాలకు ప్రయాణిస్తారు. కానీ విదేశీ పర్యటనను దాచడానికి పాస్‌పోర్ట్ పేజీని చింపివేయవచ్చా అని చాలా మంది మనసులో ఓ ఆలోచన ఉంటుంది. విదేశాలకు వెళ్లాలంటే పాస్‌పోర్ట్ కలిగి ఉండటం చాలా ముఖ్యం. కానీ చాలా సార్లు ప్రజలు తమ స్నేహితులతో రహస్యంగా విదేశాలకు వెళ్లి, ఆపై భారతదేశానికి తిరిగి వస్తారు. ఇప్పుడు ప్రశ్న ఏమిటంటే అంతర్జాతీయ ప్రయాణ చరిత్ర(International Travel history)ను ఎలా తొలగించవచ్చు. దాని గురించి తెలుసుకుందాం.

పాస్‌పోర్ట్‌ను తారుమారు చేయడానికి వీలులేదు
ఇమ్మిగ్రేషన్ అధికారుల ప్రకారం… పాస్‌పోర్ట్ ట్యాంపరింగ్ అనేది కోల్డ్ కేస్ క్రైమ్. చాలా సార్లు కొంతమంది ప్రయాణీకులు తమ ప్రయాణ చరిత్రను దాచడానికి పాస్‌పోర్ట్ నుండి కొన్ని పేజీలను చించేస్తారు. కానీ వాస్తవానికి అధికారులు పాస్‌పోర్ట్‌ను ట్యాంపరింగ్ చేశారని తెలుసుకుంటారు. ఎందుకంటే ఆ వ్యక్తి డేటా, ప్రయాణ చరిత్ర ఆన్‌లైన్‌లో కనిపిస్తుంది. ఇది కాకుండా అన్ని రకాల పాస్‌పోర్ట్‌లలో నిర్దిష్ట సంఖ్యలో పేజీలు ఉంటాయి.అంతకంటే తక్కువ పేజీలు ఉంటే వెంటనే అధికారులకు అనుమానం వస్తుంది.

పాస్‌పోర్ట్ నుండి ఒక పేజీని చింపివేయడం నేరమా?
పాస్‌పోర్ట్‌ను ట్యాంపరింగ్ చేయడం లేదా దాని పేజీలను చింపివేయడం శిక్షార్హమైన నేరం. దీని కోసం కఠినమైన శిక్ష విధిస్తారు. విదేశీ ప్రయాణాలను కూడా ప్రభావితం చేయవచ్చు. ఐజిఐ విమానాశ్రయ భద్రతలో పాల్గొన్న సీనియర్ అధికారుల అభిప్రాయం ప్రకారం.. పాస్‌పోర్ట్‌ను ఏ విధంగానైనా ట్యాంపరింగ్ చేయడం వల్ల మీ విదేశీ ప్రయాణానికి అడ్డంకులు ఏర్పడటమే కాకుండా, పాస్‌పోర్ట్ చట్టంలోని సెక్షన్ 12 కింద మిమ్మల్ని జైలుకు కూడా పంపవచ్చు.

పాస్‌పోర్ట్ స్టిచింగ్ బలంగా ఉంది
పాస్‌పోర్ట్ కుట్టు దానంతట అదే తెరుచుకోవడం సాధ్యం కాదు. కానీ ఏదైనా కారణం చేత పాస్‌పోర్ట్ కుట్టుపని వదులుగా ఉంటే, పాస్‌పోర్ట్‌ను మీరే కుట్టడానికి బదులుగా, మీరు ప్రాంతీయ పాస్‌పోర్ట్ కార్యాలయాన్ని సంప్రదించాలి. మీ పాస్‌పోర్ట్‌ను మీరే కుట్టించుకుంటే మీపై చర్య తీసుకోవచ్చు, మీరు జైలుకు కూడా వెళ్లాల్సి రావచ్చు.

పాస్‌పోర్ట్‌లో ఎన్ని పేజీలు ఉంటాయి?
పేజీల సంఖ్య ఆధారంగా భారతీయ పాస్‌పోర్ట్‌లను రెండు వర్గాలుగా విభజించారు. మొదటి కేటగిరీకి 36 పేజీల పాస్‌పోర్ట్‌లు ఉండగా, రెండవ కేటగిరీకి 60 పేజీల పాస్‌పోర్ట్‌లు ఉన్నాయి. మీ పాస్‌పోర్ట్‌లోని 36 లేదా 60 పేజీలన్నీ ఇమ్మిగ్రేషన్ బ్యూరో వెరిఫికేషన్ సమయంలో అందుబాటులో ఉండాలి. మీ పాస్‌పోర్ట్‌లో ఒక్క పేజీ తప్పిపోయినా, మీ విదేశీ ప్రయాణానికి ఆటంకం కలగడమే కాకుండా మీరు జైలుకు కూడా వెళ్లాల్సి రావచ్చు. తరచుగా ప్రజలు తమ ప్రయాణ చరిత్రను దాచడానికి ఇలా చేస్తారు.