Hot Water : శీతాకాలంలో వేడి నీళ్లు తాగడం వల్ల దాహం ఎందుకు తీరదు? దీనికి సమాధానం తెలుసా ?

Hot Water : రాజధాని ఢిల్లీతో సహా అనేక రాష్ట్రాల్లో చలి చంపేస్తుంది. ఉదయం బయటకు రావాలంటే జనాలు జంకుతున్నారు. అయితే, మధ్యాహ్నం ఎండ కారణంగా కొంత ఉపశమనం లభిస్తుంది. శీతాకాలంలో చాలా మంది వేడి నీళ్లు తాగడానికి ఇష్టపడతారు. ఎందుకంటే వేడి నీరు మాత్రమే ఉపశమనం ఇస్తుంది. కానీ ఎవరైనా చాలా దాహం వేసినప్పుడు లేదా మంటగా ఉన్నప్పుడు వేడి నీళ్లు తాగినప్పుడు వారికి ఉపశమనం ఎందుకు లభించదు. ఈ రోజు అందుకు కారణం తెలుసుకుందాం.

చలికాలంలో వేడి నీరు ప్రయోజనకరం
శీతాకాలం, వేసవి రెండింటిలోనూ ఉదయం గోరువెచ్చని నీరు త్రాగాలని ఆరోగ్య నిపుణులు సిఫార్సు చేస్తున్నారు. ఎందుకంటే ఇది శరీరానికి మేలు చేస్తుంది. అయితే, శీతాకాలంలో ప్రజలు ఎల్లప్పుడూ వేడి నీటిని తాగడానికి ఇష్టపడతారు. ఎందుకంటే ఇది గొంతుకు ఉపశమనం ఇస్తుంది.

గోరువెచ్చని నీళ్ల ప్రయోజనాలు
గోరువెచ్చని నీళ్లు చాలా ప్రయోజనాలు కలిగి ఉంటాయి. అవి, మలినాలను శరీరం నుంచి బయటకు పంపిస్తాయి. గొంతు, శ్వాస మార్గాల జలుబు లక్షణాలను తగ్గించడం, శరీరంలోని ద్రవాలను నియంత్రించడం ద్వారా శ్వాస పద్ధతిని మెరుగుపరచడంలో సహాయపడతాయి. ఇక గోరువెచ్చని నీళ్లు ఒత్తిడి తగ్గించే పని కూడా చేస్తాయి. తద్వారా నాడీ వ్యవస్థ పరిపూర్ణంగా పనిచేస్తుంది. అలాగే, గోరువెచ్చని నీళ్లు శీతల నీళ్లతో పోలిస్తే ఎక్కువ సమయం పొట్టలో ఉంటాయి. దీని వల్ల పొట్ట నిండిన అనుభూతి ఎక్కువ సమయం కొనసాగుతుంది. తద్వారా బరువు తగ్గడంలో సహాయపడతాయి.

రక్తప్రసరణ మెరుగుపడుతుంది
గోరువెచ్చని నీళ్లు రక్తప్రసరణను మెరుగుపరుస్తాయి. రక్తపోటును నియంత్రిస్తాయి. ఇవి రక్తప్రసరణను మెరుగుపరచడానికి, విస్తరించడానికి సహాయపడతాయి.

గోరువెచ్చని నీళ్లు దాహాన్ని ఎందుకు తీర్చవు ?
శీతాకాలంలో గోరువెచ్చని నీళ్లు తాగడం వల్ల దాహం తీరదు. దీనికి కారణం శీతాకాలంలో మాత్రమే కాదు, వేసవి కాలంలో కూడా గోరువెచ్చని నీళ్లతో దాహం తీరదు. ఎందుకంటే అన్నవాహికలోని ద్రవాల ఉష్ణోగ్రతను గ్రహించే నరాలు, ద్రవం శరీర ఉష్ణోగ్రతకు దగ్గరగా ఉన్నప్పుడు ప్రేరేపించబడవు. అందుకే వేడి నీటితో దాహం తీరుతుంది.. కానీ మనసు ఇంకా దాహం తీరలేదని చెబుతుంది.