లాక్ డౌన్ కాలంలో విద్యార్థులు ఆరోగ్యంగా మరియు ఫిట్ గా ఉండటానికి హెచ్ఆర్డి మంత్రిత్వ శాఖ, ఆయుష్ మంత్రిత్వ శాఖ మరియు క్రీడా మంత్రిత్వ శాఖ కలిసి దేశవ్యాప్తంగా ఆన్ లైన్ ప్రోగ్రామ్‌ ను ఏర్పాటు చేశారు.
ప్రధానమంత్రి నరేంద్ర మోడీ ‘ఫిట్ ఇండియా’ కార్యక్రమానికి అనుగుణంగా ఫిట్ నెస్ మరియు ఆరోగ్యకరమైన జీవన విధానాన్ని మెరుగుపరచడం కోసం ఆన్ లైన్ ప్రోగ్రామ్‌ ను రూపొందించామని హెచ్ఆర్డి మంత్రిత్వ శాఖ సీనియర్ అధికారి ఒకరు తెలిపారు.
లాక్ డౌన్ సమయంలో పాఠశాల విద్యార్థుల కోసం నిపుణుల లైవ్ ఫిట్నెస్ సెషన్లను అందించడానికి సిబిఎస్ఇ మరియు ఫిట్ ఇండియా ఉద్యమం సహకరించనున్నాయి. ఈ సెషన్‌ లు యూట్యూబ్, ఫేస్‌బుక్, ఇన్‌స్టాగ్రామ్‌ లో ఏప్రిల్ 15 ఉదయం 9.30 నుండి ప్రతిరోజూ ఒక నెల పాటు ప్రత్యక్షంగా ఉంటాయి.
ఫిట్ ఇండియా ఉద్యమం యొక్క యూట్యూబ్ ఛానెల్ నుండి విద్యార్థులు ఈ ఆన్ లైన్ సేవలను ఉపయోగించుకోవచ్చని హెచ్ఆర్డి మంత్రి రమేష్ పోఖ్రియాల్ ‘నిశాంక్’ ఒక ట్వీట్ ద్వారా తెలియజేశారు.
హెచ్ఆర్డి మంత్రిత్వ శాఖ ఆదేశాల మేరకు, నేషనల్ ఇన్స్టిట్యూట్ ఆఫ్ ఓపెన్ లెర్నింగ్ (NIOS) సమర్థవంతమైన పాఠశాల విద్యను నేరుగా విద్యార్థులకు చేరే విధంగా ఒక ప్రత్యేకమైన పద్ధతిని ప్రారంభించింది. 9 వ తరగతి నుండి 12 వ తరగతి వరకు వివిధ విషయాల కోసం MHRD యొక్క అనేక ప్లాట్‌ఫారమ్‌ ల ద్వారా ఆన్ లైన్ లో కంటెంట్ అందుబాటులో ఉంచబడింది.
సెల్ఫ్ లెర్నింగ్ మెటీరియల్‌తో పాటు, ‘స్వయం’ పోర్టల్ వీడియో ఉపన్యాసాలు మరియు స్వీయ-అంచనా సౌకర్యాన్ని అందిస్తుంది. అభ్యాసకుల అనుమానపు ప్రశ్నలు కూడా చర్చా వేదిక ద్వారా పరిష్కరించబడుతున్నాయి.అదనంగా, ఇంటర్నెట్‌ కు ఎక్కువ ప్రాప్యత లేని వారికి, ఈ వీడియో ఉపన్యాసాలు ఎంహెచ్‌ఆర్‌డి స్వయంప్రభా టివి ఛానెళ్లలో లైవ్ సెషన్స్‌ తో తమ ఉపాధ్యాయులు మరియు విషయ నిపుణులతో సంభాషించడానికి ప్రసారం చేయబడతాయి. జెఇఇ మరియు నీట్ కోసం సన్నద్ధమవుతున్న విద్యార్థులు కూడా ఇంట్లో కూర్చుని ప్రయోజనం పొందవచ్చు.
అభ్యాసకులు ఈ DTH ఛానెల్స్ మరియు NIOS యూట్యూబ్ ఛానెల్ లో లెస్సన్ వైస్ విద్యా కార్యక్రమాలను చూడవచ్చు మరియు లైవ్ సెషన్‌ లో ఫోన్ కాల్ ద్వారా మరియు NIOS వెబ్‌సైట్ యొక్క ‘స్టూడెంట్ పోర్టల్’ ద్వారా నేరుగా వారి ఇంటి నుండి సబ్జెక్ట్ నిపుణులకు ప్రశ్నలు అడగవచ్చు.
