Unified Pension Scheme: కేంద్ర ప్రభుత్వం ఇటీవల కేంద్ర ప్రభుత్వ ఉద్యోగుల కోసం యూనిఫైడ్ పెన్షన్ స్కీమ్ (UPS) ను పరిచయం చేసినట్లు ప్రకటించింది. ఈ స్కీమ్ 2025 ఏప్రిల్ 1 నుంచి అమలులోకి రాబోతుంది. ఇది నేషనల్ పెన్షన్ సిస్టమ్ (NPS) లో ఉన్న ఉద్యోగులకు అందుబాటులో ఉంటుంది. UPS లక్ష్యం, ఉద్యోగుల రిటైర్మెంట్ అనంతరం వారు మంచి పెన్షన్ అందుకోవడం, వారి ఆర్థిక భద్రతను పెంచడం.
UPS, NPS, OPS మధ్య తేడాలు:
యూనిఫైడ్ పెన్షన్ స్కీమ్ (UPS): UPS ప్రకారం, ఉద్యోగి రిటైర్మెంట్ సమయంలో తన చివరి 12 నెలల ప్రాథమిక వేతనానికి 50శాతం పెన్షన్గా అందుకుంటారు. దీనికి కనీసం 25 సంవత్సరాల సేవ పూర్తయ్యే అవసరం ఉంది. ఉద్యోగులు తమ ప్రాథమిక వేతనంతో పాటు డియర్ నెస్ అలవెన్స్ (DA) నుండి 10శాతం సహాయాన్ని ఇస్తారు. అయితే ప్రభుత్వం 18.5శాతం కాంట్రిబ్యూట్ చేస్తుంది. ఉద్యోగి మరణించిన తర్వాత, వారి భార్య లేదా భర్తకు పెన్షన్ 60శాతం భాగం ఇవ్వబడుతుంది. అలాగే, డియర్ నెల్ అలవెన్స్, డియర్ నెస్ రిలీఫ్ కూడా పెన్షన్ తీసుకునే వారికి అందించబడుతుంది.
నేషనల్ పెన్షన్ సిస్టమ్ (NPS): NPSలో ఉద్యోగి తన వేతనంలోని 10శాతం ఇస్తారు. కానీ దీనిలో నిర్దిష్ట పెన్షన్ లేదు. రిటైర్మెంట్ సమయంలో ఉద్యోగి తన జమ చేసిన మొత్తం 60శాతం ఒకసారి తీసుకోవచ్చు. మిగిలిన 40శాతాన్ని యాన్యుటీ స్కీమ్లో పెట్టాలి. NPS స్టాక్ మార్కెట్తో అనుసంధానమై ఉండటంతో దాని రిటర్న్స్ అనిశ్చితంగా ఉంటాయి.
ఓల్డ్ పెన్షన్ స్కీమ్ (OPS): OPSలో ఉద్యోగి రిటైర్మెంట్ సమయంలో తన చివరి వేతనానికి 50శాతం పెన్షన్గా పొందేవారు. దీనిలో ఏ విధమైన భాగస్వామ్యం ఉండదు. ఇది ఒక స్థిరమైన పెన్షన్ పథకం. అయితే 2004లో OPS రద్దు చేయబడింది. తరువాత NPS అమలులోకి వచ్చింది.
NPS, OPSలో తేడా: UPS అనేది OPS, NPS ల మధ్య ఉన్న ముఖ్యమైన తేడాలను దృష్టిలో పెట్టుకొని రూపొందించబడింది. NPSలో ఉద్యోగి తమ బేసిక్ సాలరీ, DA 10శాతాన్ని ఇస్తారు. అయితే UPSలో ఉద్యోగికి ఎలాంటి కాంట్రిబ్యూషన్ అవసరం లేదు. UPSలో రిటైర్మెంట్ సమయంలో నిర్దిష్ట పెన్షన్ గ్యారంటీ ఉంటుంది. అయితే NPSలో, ఇది యాన్యుటీపై ఆధారపడుతుంది.ఇది కేంద్ర ప్రభుత్వ ఉద్యోగులకు మంచి ఆర్థిక భద్రతను అందించడానికి అనుకూలంగా ఉంటుంది. UPS 2025 ఏప్రిల్ 1 నుండి అమలులోకి రాబోతుంది.
