తెలంగాణ నిరుద్యోగులకు కేంద్రం శుభవార్త చెప్పింది. రాష్ట్రం ఏర్పడ్డప్పటి నుంచి ఏడేళ్లుగా ఉద్యోగాలు లేవని కేసీఆర్ సర్కార్ ను నిలదీస్తున్న వారికి ఊరట కలిగింది. ప్రభుత్వ ఉద్యోగాలపై ముందడుగు వేద్దామనుకుంటున్న కేసీఆర్ సర్కార్ ముందరి కాళ్లకు తెలంగాణలో జోనల్ వ్యవస్థ బంధం వేసింది. ఈ క్రమంలోనే అసెంబ్లీలో ఆమోదించిన కొత్త జోనల్ వ్యవస్థకు తాజాగా కేంద్రం ఆమోదముద్ర వేసింది. దీంతో ఇక తెలంగాణలో ఉద్యోగాలకు ఉన్న అవరోధాలన్నీ తొలగిపోనున్నాయి.
ప్రభుత్వ ఉద్యోగాల నియామకం కోసం తెలంగాణ ప్రభుత్వం తీసుకొచ్చిన కొత్త జోనల్ విధానానికి కేంద్ర ప్రభుత్వం ఆమోదముద్ర వేసింది. రాజ్యాంగంలోని ఆర్టికల్ 371డిలోని క్లాజ్ (1) (2) కింద దాఖలు చేసిన అధికారాలను అనుసరించి రాష్ట్రపతి సోమవారం రాత్రి కేంద్ర ప్రభుత్వం జారీ చేసిన ఆర్డర్ -2018కు ఆమోదముద్ర వేశారు. తెలంగాణలో ప్రస్తుతం రెండు జోనల్ లు మాత్రమే ఉండగా వాటి స్థానంలో ఇప్పుడు కొత్తగా ఏడు జోన్స్ ఏర్పాటు అయ్యాయి.
ఈ జోనల్ విధానంలో ఉద్యోగాల భర్తీ ఇక తెలంగాణలో చేపట్టనున్నారు. ఒక్క పోలీసు శాఖలో భర్తీ మినహా మిగతా అన్ని విభాగాలకు ఈ జోనల్ వ్యవస్థనే తెలంగాణ వర్తిస్తుంది.
దేశంలో ఎక్కడా అందుబాటులో లేని విధంగా స్థానికులకు 95% ఉపాధి కల్పించేలా కేసీఆర్ ప్రభుత్వం తెలంగాణలో కొత్త జోనల్ వ్యవస్థను ఏర్పాటు చేసింది. ఇప్పటివరకు అమలులో ఉన్న విధానం ప్రకారం 70% పోస్టులను స్థానికులకు కేటాయించారు. 30% పోస్టులు ఓపెన్ కేటగిరీలోకి వస్తాయి. స్థానిక అభ్యర్థులు నష్టపోతున్నారనే భావనతో కేసీఆర్ ప్రభుత్వం 95% పోస్టులను స్థానికులకు అందించడానికి కొత్త జోనల్ విధానాన్ని తెలంగాణ ఏర్పాడ్డాక రూపొందించారు..దీనికి ఇన్నాళ్లకు రాష్ట్రపతి ఆమోదముద్రపడింది.
మొదటి నాలుగు జోన్ లను మల్టీ-జోన్గా, తదుపరి మూడు జోన్లను మరొక మల్టీ-జోన్గా పరిగణిస్తారు. ఇప్పటి వరకు నాలుగో తరగతి నుండి పదోతరగతి వరకు విద్యార్థులు వరుసగా నాలుగు సంవత్సరాలు చదివిన జిల్లాను స్థానికంగా పరిగణిస్తారు. ఇప్పటి నుండి ఏడవ తరగతి వరకు, వరుసగా నాలుగు సంవత్సరాలు వారు ఎక్కడ చదివినా స్థానికులు అవుతారు. కొత్త జోనల్ విధానం ప్రకారం త్వరలో భర్తీ చేయబోయే ఉద్యోగాలకు నోటిఫికేషన్లు ఇవ్వనున్నారు.
*ప్రభుత్వం ఏర్పాటు చేసిన కొత్త జోన్లు ఇవే..
కాళేశ్వరం జోన్: భూపాలపల్లి, మంచిర్యాల, ఆసిఫాబాద్ మరియు పెద్దపల్లి జిల్లాలు.
బసర జోన్: ఆదిలాబాద్, నిర్మల్, నిజామాబాద్ మరియు జగిత్యాల జిల్లాలు.
రాజన్న జోన్: కరీంనగర్, సిద్దిపేట, సిరిసిల్లా, కామారెడ్డి మరియు మెదక్ జిల్లాలు.
భద్రాద్రి జోన్: వరంగల్ రూరల్, వరంగల్ అర్బన్, కొట్టగూడెం, ఖమ్మం మరియు మహాబుబాబాద్ జిల్లాలు
యాదాద్రి జోన్: సూర్యపేట, నల్గొండ, యాదాద్రి, భువనగిరి మరియు జనగామ జిల్లాలు
చార్మినార్ జోన్: హైదరాబాద్, రంగారెడ్డి, మేడ్చల్, సంగారెడ్డి మరియు వికారాబాద్ జిల్లాలు
జోగులంబ జోన్: మహాబుబ్నగర్, వనపార్తి, గద్వాలా, నాగర్ కర్నూలు జిల్లాలు