ఈరోజుల్లో ఎవరికైనా ఇస్తే తీసుకోనిది ఏదైనా ఉందంటే అవి ‘సందేశాలు.. సూక్తులే’.. పెద్దలైనా చిన్నవారైనా ఏదైని చెబితే స్వీకరించడానికి అస్సలు సిద్ధంగా ఉండరు. ఇక ప్రపంచంలోనే అగ్రరాజ్యం.. ఆధునిక రాజ్యమైన అమెరికాలో ఓటర్లు చెబితే వింటారా? వినరు కదా.. అందుకే ఓటర్లు వినేందుకు అమెరికాలోని అగ్ర సినీ తారలంతా బట్టలు విప్పారు. అలా వారికి అమెరికా ఎన్నికల్లో ఓటు హక్కుపై ‘నగ్నంగా సందేశం’ పంపారు. ఇదిప్పుడు సోషల్ మీడియాలో వైరల్ గా మారింది.
Also Read: హీరో విశాల్ కు దిమ్మతిరిగే షాక్ ఇచ్చిన హైకోర్టు..?
మన ఇండియాలోలాగా.. అమెరికాలో క్యూ కట్టి ఓటేసేందుకు అమెరికన్లు అస్సలు ఆసక్తి చూపరు. ఎక్కువమంది మెయిల్ ద్వారా ఓటువేస్తారు. ఎన్వలప్ లో కవర్లు పెట్టి పోస్ట్ చేస్తారు. అమెరికాలో 25శాతం ప్రజలు మెయిల్ ద్వారానే ఓటు వేస్తారు. పోలింగ్ స్టేషన్లకు వెళ్లకుండా కవర్లలో తమ ఓటును మెయిల్ చేస్తారు. కరోనా వైరస్ నేపథ్యంలో ఈసారి 80శాతం మంది మెయిల్ ద్వారా పోలింగ్ లో పాల్గొంటున్నారు.ఈ నేపథ్యంలో పెన్సెల్వేనియా సుప్రీం కోర్టు ఇటీవల స్పష్టమైన ఆదేశాలు జారీ చేసింది. మెయిల్ ద్వారా ఓటు వేసే వారు రెండు ఎన్వలప్ కవర్లలో తమ ఓటును భద్రపరచాలని.. బ్యాలట్ పేపర్ ను ముందుగా ఒక సీక్రసీ కవర్లో పెట్టాలని.. సీల్ చేసి పోస్ట్ చేయాలని సూచించారు. తమ బ్యాలట్ ను సీక్రసీ కవర్లో పెట్టుకుండా కేవలం ఎన్వలప్ లో మాత్రమే పెట్టి పోస్ట్ చేస్తే దాన్ని ‘నేకెడ్ బ్యాలెట్’గా పరిగణిస్తారు. దీంతో ఆ ఓటు చెల్లదు.
ఈ క్రమంలోనే ప్రజలకు అవగాహన కల్పించేందుకు హాలీవుడ్ సినీ తారలు నడుంబిగించారు. వారంతా నగ్న వీడియోలను వదిలారు. దుస్తులేవి ధరించకుండా ‘నేకేడ్ బ్యాలెట్’ అంటే ఎమిటో వివరించారు. తాజాగా ప్రముఖ హాలీవుడ్ దిగ్గజాలు టాప్ లెస్ గా కనిపించి షాకిచ్చారు. మీ ఓటు వేస్ట్ కాకుండా ఉండాలని రెండు కవర్లలో బ్యాలెట్ ఉండేలా జాగ్రత్త పడాలని ఈ వీడియోలో సూచించారు. అమెరికా ఎన్నికల వేడి రాజుకోవడంతో ఆ వేడిని తట్టుకోలేక హాలీవుడ్ సెలెబ్రెటీలు ఇలా దుస్తులు విప్పేస్తున్నారు. ఓ వీడియోతో ఓటర్లకు తమ ‘నగ్న సందేశం’ వినిపిస్తున్నారు.ఈ వీడియోలు ఇప్పుడు సోషల్ మీడియాలో వైరల్ అవుతున్నాయి. వాళ్లు ఇలా నగ్నంగా కనిపించడానికి కారణం ఉంది. వీటిని అమెరికన్లు అంతా పెద్ద ఎత్తున చూస్తూ దీనిపై కామెంట్ల వర్షం కురిపిస్తున్నారు.
Also Read: దడపుట్టించిన ‘లక్ష్మీబాంబ్’ ట్రైలర్.. అదరగొట్టిన అక్షయ్..!
అమెరికా అధ్యక్ష ఎన్నికల వేడి రాజుకుంది. నవంబర్ 3న జరిగే ఈ ఎన్నిక కోసం ప్రజలంతా సమాయత్తమవుతున్నారు. డెమోక్రటిక్, రిపబ్లిక్ పార్టీల అభ్యర్థులు జోబిడెన్, డొనాల్డ్ ట్రంప్ లు హోరాహోరీగా ప్రచారం చేస్తున్నారు. ఈ క్రమంలోనే కొందరు హాలీవుడ్ సెలెబ్రెటీలు ఓటర్లకు ‘నగ్న సందేశం’ ఇస్తూ అవగాహన కల్పిస్తున్నారు.
