KTR – Shaylima Wedding Anniversary : తెలంగాణ మాజీ ముఖ్యమైన మంత్రి, బీఆర్ఎస్ వర్కింగ్ ప్రెసిడెంట్ కేటీఆర్కు యువతలో చాలా క్రేజ్. సోషల్ మీడియాలో ఆయన యాక్టీవ్గా ఉంటూ.. నిత్యం అందరినీ ఉత్సాహపరుస్తుంటారు. మోదీ ప్రభుత్వ విఫల పాలన, తెలంగాణకు జరుగుతున్న అన్యాయంపై సోషల్ మీడియాలో గళమెత్తుతుంటారు. ఇటీవల జరిగిన తెలంగాణ అసెంబ్లీ ఎన్నికల్లో బీఆర్ఎస్ ఓడిపోవడంతో ఆధికారానికి దూరమయ్యారు. ప్రస్తుతం సిరిసిల్ల ఎమ్మెల్యేగా ఉన్నారు. అయితే సాధారణంగా కేటీఆర్ తన పర్సనల్ విషయాలను ఎక్కువగా సోషల్ మీడియాలో పంచుకోరు. అడపాదడపా కుటుంబం, వ్యక్తిగత విషయాలను గుర్తు చేసుకుంటుంటారు. డిసెంబర్ 18న కేటీఆర్ పెళ్లిరోజు కావడంతో తాజాగా తన భార్యకు శుభాకాంక్షలు తెలుపుతూ ‘ఎక్స్’లో ట్వీట్ చేశారు.
20వ వివాహ శుభాకాంక్షలు..
కేటీఆర్ తన భార్య శైలిమకు 20వ వివాహ వార్షికోత్సవ శుభాకాంక్షలు తెలిపారు. ‘గత రెండు దశాబ్దాలుగా నా వెన్నెముకగా నిలవడంతోపాటు ఇద్దరు అందమైన పిల్లలను అందించావు. నా ఈ ప్రయాణంలో గొప్ప భాగస్వామిగా ఉన్నందుకు ధన్యవాదాలు’ అని కేటీఆర్ ట్వీట్ చేశారు. ఈ సందర్భంగా పెళ్లినాటి అరుదైన ఫొటోను కేటీఆర్ పంచుకున్నారు.
2003లో వివాహం..
కాగా కేటీఆర్, శైలిమ వివాహం 2003, డిసెంబర్ 18న జరిగింది. ఆ దంపతులు వైవాహిక జీవితంలో రెండు దశాబ్దాలు పూరి్త చేసుకోవడంతో బీఆర్ఎస్ పార్టీ కార్యకర్తలు, అభిమానులు సోషల్ మీడియాలో ఫొటోలు పెడుతూ శుభాకాంక్షలు చెబుతున్నారు. కేటీఆర్ కూడా తన భార్య శైలిమకు పెళ్లిరోజు శుభాకాంక్షలు తెలిపారు. తన భార్యకు చాలా ఓపిక అని.. తన సహకారంతోనే తాను మంత్రిగా ప్రశాంతంగా బాధ్యతలు నిర్వహిస్తున్నట్లు అప్పుడప్పుడూ కేటీఆర్ చెప్పేవారు. కేటీఆర్, శైలిమ దంపతులకు కొడుకు హిమాన్షు, కూతురు అలేఖ్య ఉన్నారు.
