First Self driving tractor India: టెస్లాకు పోటీ.. డ్రైవర్ లెస్ ట్రాక్టర్ రెడీ.. అట్లుంటదీ ఇండియన్స్ తోని

First Self driving tractor India: భారత్ బిగినర్స్‌ కోసం కాదు (India is NOT for Beginners) అనే మాట ప్రస్తుతం సోషల్ మీడియాలో బాగా ట్రెండ్ అవుతుంది. తాజాగా, ఒక భారతీయ రైతు స్వయంగా తయారు చేసుకున్న సెల్ఫ్-డ్రైవింగ్ ట్రాక్టర్ వీడియో ఇందుకు నిదర్శనంగా నిలిచింది. ఈ వీడియో నెట్టింట వైరల్ అవుతూ ప్రపంచ టెక్ దిగ్గజం టెస్లాకు కూడా పోటీనిస్తోందని నెటిజన్లు కామెంట్ చేస్తున్నారు.

సాధారణంగా సెల్ఫ్-డ్రైవింగ్ వెహికల్స్ అంటే టెస్లా వంటి పెద్ద కంపెనీలు భారీ పెట్టుబడులు పెట్టి, అడ్వాన్సుడ్ టెక్నాలజీ సాయంతో తయారు చేసినవి. కానీ, ఒక భారతీయ రైతు తనకున్న పరిమిత వనరులతో, కేవలం తన తెలివితేటలతో ఇలాంటి ట్రాక్టర్‌ను తయారు చేయడం నిజంగా ఆశ్చర్యకరం. ఈ వీడియోలో ట్రాక్టర్ డ్రైవర్ లేకుండా రోడ్ల మీద తిరగడం, పొలంలో దానంతట అదే నడుస్తూ పనిచేయడం స్పష్టంగా కనిపిస్తుంది. ఇది భారతదేశంలో ఉన్న టాలెంట్‎కు, ఇన్నోవేషన్లకు కొదవ లేదని నిరూపిస్తుంది.

భారతదేశంలో ఇలాంటి సంఘటనలు కొత్తేమీ కావు. ఇదివరకు కూడా ఎంతో మంది సామాన్య ప్రజలు, రైతులు తమ వినూత్న ఆలోచనలతో అద్భుతాలు సృష్టించారు. గుజరాత్‌కు చెందిన ఒక రైతు, పెట్రోల్ ధరల పెరుగుదలతో ఇబ్బంది పడి, ట్రాక్టర్ ఇంజిన్‌ను సైకిల్‌కు అమర్చి ట్రాక్టర్ సైకిల్ తయారు చేశాడు. ఇది తక్కువ ఖర్చుతో ఎక్కువ కెపాసిటీ అందించే వెహికల్ గా ప్రశంసలు పొందింది.

చాలా గ్రామాల్లో, విద్యుత్ లేని ప్రాంతాల్లో బ్యాటరీతో నడిచే బైక్‌లు, లేదా పాత వాహన భాగాలను ఉపయోగించి కొత్త రకం వ్యవసాయ యంత్రాలను తయారు చేయడం చూస్తూనే ఉంటాం. ఇవన్నీ స్థానిక అవసరాలకు తగ్గట్టుగా రూపొందించబడినవే. కొన్ని గ్రామాల్లో ప్లాస్టిక్ వ్యర్థాల నుండి లేదా వ్యవసాయ వ్యర్థాల నుండి బయో-ఇంధనాన్ని తయారు చేసే పద్ధతులను కూడా కనుగొన్నారు. ఇవి పర్యావరణ పరిరక్షణకు కూడా తోడ్పడతాయి.

Also Read: ఇంటర్నెట్ ఉపయోగించేవారికి హెచ్చరిక..

టెస్లాకు పోటీనా?
అమెరికా వంటి అభివృద్ధి చెందిన దేశాల్లో సెల్ఫ్-డ్రైవింగ్ కార్లు, ట్రాక్టర్లు పెద్ద ఎత్తున సాంకేతిక పురోగతితో వస్తుంటే, భారత్‌లోని ఒక సామాన్య రైతు తక్కువ ఖర్చుతో ఇలాంటి వ్యవస్థను అభివృద్ధి చేయడం నిజంగా టెస్లా వంటి దిగ్గజాలకు సవాలే. పెద్ద పెద్ద రీసెర్చ్ సెంటర్లు, కోట్ల కొద్దీ నిధులు లేకుండానే ప్రజలు తమ రోజువారీ సమస్యలను పరిష్కరించడానికి ఎలా క్రియేటివిటీని ఉపయోగిస్తారో ఇది చూపిస్తుంది. ఈ సంఘటన భారతదేశంలోని గ్రామీణ ఆవిష్కరణలకు, ప్రజల్లో ఉన్న సాంకేతిక నైపుణ్యాలకు ఒక గొప్ప ఉదాహరణ. మేక్ ఇన్ ఇండియా, ఆత్మనిర్భర్ భారత్ వంటి ప్రభుత్వ నినాదాలకు ఇవి మరింత బలాన్ని చేకూరుస్తున్నాయి.