FCRA License :బృందావన్లోని బాంకే బిహారీ ఆలయానికి FCRA లైసెన్స్ లభించింది. ఆలయ దరఖాస్తును ఆమోదించిన తర్వాత భారత ప్రభుత్వం ఆ ఆలయానికి FCRA లైసెన్స్ మంజూరు చేసింది. ఈ లైసెన్స్ పొందిన తర్వాత ఆలయ నిర్వహణ కమిటీ ఇప్పుడు పెద్ద మొత్తంలో విరాళంగా అందుకున్న విదేశీ కరెన్సీని ఉపయోగించుకోవచ్చు. ఈ రోజు FCRA లైసెన్స్ అంటే ఏమిటి.. ప్రభుత్వం దానిని ఆలయానికి ఎప్పుడు ఇస్తుంది అనే దాని గురించి వివరంగా తెలుసుకుందాం.
FCRA లైసెన్స్ అంటే ఏమిటి?
ఇప్పుడు FCRA లైసెన్స్ అంటే ఏమిటో తెలుసుకుందాం? FCRA (విదేశీ విరాళాల నియంత్రణ చట్టం) అనేది భారతదేశంలో విదేశీ విరాళాల వినియోగం, నిర్వహణను నియంత్రించే చట్టం అన్నమాట. ఇది దేశంలో తొలిసారిగా 1976లో అత్యవసర పరిస్థితి సమయంలో అమలు చేశారు. ఆ సమయంలో ప్రభుత్వం విదేశీ శక్తులు స్వతంత్ర సంస్థల ద్వారా భారతదేశ వ్యవహారాల్లో జోక్యం చేసుకుంటున్నాయని భయపడింది.
ఈ చట్టం ఏమిటి?
భారతదేశ సార్వభౌమాధికారం , ప్రజాస్వామ్య విలువలకు అనుగుణంగా విదేశీ విరాళాలు ఉపయోగించబడుతున్నాయని నిర్ధారించడం ఈ చట్టం ఉద్దేశ్యం. ఇది మాత్రమే కాదు. ఈ చట్టం ప్రధాన లక్ష్యం విదేశీ నిధులు దుర్వినియోగం కాకుండా చూసుకోవడం, దానిని సరైన ప్రయోజనాల కోసం మాత్రమే ఉపయోగించడం.
ఆలయానికి ఈ లైసెన్స్ ఎలా వస్తుంది?
దేశంలో ప్రపంచ ప్రసిద్ధి చెందిన అనేక దేవాలయాలు ఉన్నాయి. ఇక్కడ స్వదేశీ, విదేశాల నుండి భక్తులు భారీ విరాళాలు ఇచ్చి బంగారం, వెండిని సమర్పిస్తారు. ఈ నిధులను ఉపయోగించడానికి దేవాలయాలకు ఈ లైసెన్స్ అవసరం. FCRA కింద, విదేశీ విరాళాలు స్వీకరించాలనుకునే వ్యక్తులు లేదా సంస్థలు కొన్ని నియమాలను పాటించాల్సి ఉంటుంది. దీనికోసం సంస్థ FCRA కింద నమోదు చేసుకోవడం తప్పనిసరి. విదేశీ విరాళాల కోసం, ఢిల్లీలోని స్టేట్ బ్యాంక్ ఆఫ్ ఇండియాలో బ్యాంకు ఖాతా తెరవాలి. విదేశాల నుండి వచ్చిన నిధులను అది ఏ ఉద్దేశ్యంతో అందుకుందో దానికే ఉపయోగించుకోవచ్చు.
వార్షిక రిటర్న్ దాఖలు
FCRA లైసెన్స్ పొందిన తర్వాత సంస్థ లేదా వ్యక్తి వార్షిక రిటర్న్లను దాఖలు చేయడం తప్పనిసరి. ఇది మాత్రమే కాదు, ఈ మొత్తాన్ని మరే ఇతర NGO కి బదిలీ చేయడానికి వీలులేదు. చట్టం ప్రకారం కొంతమంది వ్యక్తులు , సంస్థలు విదేశీ విరాళాలను స్వీకరించడానికి అనుమతించబడవు. వీరిలో ఎన్నికల అభ్యర్థులు, జర్నలిస్టులు, మీడియా కంపెనీలు, న్యాయమూర్తులు, ప్రభుత్వ అధికారులు, పార్లమెంటు సభ్యులు, రాజకీయ పార్టీలు, రాజకీయ సంస్థలు ఉన్నాయి.
లైసెన్స్ వల్ల ప్రయోజనం ఏమిటి?
హోం మంత్రిత్వ శాఖ నుండి FCRA లైసెన్స్ పొందిన తర్వాత బాంకే బిహారీ ఆలయం విదేశీ నిధులను స్వీకరించగలదు. వారు చట్టం ప్రకారం వీటిని ఉపయోగించవచ్చు. బాంకే బిహారీ ఆలయాన్ని ప్రస్తుతం కోర్టు నిర్వహిస్తోందని, అది ఒక నిర్వహణ కమిటీని ఏర్పాటు చేసింది.
