Largest Military Countries: ప్రతీ దేశం శత్రువుల దాడుల నుంచి తట్టుకోవాల్సిన అవసరం ఉంటుంది. అందుకు సంబంధించిన రక్షణ వలయాలు ఏర్పాటు చేసుకుంటుంది. ఇతర దేశాలు ఎలాంటి దాడి చేసినా ఎదుర్కొనేందుకు సిద్ధంగా ఉండాలి.. ఇందు కోసం యుద్ధ ట్యాంకులు, మిషన్లే కాకుండా సైన్యాన్ని కూడా చాల దేశాలు తయారు చేసుకుంటాయి. నేటి కాలంలో యుద్ధం చేయడానికి మిసైల్స్ లాంటి ఎన్ని యుద్ధ విమానాలు వచ్చినా.. మానవ శక్తి లేకపోతే యుద్ధంలో గెలవలేము. అందువల్ల ఎంత ఎక్కువ వీలైతే అంత ఎక్కు వసైన్యాన్ని ఉంచుకునేందుకు ప్రతీ దేశం ప్రణాళిక వేస్తుంది. అయితే ప్రస్తుతం ప్రపంచంలో అత్యధిక సైన్యాలు కలిగిన దేశాల వివరాలు ఒకసారి పరిశీలిస్తే..
భారత్ కు ఉత్తరాన చైనా దేశం సైన్యాన్ని సమకూర్చడంలో అందరికంటే ముందు ఉంది. ఆర్థికాభివృద్ధి, సాంకేతిక రంగంలో దూసుకుపోతున్న చైనా వద్ద ప్రస్తుతం 20 లక్షల మంది సైనికులు ఉన్నారు. ఈ దేశంలో 20 వేల కంటే ఎక్కువగా ఫిరంగులు, యుద్ధ ట్యాంకు నిరోధక వ్యవస్థలు ఉన్నాయి. సైనికులను ఏర్పాటు చేసుకోవడంలో రెండో స్థానంలో భారత్ ఉంది. భారత్ లో 14.5 లక్షల మంది సైనికులు ఉన్నారు. 17 వేల కంటే ఎక్కువగా ఫిరంగులు ఉన్నాయి. యుద్ధ విమానాల విషయంలోనూ భారత్ ముందు వరుసల ఉంది.
అగ్రరాజ్యం అమెరికాలో ఆర్థికాభివృద్ధి సాధించినా అక్కడ మనదేశం కంటే సైన్యం తక్కువగానే ఉంది. ఈ దేశంలో ప్రస్తుతం 13.9 లక్షల మంది సైనికులు ఉన్నట్లు సమాచారం. 46 వేలకు పైగా యుద్ధ వాహనాలు, 14 వేలకు పైగా యుద్ధ విమానాలు శక్తివంతంగా పనిచేస్తాయి. అమెరికా తరువాత ప్లేసులో ఉత్తరకొరియాలో 12.80 లక్షల మంది సైనికులు ున్నారు. అయితే ఇక్కడ యుద్ధ ట్యాంకులు 65 వేల వరకు ఉన్నాయి. 34 వేల కంటే పైగా ఫిరంగులు ఉన్నాయి.
ఇటీవల యుద్ధంలో పాల్గొన్న రష్యాలో 8.3 లక్షల మంది సైనికులు ఉన్నారు. ఉక్రెయిన్ దేశంతో పొరాడిన ఈ దేశం తన సైన్యాన్ని పటిష్టవంతంగా తయారు చేసి రంగంలోకి దింపింది. రష్యా తరువాత పాకిస్తాన్ లో 6.51 లక్షల మంది ఉన్నారు. ఇక్కడ 6 వేల కంటే ఎక్కువగా యుద్ధ వాహనాలు ఉన్నాయి. 7 వేల కంటే ఎక్కువగా ఫిరంగిల, యుద్ధ ట్యాంక్ నిరోధక వ్యవస్థలు ఉన్నాయి. ఇరాన్ దేశం 5.7 లక్షల మంది సైనికులు కలిగి ఉంది. దక్షిణ కొరియాలో 5.5 లక్షల మంది సైనికులు ఉన్నారు. ఈ దేశం 7 వేల కంటే ఎక్కువగా ఫిరంగిలు కలిగి ఉంది. ఇక వియత్నాం4.7 లక్షలు, ఈజిప్టు 4.4 లక్షల సైన్యాన్ని కలిగి ఉన్నాయి.
