రాష్ర్ట ప్రభుత్వం ఎంతో ప్రతిష్టాత్మకంగా తీసుకున్న పథకం దళితబంధు. దళితుల్లో ఆర్థిక అభివృద్ధి సాధించి వారి ఎదుగుదలకు చేయూతనందించే పథకమే దళితబంధు అని ప్రభుత్వం చెబుతోంది. దళిత బంధు పథకంతో కుటుంబాల్లో మార్పు వస్తుందని ఆశిస్తోంది. ఈ నేపథ్యంలో దళితబంధు తో ఏయే యూనిట్లు స్థాపించవచ్చునో వివరాలు వెల్లడించింది. నాలుగు భాగాలుగా విభజించి జాబితాను తయారు చేసింది. దీంతో దళితబంధు డబ్బులతో పలు రకాల యూనిట్లు స్థాపించుకుని ఆర్థికంగా ఎదిగేందుకు దోహదం చేస్తుందని చెబుతోంది.
ప్రభుత్వ పథకాలకు భిన్నంగా 30 రకాలను నిర్దేశించింది. వీటితోపాటు మరిన్నింటిని ప్రభుత్వం సిద్ధం చేస్తోంది. వాసాలమర్రిలో పథకం ప్రారంభమైనా పైలెట్ ప్రాజెక్టు కింద హుజురాబాద్ నియోజవర్గంలో ఈనెల 16న సీఎం కేసీఆర్ శాలపల్లి-ఇందిరానగర్ వద్ద దళితబంధు ప్రారంభించనున్నారు. ఈ సందర్భంగా లబ్ధిదారులకు ఈ యూనిట్లు అందజేయనున్నారు. వీటి కొనుగోళ్లు, స్థాపనతోపాటు పథకం అమలుకు సంబంధించిన విధి విధానాలను విడుదల చేయనుంది.
గ్రామాలు: మినీ డెయిరీ యూనిట్ పందిరి కూరగాయల సాగు, వరినాటు యంత్రాలు 2+1 పవర్ టిల్లర్, వేపనూనె పండి తయారీ+ఆటో ట్రాలీ
గ్రామాలు, ఉప పట్టణాలు: సాగు యంత్ర పరికరాల దుకాణం మట్టి ఇటుకల తయారీ + ఆటో ట్రాలీ, ట్రాక్టర్ +ట్రాలీ, కోడిపిల్లల పెంపకం+ఆటో ట్రాలీ
గ్రామాలు, పట్టణాలు: సెవెన్ సీటర్ ఆటో 3 ఆటో రిక్షాలు 3 సరుకు రవాణా చేసే మూడు చక్రాల ఆటో ట్రాలీలు, ప్రభుత్వం అనుమతించిన విత్తనాలు-ఎరువులు-పురుగుమందుల దుఖాణం, టెంట్ హౌస్-డెకరేషన్-లైటింగ్ సౌండ్ సిస్టం+ాటో ట్రాలీ, మడిగల నిర్మాణం-వ్యాపారం, ఆయిల్ మిల్లు -పిండిగిర్నీలు
పట్టణాలు: 4 చక్రాల సరకు ప్రయాణికుల వాహనం, ఎలక్రానిక్స్ దుకాణం, రోగ నిర్ధారణ కేంద్రం+ మెడికల్ షాపు, బ్యాటరీల దుకాణం, హార్డ్ వేర్ శానిటరీ దుకాణం+ ఆటో ట్రాలీ, సిమెంట్ ఇటుకల తయారీ+ఆటో ట్రాలీ, సెంట్రింగ్ ఆర్ సీసీరూప్ తయారీ+ కాంక్రీటు మిశ్రమం తయారీ యంత్రం, టైల్స్-అక్రిలిక్ షీట్ల షాపు+ఆటో ట్రాలీ, మూడు కాంక్రీటు మిశ్రమ తయారీ యంత్రాలు, హోటల్+క్యాటరింగ్+ఆటో ట్రాలీ, ఐరన్ గేట్లు-గ్రిల్స్ తయారీ యూనిట్+ఆటో ట్రాలీ, ప్రభుత్వ అనుమతితో మెడికల్ జనరల్ స్టోర్స్, ఫ్రాంచైజీలో మినీ సూపర్ బజార్, డీటీపీ – మీసేవ- మీసేవ-ఆన్ లైన్ సేవలు+ఫొటో స్టూడియో, బిల్డింగ్ సామగ్రి, హార్డ్ వేర్ దుకాణం.
