Credit Cards : ప్రస్తుతం ప్రతి ఒక్కరి దగ్గర క్రెడిట్ కార్డులు ఉంటున్నాయి. బ్యాంకులు కూడా పలు ఆఫర్లతో క్రెడిట్ కార్డులను అందజేస్తున్నాయి. మీరు కూడా క్రెడిట్ కార్డ్ని కలిగి ఉండి, దానిని ఉపయోగించలేకపోతే దాన్ని ఈజీగా బ్లాక్ చేయవచ్చు. ఇది కాకుండా, కార్డుల కారణంగా ఏదైన మోసానికి గురి అయినప్పుడు శాశ్వతంగా కార్డు బ్లాక్ చేయాలంటే ఏం చేయాలో ఈ కథనంలో తెలుసుకుందాం. ఏ బ్యాంకులు కూడా కస్టమర్ల దగ్గర ఉన్న కార్డులను బ్లాక్ చేసేందుకు ఇష్టపడవు. కార్డ్ బ్లాక్ చేసేందుకు కస్టమర్లు చేసే అభ్యర్థనలను సాధారణంగా అంగీకరించవు. క్రెడిట్ కార్డులపై RBI నియమాలేంటో కార్డు ఉపయోగిస్తున్న వాళ్లు తప్పకుండా తెలుసుకోవాలి. కాబట్టి బ్యాంక్ క్రెడిట్ కార్డ్ను బ్లాక్ చేయకపోతే, రిజర్వ్ బ్యాంక్ నిబంధనల ఆధారంగా కార్డును బ్లాక్ చేయమని డిమాండ్ చేయవచ్చు.
క్రెడిట్ కార్డులపై ఆర్బీఐ నిబంధనలు ప్రకారం, ఒక బ్యాంకు క్రెడిట్ కార్డును మూసివేయకపోయినా లేదా ఆలస్యం చేసినా, ప్రతి రోజు తన ఖాతాదారులకు రూ.500 జరిమానా చెల్లించాల్సి ఉంటుంది. ఇందుకోసం కొన్ని విషయాల గురించి తెలుసుకోవడం ముఖ్యం.
ప్రతిరోజు రూ.500 జరిమానా
రిజర్వ్ బ్యాంక్ ఆఫ్ ఇండియా (RBI) క్రెడిట్ కార్డుల జారీ , మూసివేతకు సంబంధించి కొన్ని నియమాలను రూపొందించింది. ఆర్బీఐ నిబంధనల ప్రకారం, ఒక కస్టమర్ తన క్రెడిట్ కార్డ్ను మూసివేయడానికి దరఖాస్తు చేసుకుంటే, బ్యాంకు 7 రోజులలోపు దాని పనిని ప్రారంభించాలి. బ్యాంకు లేదా ఏదైనా ఆర్థిక సంస్థ దీన్ని చేయకపోతే, తదుపరి ఏడు రోజుల తర్వాత సంబంధిత బ్యాంకు లేదా ఆర్థిక సంస్థ కస్టమర్కు రోజుకు రూ. 500 చొప్పున జరిమానాగా చెల్లిస్తుంది. క్రెడిట్ కార్డ్లో ఎలాంటి బాకీ ఉండకూడదని ఇక్కడ గమనించాలి. మీ కార్డ్లో ఏదైనా బాకీ ఉన్నట్లయితే, బ్యాంకు మీ అభ్యర్థనను తిరస్కరిస్తుంది. ముందుగా బకాయిలు చెల్లించమని అడుగుతారు. ఆర్బీఐ 2022లో ఈ నిబంధనను అమలులోకి తెచ్చింది.
కస్టమర్ సపోర్ట్ సెంటర్తో మాట్లాడండి
క్రెడిట్ కార్డ్ని కలిగి ఉన్న బ్యాంక్ కస్టమర్ కేర్కు కాల్ చేసి, మీ కార్డ్ని మూసివేయమని కోరవచ్చు.
ఎస్ఎంఎస్ పంపొచ్చు
కొన్ని బ్యాంకుల్లో SMS ద్వారా క్రెడిట్ కార్డ్ని బ్లాక్ చేయవచ్చు. సదుపాయాన్ని పొందడానికి, మీ మొబైల్ నంబర్ను ఆ బ్యాంక్ ఖాతాకు లింక్ చేయాలి.
నెట్ బ్యాంకింగ్/మొబైల్ యాప్
మీ ఖాతాకు లాగిన్ చేసి, క్రెడిట్ కార్డ్పై క్లిక్ చేసి, “బ్లాక్ క్రెడిట్ కార్డ్” ఎంపికను ఎంచుకోండి. మీరు బ్యాంక్ మొబైల్ యాప్ ద్వారా కూడా క్రెడిట్ కార్డ్ను మూసివేయమని అభ్యర్థించవచ్చు.
ఇమెయిల్
ఇ-మెయిల్ ద్వారా కార్డ్ను బ్లాక్ చేయడం కోసం కస్టమర్ కస్టమర్ కేర్ అడ్రస్ ను కూడా సంప్రదించవచ్చు. మీరు ఇమెయిల్లో కార్డ్కు సంబంధించిన ప్రతి సమాచారాన్ని నమోదు చేయవచ్చు.
బకాయిలు చెల్లించాలి
కార్డు హోల్డర్లు తమ కార్డుపై ఉన్న బకాయిలన్నింటినీ తిరిగి చెల్లించాల్సి ఉంటుంది. వీటిలో EMI, లోన్, బ్యాలెన్స్ బదిలీ మొదలైనవి ఉన్నాయి. అన్ని బకాయిలు చెల్లించకుంటే బ్యాంకు మీ క్రెడిట్ కార్డును మూసివేయదు.
రివార్డ్ పాయింట్లు
క్రెడిట్ కార్డ్ లావాదేవీల నుండి క్రెడిట్ కార్డ్పై రివార్డ్ పాయింట్లు ఉంటాయి. వీటిని కార్డుదారుడే వినియోగించాలి. కార్డ్ క్యాన్సిలేషన్ యాక్టివేట్ అయిన తర్వాత, బ్యాంక్ అన్ని పాయింట్లను రద్దు చేస్తుంది.
బ్లాక్ చేసిన తర్వాత కార్డును ఉపయోగించవద్దు
క్రెడిట్ కార్డ్ బ్లాక్ చేయబడిన తర్వాత దానిని ఉపయోగించవద్దు. మీరు మూసివేయాలనుకుంటున్న తేదీకి ఒక నెల ముందు ఎలాంటి లావాదేవీలు చేయవద్దు. దీని కారణంగా బ్యాంక్ మీ కార్డ్ని చెక్ చేసి బ్లాక్ చేస్తుంది. ఏదైనా లావాదేవీ పెండింగ్లో ఉంటే, అది బ్లాక్ చేయబడదు.
