ఇక నుండి ఈ పాలసీలు తీసుకుంటే.. మేలు!

Follow us on

భారతదేశంలో కరోనా మహమ్మారి విజృంభిస్తున్న నేపథ్యంలో ఈ వైరస్ నుంచి ప్రజలకు రక్షణ కల్పించేందుకు కరోనా రక్షక్, కరోనా కవచ్ పాలసీలను ఇన్స్యూరెన్స్ రెగ్యులేటరీ డెవలప్‌ మెంట్ అథారిటీ ఆఫ్ ఇండియా (ఐఆర్‌డీఏఐ) రూపొందించింది. జూలై 10 నుంచి ఈ పాలసీలు అందుబాటులోకి రానున్నాయి. అన్ని జనరల్, హెల్త్ ఇన్స్యూరెన్స్ కంపెనీలు రీ-ఇంబర్స్‌ మెంట్ బేస్డ్ స్టాండర్డ్ కోవిడ్ 19 పాలసీ అందించడం తప్పనిసరి.

ఐఆర్‌డీఏఐ రూపొందించిన కోవిడ్ 19 పాలసీల్లో ‘కరోనా కవచ్’ ఒకటి. ఈ పాలసీ వివరాలు ఇలా ఉన్నాయి.

• పాలసీ టెన్యూర్ 3.5 నెలల నుంచి 9.5 నెలల వరకు ఉంటుంది.
• పాలసీదారులు ఎంతమొత్తంలో బీమా తీసుకుంటే ఆస్పత్రి ఖర్చులో అంతవరకు రీ-ఇంబర్స్ చేసుకోవచ్చు.
• ఇతర అనారోగ్య సమస్యలు ఉన్నా పాలసీలో కవర్ అవుతుంది.
• ఆస్పత్రి ఖర్చులతో పాటు పీపీఈ కిట్స్, గ్లోవ్స్, మాస్కులు, ఆయుష్ ట్రీట్మెంట్ కూడా ఇందులో కవర్ అవుతుంది.
• పల్స్ ఆక్సిమీటర్, ఆక్సిజన్ సిలిండర్, నెబ్యులైజర్లు కూడా కవర్ అవుతాయి.
• 14 రోజుల వరకు హోమ్ కేర్ ట్రీట్మెంట్ కూడా కవర్ అవుతుంది.
• కనీసం రూ.50,000 నుంచి గరిష్టంగా రూ.5,00,000 వరకు ‘కరోనా కవచ్’ పాలసీ తీసుకోవచ్చు.
• హెల్త్ కేర్ వర్కర్స్‌కి 5 శాతం డిస్కౌంట్ ఉంటుంది.

ఇక ఈ పాలసీతోపాటు కరోనా రక్షక్ పేరుతో మరో పాలసీ ఉంది. ఇది సింగిల్ ప్రీమియం ప్లాన్. ఈ పాలసీ వివరాలు ఇలా ఉన్నాయి.

• 105 రోజులు, 195 రోజులు, 285 రోజుల వరకు ఈ పాలసీ తీసుకోవచ్చు.
• కోవిడ్ 19 పాజిటీవ్ అని తేలిన తర్వాత 72 గంటల్లో ఆస్పత్రి పాలైతే 100 శాతం క్లెయిమ్ చేసుకోవచ్చు.
• ఈ పాలసీని కనీసం రూ.50,000 నుంచి గరిష్టంగా రూ.2,50,000 వరకు తీసుకోవచ్చు. ఒక్కసారి క్లెయిమ్ చేసుకున్న తర్వాత పాలసీ పనిచేయదు.

అర్హతలు…

కనీసం 18 ఏళ్ల నుంచి గరిష్టంగా 65 ఏళ్ల వరకు వయస్సు ఉన్నవారు ఈ రెండు పాలసీలు తీసుకోవచ్చు. 3 నెలల నుంచి 25 ఏళ్ల లోపు డిపెండెంట్ చిల్డ్రన్ కూడా ఇందులో కవర్ అవుతారు. మొదటి పాలసీలో మాత్రమే ఫ్యామిలీ ఫ్లోటర్ ఆప్షన్ ఉంటుంది. రెండు పాలసీల్లో 15 రోజుల వెయిటింగ్ పీరియడ్ ఉంటుంది. అంటే వెయిటింగ్ పీరియడ్‌ లో క్లెయిమ్ చేసుకోవడం కుదరదు. ఈ రెండు పాలసీలు దేశమంతా అందుబాటులో ఉంటాయి.