Viral : వాడు పదో తరగతి ఫెయిలయ్యాడు.. నేను చేసుకోను.. పెళ్లి మండపంలోనే వధువు చేసిన పని వైరల్

Viral : ఉత్తరప్రదేశ్‌లోని సుల్తాన్‌పూర్‌లో ఓ వివాహ వేడుకలో ఓ వింత ఘటన చోటుచేసుకుంది. పెళ్లి ఊరేగింపు ఇక్కడికి రాగానే వధువు తరఫు వారు ఘనంగా స్వాగతం పలికారు. జయమాల తర్వాత అమ్మాయి లోపలికి వెళ్లి ఇలాంటి తెలివి తక్కువ వాడిని పెళ్లి చేసుకోలేనని తేల్చి చెప్పింది. ఈ సమయంలో వరుడు 10వ తరగతి ఫెయిల్ అయినట్లు సమాచారం ఆమెకు తెలియకుండా దాచి పెట్టిన విషయాన్ని తెలుసుకుంది వధువు. రాత్రంతా ఇరువర్గాల ప్రజల మధ్య చర్చలు జరిగాయి. చివరకు విషయం పోలీసుల వరకు చేరింది. పోలీసుల సమక్షంలో ఈ సమస్యకు పరిష్కరం అభించింది. పెళ్లికి ఇచ్చిన కట్నం డబ్బులను అబ్బాయి తరపు వారు తిరిగి ఇవ్వాలని, అమ్మాయి తరఫు వారు నగలు తిరిగి ఇచ్చేయాలని నిర్ణయించారు.

ఆ తర్వాత వధువు లేకుండా పెళ్లి ఊరేగింపు తిరిగి వచ్చేసింది. ఈ విషయం సుల్తాన్‌పూర్‌లోని దోస్త్‌పూర్ పోలీస్ స్టేషన్ పరిధిలోని ముస్తఫాబాద్ కాలా గ్రామానికి సంబంధించినది. పోలీసులు తెలిపిన వివరాల ప్రకారం.. ఇక్కడ నివసిస్తున్న 28 ఏళ్ల యువతికి అఖండనగర్ పోలీస్ స్టేషన్ పరిధిలో నివసిస్తున్న 30 ఏళ్ల యువకుడితో వివాహం నిశ్చయమైంది. ఈ వివాహం 17 నవంబర్ 2024 ఆదివారం జరగాల్సి ఉంది. నిర్ణీత సమయానికి పెళ్లి ఊరేగింపు చేరుకుంది. పెళ్లికి వచ్చిన అతిథులకు అమ్మాయి తరపు వారు గొప్ప ఆతిథ్యం ఇచ్చారు. ఇంతలో జయమాల జరగడంతో బాలిక లోపలికి వెళ్లింది.

జైమాల్ తర్వాత వధువు పెళ్లికి నిరాకరించింది
ఇక్కడ, టీ, అల్పాహారం తర్వాత తదుపరి పూజ, పెళ్లి పనుల కోసం అమ్మాయిని పిలిచినప్పుడు, ఆమె పెళ్లి చేసుకునేందుకు నిరాకరించింది. తాను గ్రాడ్యుయేట్‌ అని, వరుడు తక్కువ చదువుకున్న తెలివి తక్కువ వాడని.. కనీసం 10వ తరగతి కూడా పాస్ కాలేదని చెప్పారు. ఇది విని కల్యాణ మండపంలో గందరగోళం నెలకొంది. ఇరువైపుల పెద్దలు రాత్రంతా వాదించుకున్నారు, కాని చదువు రాని వాడిని చేసుకోవడం ద్వారా తన జీవితాన్ని పాడు చేసుకోనని అమ్మాయి స్పష్టంగా చెప్పింది. చివరి వరకు సమస్య పరిష్కారం కాకపోవడంతో బాలిక తరపు వారు అబ్బాయి తరఫు వారి లెక్కలు తేల్చాలని కోరారు.

పోలీసుల సమక్షంలో ఒప్పందం
ఈ విషయమై ఇరువర్గాలు ముఖాముఖి కూర్చున్నాయి. చివరకు విషయం పోలీసులకు చేరడంతో లావాదేవీ మొత్తాన్ని తిరిగి ఇచ్చేయాలని నిర్ణయించారు. పెళ్లి చేసుకునేందుకు ఒప్పుకుని ఇచ్చిన కట్నం, పెళ్లికి అయిన ఖర్చులు అబ్బాయి వాళ్లు తిరిగి చెల్లించాలని పెద్దలు తేల్చారు. అలాగే పెళ్లి అబ్బాయి వాళ్లు అమ్మాయికి పెట్టిన బంగారం తిరిగి ఇచ్చేయాలని సూచించారు. ఆ తర్వాత పెళ్లి కాకుండానే అబ్బాయి వాళ్ల ఊరేగింపు తిరిగి వచ్చేసింది. ఈ విషయమై బాలిక కుటుంబ సభ్యులు మీడియాతో మాట్లాడేందుకు నిరాకరించారు.