Tulasi: హిందూ సాంప్రదాయం ప్రకారం కొన్ని రకాల మొక్కలను దేవుళ్ళుగా భావిస్తాం. వీటికి ప్రత్యేక పూజలు నిర్వహిస్తాం. ప్రత్యేక దినాల్లో దీపాలు వెలిగించి ఆరాధిస్తాం. అటువంటి చెట్లలో తులసి ఒకటి. ఆధ్యాత్మిక వాతావరణం ఉన్న ప్రతి ఇంట్లో తులసి మొక్క తప్పనిసరిగా ఉంటుంది. తులసి మొక్క ఇంట్లో ఉండడం వల్ల ఎంతో శ్రేష్టంగా భావిస్తారు. సాక్షాత్తు లక్ష్మీదేవి తులసి మొక్కకు ప్రతిరూపంగా భావించి చాలామంది తమ ఇళ్లల్లో తులసి మొక్క ఉండేలా చూసుకుంటారు. అయితే కొందరు తమ ఇంట్లో ఒకటికంటే ఎక్కువగా తులసి మొక్కలను పెంచుతారు. ఇలా పెంచడం మంచిదేనా? ఎన్ని తులసి మొక్కలు పెంచుకోవచ్చు?
తులసి మొక్కను ఇంటిముందు తూర్పు లేదా ఈశాన్యం వైపున ఉంచాలి. ఇలా ఉంచడం వల్ల ఆ ఇంటికి ఎంతో శుభం జరుగుతుంది. తులసి మొక్క నేలలో కంటే కుండీలో లేదా ప్రత్యేక మైన వస్తువుల్లో పెంచడం మంచిది. ప్రతి మొక్కకు నీరు ఎక్కువగా ఉండకుండా చూడాలి. మీరు ఎక్కువగా ఉండటం వల్ల మొక్క ఎండిపోయే ప్రమాదం ఉంది. తులసి మొక్క ముందు దీపం వెలిగించేటప్పుడు జాగ్రత్తగా ఉండాలి. అలాగే ఆదివారం రోజున ప్రతి ఒక్కరు తాగకుండా ఉండాలి. స్నానం చేసిన తర్వాతనే తులసి మొక్కను ముట్టుకోవడం మంచిది.
అయితే చాలామంది తమ ఇళ్లల్లో ఒకటికి మించి తులసి మొక్కలను పెంచుకుంటూ ఉంటారు. హిందూ శాస్త్రం ప్రకారం ఒకరు తమ ఇంట్లో ఎన్ని చెట్లైనా పెంచుకోవచ్చు. కానీ ఇవి బేసి సంఖ్యలో ఉండడం మంచిది అని వాస్తు శాస్త్రం తెలుపుతుంది. 1,3,5 అనే బేసి సంఖ్య వచ్చే విధంగా తులసి మొక్కలను పెంచుకోవాలి. సరి సమానంగా ఉన్న సంఖ్య ఆధారంగా తులసి మొక్కలను పెంచుకోవద్దు. అలా చేస్తే ఇంటికి అరిష్టమని చెబుతుంటారు.
తులసి మొక్కలను కేవలం పూజల కోసం మాత్రమే కాకుండా ఆరోగ్యానికి కూడా అనేక రకాలుగా ఉపయోగిస్తారు. సర్వరోగ నివారిణిగా పేర్కొనే తులసి మొక్కను ఇప్పుడు ఇళ్లల్లో ఎక్కువ శాతం పెంచుకుంటున్నారు. అయితే పూజ చేసే తులసి మొక్కకు ప్రత్యేకంగా భావించాలి. ఈ చెట్టును ప్రతిరోజు స్నానం చేసిన తర్వాతనే తాకాలి. అలాగే ఆదివారం నాడు నీ చెట్టును ముట్టుకోకుండా జాగ్రత్త పడాలి. ఈ రోజున విశ్రాంతి డే గా పాటిస్తారు.
మిగతా రోజుల్లో తులసి మొక్కకు మహిళలు అనేక రకాలుగా పూజలు నిర్వహిస్తారు. కొందరు తులసి కళ్యాణం కూడా చేస్తారు. అయితే కొందరి ఇళ్లల్లో తులసి మొక్కలను నిర్లక్ష్యంగా వదిలేస్తారు. ఇలా చేయడం వల్ల అరిష్టమని చెబుతున్నారు. ఈ మొక్కను ఎంత జాగ్రత్తగా కాపాడుకుంటే అంతా మిల్లు బాగుంటుందని అంటున్నారు. అందువల్ల తులసి మొక్కను ఇంట్లో పెంచుకున్నట్లయితే కొన్ని నిబంధనలు పాటించాలని తెలుసుకోవాలి.
