Anjeer Benefits: మన ఆరోగ్యానికి పండ్లు ఎంతో దోహదం చేస్తాయి. పండ్లు ఎండబెడితే డ్రై ఫ్రూట్స్ గా చెబుతారు. ఈ నేపథ్యంలో అంజీర్ పండ్ల గురించి తెలుసుకుందాం. ప్రకృతిలో లభించే పండ్లలో అంజీర్ పండు కూడా ఒకటి. దీనిలో పోషకాలు మెండుగా ఉన్నాయి. ఇది ఆరోగ్యాన్ని ప్రభావితం చేస్తుందనడంలో సందేహం లేదు. నిత్యం భోజనానికి రెండు పండ్లు తినడం వల్ల మన ఆరోగ్యం మెరుగుపడుతుంది. రోగ నిరోధక శక్తిని పెంచుతుంది. రాత్రి సమయంలో నానబెట్టిన రెండు అంజీర్ పండ్లను ఉదయం పరగడుపున తినాలి. అందులోని నీటిని తాగాలి. ఇలా చేయడం వల్ల మనకు ఎన్నో రకాల లాభాలు కలుగుతాయి.
ఫైబర్
అంజీర్ పండ్లలో ఫైబర్ పుష్కలంగా ఉంటుంది. ఇది మనం తిన్న ఆహారాన్ని సులువుగా జీర్ణం చేయడంలో కీలక పాత్ర పోషిస్తుంది. జీర్ణవ్యవస్థ మంచిగా పనిచేయడానికి పరోక్షంగా సాయపడుతుంది. జీర్ణ సంబంధ సమస్యలు దూరం చేయడంలో కూడా ఇది తోడ్పడుతుంది. అంజీర్ పండ్లలో సోడియం, పొటాషియం ఉండటం వల్ల రక్తపోటు నియంత్రణలోకి వస్తుంది. బీపీని కంట్రోల్ లో ఉంచడంలో ఇవి కీలక పాత్ర పోషిస్తాయి.
రక్తహీనత
మనలో చాలామంది ఆడవారికి రక్తహీనత సమస్య ఉంటుంది. దీన్ని దూరం చేయడంలో కూడా అంజీర్ పండ్లు ఉపయోగపడతాయి. భోజనానికి ముందు వీటిని తినడం వల్ల రక్తంలో హిమోగ్లోబిన్ స్థాయిలను పెంచుతాయి. మలేరియా, డెంగీ, టైఫాయిడ్ వంటి విషజ్వరాలకు విరుగుడుగా పనిచేస్తుంది. ప్లేట్ లెట్లు తగ్గిన వారికి వీటిని తినిపిస్తే వెంటనే ప్లేట్ లెట్లు పెరుగుతాయని వైద్యులు చెబుతున్నారు.
అధిక బరువు
ఈ రోజుల్లో చాలా మంది ఎదుర్కొంటున్న సమస్య అధిక బరువు. ఉండాల్సిన బరువు కంటే అధికంగా ఉంటే అధిక బరువు అంటారు. దీని వల్ల మనకు జబ్బులు ఏర్పడే అవకాశం ఉంటుంది. దీనికి చెక్ పెట్టే బలం ఉన్న ఆహారం అంజీర్ పండ్లే. ఇందులో పెక్టిన్ అనే పదార్థం ఉండటం వల్ల అది శరీరంలోని వ్యర్థాలను తొలగించి రక్తాన్ని శుద్ధి చేస్తుంది.
రోగనిరోధక శక్తి
మన రోగ నిరోధక శక్తిని పెంచడంలో అంజీర్ పండ్లు సాయపడతాయి. ఇందులో మెగ్నిషియం, మాంగనీసు, జింక్ సమృద్ధిగా ఉండటం వల్ల సంతానం కావాలనుకునే వారి కోరికలు తీర్చేదిగా పనిచేస్తుంది. మధుమేహం ఉన్న వారికి మంచి మందులా మారుతుంది. రక్తంలో గ్లూకోజ్ స్థాయి పెరగకుండా చేస్తుంది. ఇలా అంజీర్ పండ్లు మనకు ఎన్నో విధాలుగా మేలు చేయడం వల్ల వీటిని తరచు తీసుకోవడం వల్ల మన ఆరోగ్యం బాగుంటుందని ఆయుర్వేద వైద్యులు సూచిస్తున్నారు.
