Pomegranate దానిమ్మపండు.. ఎరుపు రంగులో నిగనిగలాడే క్రిస్టల్ లాంటి విత్తనాలను వేరు చేసి తినడం కొంచెం కష్టమైనా ప్రయోజనాలు తెలిస్తే మాత్రం మీరు వదలిపెట్టరు. ఇందులో చాలా పోషకాలు, యాంటీఆక్సిడెంట్లు మరియు ఫ్లేవనాయిడ్లు ఉంటాయని తేలింది. ఇది సూపర్ ఫుడ్ కంటే తక్కువ కాదని వైద్యనిపుణులు చెబుతున్నారు. మీ శరీరంలోని అనేక అనారోగ్యాలపై అద్భుతంగా పనిచేసే పండు దానిమ్మ అంటూ చెబుతున్నారు. “ఆహార ఔషధం”గా దీనిని ఉపయోగించాలని తాజాగా పరిశోధించి మరీ సూచిస్తున్నారు.
దానిమ్మపండులో చాలా గుణాలు ఉన్నాయి. ఇది శరీరాన్ని అన్ని రకాల అనారోగ్యాల నుండి కాపాడుతుంది. జీవనశైలి నిర్వహణలో కూడా పునరుజ్జీవింపజేయడంలో బాగా పనిచేస్తుంది. ఇది గుండె మరియు మెదడు-ఆరోగ్యానికి అనుకూలమైనది. మధుమేహ వ్యాధిగ్రస్తులకు ఎంతో మంచిది. విటమిన్ ఎ మరియు సితో నిండి ఉంటుంది.ఇందులో యాంటీఆక్సిడెంట్లు సమృద్ధిగా ఉంటాయి. నిజానికి.. ఇది ఒక మంచి అల్పాహారం పండు అని.. ఆకలి బాధలను చంపుతుందని సూచిస్తున్నారు. పీచుతో నిండిన పండ్లను డైరెక్టుగా తినాలని.. విత్తనాలను నమలాలని.. ఇలా తింటేనే గరిష్ట ప్రయోజనాలను పొందుతారని వైద్య నిపుణులు సూచిస్తున్నారు. దీనిని జ్యూస్ చేసుకొని రసంగా తీసుకోవద్దని.. అలా చేస్తే పోషకాలన్నీ పోతాయని హెచ్చిరిస్తున్నారు.
‘అనేక పండ్ల రసాల మాదిరిగానే, దానిమ్మ రసంలో యాంటీఆక్సిడెంట్లు, ముఖ్యంగా పాలీఫెనాల్స్ ఉంటాయి. చాలా ఎక్కువ స్థాయిలో ఉంటాయి. ఇది గ్రీన్ టీ లేదా రెడ్ వైన్ కంటే దాదాపు మూడు రెట్లు ఎక్కువ యాంటీఆక్సిడెంట్లను కలిగి ఉంటుంది. తక్కువ సాంద్రత కలిగిన లిపోప్రొటీన్ (LDL) లేదా చెడు కొలెస్ట్రాల్‌ను తగ్గించడం ద్వారా గుండెను దానిమ్మపండు రక్షిస్తుంది ”అని ముంబై అపోలో హాస్పిటల్స్‌లోని సీనియర్ క్లినికల్ డైటీషియన్, హెడ్, డైటీషియన్, డాక్టర్ వర్ష గోరే చెప్పారు.
పాలీఫెనాల్స్ అనేవి మన శరీరంలోని వాపు లను తగ్గించి వృద్ధాప్యంతో పోరాడటానికి.. రక్త ప్రవాహాన్ని నిర్వహించడానికి కూడా సహాయపడతాయి. దానిమ్మపండులో 83 కిలో కేలరీలు, 13 గ్రాముల చక్కెర ఉంటుంది, ఇందులో ఫైబర్ పుష్కలంగా ఉంటుంది. గ్లైసెమిక్ ఇండెక్స్ (జిఐ) 53 ఉంటుంది. ఇందులో ఫోలేట్, పొటాషియం మరియు విటమిన్ కె కూడా పుష్కలంగా ఉన్నాయి. అయితే ఇది పెరిగే కొవ్వును నిరోధించగలదు. మీ గుండె జబ్బు ప్రమాదం తగ్గించగలదు.. కొవ్వు శరీరంలో పేరుకుపోకముందే వాటిపై దాడి చేయడం ద్వారా, దానిమ్మపండు గుండె అడ్డంకులను దూరంగా ఉంచుతుంది. బొడ్డు చుట్టూ ఉండే పొట్ట కొవ్వును కూడా పెరగకుండా ఆపుతుంది.
అధిక కొలెస్ట్రాల్ ఉన్న 51 మంది వ్యక్తులపై జరిపిన ఒక అధ్యయనంలో నాలుగు వారాల పాటు రోజువారీ దానిమ్మ గింజలను తినిపించారు. వారిలో గణనీయంగా కొవ్వు తగ్గిస్తుందని.. చెడు కొలెస్ట్రాల్ తగ్గించి మంచి కొలెస్ట్రాల్ నిష్పత్తిని మెరుగుపరుస్తుందని నిరూపించింది. ఇందులోని పొటాషియం మరియు మెగ్నీషియం కంటెంట్ రక్తపోటు (BP) తగ్గించడంలో సహాయపడుతుంది. దాని ముఖ్యమైన కొవ్వులు జీర్ణక్రియకు సహాయపడతాయి. మలబద్ధకం నుండి ఉపశమనం పొందుతాయి. ఆరోగ్యాన్ని కాపాడతాయి డాక్టర్ గోరే చెప్పారు.
ఎనిమిది క్లినికల్ ట్రయల్స్ నిర్వహించిన అనంతరం ఫార్మకోలాజికల్ రీసెర్చ్‌లో దానిమ్మ రసం సిస్టోలిక్ మరియు డయాస్టొలిక్ రక్తపోటును తగ్గించిందని.. తద్వారా గుండెకు ఆరోగ్యకరమైన ఆహారంగా నిలిచిందని తేలింది. ఇది కరగని డైటరీ ఫైబర్‌ల రిజర్వాయర్ అని పేర్కొన్నారు. పండును తీసుకోవడం వల్ల మెరుగైన ఇన్సులిన్ నిర్వహణ ఉంటుంది.. మధుమేహాన్ని కంట్రోల్ చేస్తుందని తేలింది. గత దశాబ్దంలో వివిధ అధ్యయనాలు దానిమ్మను టైప్ 2 డయాబెటిస్ నివారణ మరియు చికిత్సకు బాగా పనిచేస్తాయని తేలింది. దానిమ్మ తొక్క సారంతో రక్తంలో గ్లూకోజ్ స్థాయిలు ఎలా గణనీయంగా తగ్గుతాయో ఇది చూపించింది. దానిమ్మ లోని పునికాలాగిన్, ఎల్లాజిక్, గాలిక్, ఒలియానోలిక్, ఉర్సోలిక్, ఆలిక్ యాసిడ్స్ మరియు టానిన్‌లలోని తెలిసిన సమ్మేళనాలు మధుమేహాన్ని నియంత్రిస్తున్నట్లు గుర్తించబడ్డాయి. 2014లో మధుమేహం ఉన్నవారిలో జరిపిన ఒక అధ్యయనంలో రోజూ దానిమ్మ రసం తీసుకోవడం వల్ల షుగర్ సంబంధిత వ్యాదులను 30 శాతం తగ్గించినట్లు తేలింది.
అధ్యయనాల ప్రకారం.. దానిమ్మ సారం జీర్ణవ్యవస్థలో, రొమ్ము క్యాన్సర్ మరియు పెద్దప్రేగు క్యాన్సర్ కణాలలో తాపజనక చర్యను తగ్గిస్తుందని తేలింది. దానిమ్మ పదార్దాలు క్యాన్సర్ కణాల పునరుత్పత్తిని నెమ్మదిస్తాయని..క్యాన్సర్ కణాలలో అపోప్టోసిస్ (కణాల మరణానికి) కూడా కారణమవుతాయని తేలింది.
-దానిమ్మలు ఎలా శక్తిని పెంచుతాయి
పండ్లలో డైటరీ నైట్రేట్లు పుష్కలంగా ఉన్నందున ఇది శక్తి స్థాయిలను పెంచుతుంది. 2014లో 19 మంది అథ్లెట్లపై జరిపిన ఒక అధ్యయనంలో వ్యాయామానికి ముందు తీసుకున్న దానిమ్మ సారం రక్త ప్రసరణను గణనీయంగా మెరుగుపరుస్తుందని.. అలసటను దూరం చేస్తుందని నిరూపించింది.
వృద్ధులపై పండు అద్భుతాలు చేస్తుంది. నేచర్ మెటబాలిజంలో దానిమ్మపండ్లలోని సమ్మేళనం వారి మతిమరుపును పోగొడుతుందని తేలింది. కణాల పనితీరును మెరుగుపరుస్తుందని చూపించింది. భారతీయులు సాంప్రదాయకంగా తమ ఆహారంలో దానిమ్మపండ్లను భాగంగా చేసుకుంటున్నారు. అయితే ఇది ఒక మధ్యాహ్న, మధ్య సాయంత్రం అల్పాహారంగా తినాలని డైటీషియన్లు సూచిస్తున్నారు. విత్తనాల రూపంలో తింటే మెరుగైన ప్రయోజనాలు వస్తాయని చెబుతున్నారు. జ్యూస్ కేవలం ఆకలి లేని రోగులకు లేదా వృద్ధులకు మాత్రమే ఇవ్వాలి” అని వైద్య నిపుణులు సూచిస్తున్నారు.
