Cancer : ఆస్ప్రిన్ టాబ్లెట్స్ చాలా మందికి తెలిసిందే. అయితే ఈ టాబ్లెట్స్ ఇప్పుడు క్యాన్సర్ ను కూడా నయం చేయబోతున్నాయట. ఓ అధ్యయనం ఈ విషయాన్ని వెల్లడించింది. అవును నిజంగా ఇదే జరిగితే, ఈ పరిశోధన విప్లవాత్మకమైనదిగా మారుతుంది. ఈ పరిశోధనలో ఆస్ప్రిన్ మాత్రలు క్యాన్సర్ కణాల పెరుగుదలను పెరగకుండా చేస్తాయి అని తేలింది. దీని అర్థం క్యాన్సర్ కణాలు మరింత పెరగకపోతే, వాటిని అక్కడే సులభంగా చంపవచ్చు కదా. లేదంటే శస్త్రచికిత్స ద్వారా ఆ కణాలను అక్కడి నుంచి తొలగించవచ్చు. ఆ తర్వాత ఏ వ్యక్తి అయినా క్యాన్సర్ రహితంగా లైఫ్ ను ఎంజాయ్ చేస్తారు. ఈ పరిశోధన దాని ట్రయల్లో విజయవంతమైతే, ఇది క్యాన్సర్ చరిత్రలో ఒక పెద్ద విజయం అవుతుంది. ఎందుకంటే దీని వల్ల ప్రతి వ్యక్తి ప్రయోజనకరంగా ఉంటుంది.
Also Read : 6 నెలల్లో బాలికల క్యాన్సర్ వ్యాక్సిన్.. కేంద్రం వెల్లడి..!
ఆస్ప్రిన్ మాత్రలు తీసుకున్న తర్వాత, కొన్ని రకాల క్యాన్సర్ కణాలు వాటి పరిమితికి మించి పెరగలేదని, ఎందుకంటే రోగనిరోధక వ్యవస్థ చాలా శక్తివంతమై వాటిని మరింత పెరగడానికి అనుమతించలేదని నేచర్ జర్నల్లో ప్రచురితమైన నివేదిక పేర్కొంది. క్యాన్సర్ చికిత్సలో చాలా పురోగతులు ఉన్నాయని, దీని కారణంగా చాలా మందిలో ప్రారంభ దశలోనే క్యాన్సర్ గుర్తించే అవకాశాలు ఉన్నాయి. సో ఒకసారి గుర్తించిన తర్వాత, ప్రభావిత అవయవంలో ఏర్పడిన క్యాన్సర్ కణితిని వివిధ పద్ధతుల ద్వారా తొలగిస్తారు. కానీ మళ్ళీ క్యాన్సర్ పెరిగే అవకాశం మాత్రం కచ్చితంగా ఉంటుంది.
ఇలా మళ్లీ పెరగడం వల్ల కొంత మంది దీనికి బలైపోతారు. అందువల్ల, ఈ పరిశోధన చాలా విప్లవాత్మకమైనదిగా చెబుతున్నారు నిపుణులు. ఎందుకంటే ఆస్ప్రిన్ టాబ్లెట్ ఇస్తే, రోగనిరోధక వ్యవస్థ క్యాన్సర్ కణాలు పెరగనివ్వదు. అంటే, ఎవరికైనా క్యాన్సర్ ఉన్నప్పటికీ, ఈ ఔషధం దాని చికిత్సను పూర్తిగా సాధ్యం చేస్తుంది అన్నమాట.
ఆస్ప్రిన్ క్యాన్సర్ కణాలను ఎలా ఆపుతుంది?
మన రక్తంలోని ప్లేట్లెట్స్లో TXA2 అనే సమ్మేళనం కూడా ఉందని పరిశోధకులు తెలిపారు. ఇది చాలా ఉపయోగకరం. దీని కారణంగా, శరీరంలో ఎక్కడైనా కోత పడి రక్తం బయటకు వస్తే, TXA2 రక్తంలో గడ్డకట్టేలా చేస్తుంది. తద్వారా ఎక్కువ రక్తం ఉత్పత్తి అవ్వదు. అదే సమయంలో, రక్తస్రావం ఆగిపోతుంది. కానీ ఇది ప్రమాదాన్ని కూడా సృష్టించవచ్చు. కొన్నిసార్లు గుండెపోటు, స్ట్రోక్కు దారితీస్తుంది. ఆస్ప్రిన్ TXA2 ఉత్పత్తిని తగ్గిస్తుంది. ఇది గుండెపోటు, స్ట్రోక్ నుంచి ప్రజలను రక్షిస్తుంది.
ఇప్పుడు కొత్త పరిశోధనలో TXA2 తక్కువగా విడుదలైనప్పుడు, T కణం చాలా బలంగా మారి క్యాన్సర్ కణాన్ని అణిచివేస్తుందని కూడా తేలింది. ఇది క్యాన్సర్ కణాల పెరుగుదల మరింత ముందుకు సాగనివ్వదు. శాస్త్రవేత్తలు ప్రస్తుతం ఎలుకలపై ఈ అధ్యయనాన్ని నిర్వహించారు. దీనిలో వారు మెటాస్టాటిక్ క్యాన్సర్ను నివారించడంలో విజయం సాధించారు. కానీ ఇంకా మానవుల మీద పరిశోధనలు చేయలేదు. మానవులు మీద ప్రయోగం చేసి సక్సెస్ సాధిస్తే క్యాన్సర్ గురించి భయపడాల్సిన అవసరం కూడా ఉండదు కదా. కేవలం ఆస్ప్రిన్ నో క్యాన్సర్.
