Rajasaab
Rajasaab : సినిమా ఇండస్ట్రీ అనేది ఎవరికి ఎలాంటి అనుభవాన్ని ఇస్తుందో ఎవ్వరికీ తెలియదు. ఇక్కడ హిట్ వస్తే స్టార్ స్టేటస్ ని అనుభవిస్తారు. ఫ్లాప్ వస్తే మాత్రం పాతాళానికి పడిపోతారు.అనుక్షణం ఇక్కడ పోరాటం చేస్తూ ఉండాలి. ఇక ఏదో ఒక రోజు ఏదో సినిమా పడుతుంది సక్సెస్ సాధిస్తాం అనే భ్రమలో బతికేస్తే చాలా కష్టం… ఎప్పటికప్పుడు నిరంతరం వాళ్ళని వాళ్ళు ప్రూవ్ చేసుకుంటూ ముందుకు సాగితేనే ఇక్కడ నిలబడగలుగుతారు…
తెలుగు సినిమా ఇండస్ట్రీలో కమర్షియల్ సినిమాలకు మంచి గుర్తింపు అయితే ఉంది. ఈ సినిమాలను ప్రేక్షకులు ఎప్పుడు ఆదరిస్తూ ఉంటారు. కానీ కమర్షియల్ సినిమాల్లో వైవిధ్యాన్ని ప్రదర్శించే దర్శకులకు మాత్రమే మంచి గుర్తింపు అయితే ఉంటుంది. ఎప్పుడు రొటీన్ రొట్ట ఫార్ములా సినిమాలు తీస్తే మాత్రం వాళ్లు యాక్సెప్ట్ చేయరు. కాబట్టి స్టార్ హీరో ఇమేజ్ ఉన్న వాళ్ళతో సినిమాలు చేసినప్పుడు కొంచెం ఒళ్ళు దగ్గర పెట్టుకొని సినిమా చేయాల్సిన అవసరం అయితే ఉందని విమర్శకులు సైతం విమర్శిస్తూ ఉంటారు. ఇక ఇలాంటి క్రమంలోనే మారుతి డైరెక్షన్ లో ప్రభాస్ హీరోగా వస్తున్న ‘రాజాసాబ్ ‘ సినిమా మీద ప్రేక్షకుల్లో విపరీతమైన అంచనాలైతే ఉన్నాయి. మరి ఈ సినిమాకి సంబంధించిన మోషన్ పోస్టర్ ను రీసెంట్ గా రిలీజ్ చేశారు. అందులో ప్రభాస్ ఒక డిఫరెంట్ లుక్ లో కనిపించాడు. మరి ఈ సినిమాలో ప్రభాస్ దయ్యం గా నటిస్తున్నాడా లేదా ఏదైనా డిఫరెంట్ పాత్రలో కనిపిస్తాడా అనే విషయమైతే ఇంకా స్పష్టంగా తెలియదు. ఇక ఇప్పుడు అందుతున్న సమాచారం ప్రకారం ఈ సినిమాలో ఒక ఐటెం సాంగ్ కూడా ఉందట…ఇక ఈ సినిమాలో బాలీవుడ్ నటి అయిన శ్రద్ధ కపూర్ తో ఐటెం సాంగ్ చేయించడానికి సన్నాహాలు చేస్తున్నట్టుగా తెలుస్తోంది.
ఇక ఇప్పటికే పుష్ప 2 సినిమాలో శ్రద్ధ కపూర్ ఐటెం సాంగ్ చేయాల్సింది. కానీ చివరి నిమిషంలో మిస్ అయింది దాంతో శ్రీలీలా ఐటెం సాంగ్ చేసి మంచి గుర్తింపును సంపాదించుకుంటుంది. మరి మొత్తానికైతే శ్రద్ధ కపూర్ ఈ సినిమాలో ఐటెం సాంగ్ చేస్తుంది అంటూ సినిమా యూనిట్ నుంచి కొన్ని వార్తలైతే బయటికి వస్తున్నాయి.
ఈ విషయం మీద ఇంకా అఫీషియల్ గా సినిమా యూనిట్ స్పందించకపోయిన కూడా ప్రభాస్ అభిమానులు మాత్రం సోషల్ మీడియా వేదికగా ఈ న్యూస్ ను విపరీతంగా వైరల్ చేస్తున్నారు. మరి ఏది ఏమైనా కూడా శ్రద్ధా కపూర్ ప్రభాస్ కాంబినేషన్ లో ఒక ఐటెం సాంగ్ పడితే అది అల్టిమేట్ గా నిలిచిపోతుందనే ఉద్దేశ్యంతోనే సినిమా మేకర్స్ ఆలోచిస్తున్నట్టుగా తెలుస్తుంది.
మరి ఏది ఏమైనా కూడా ప్రభాస్ లాంటి స్టార్ హీరో ఇమేజ్ ఉన్న నటుడుని పెట్టుకొని భారీ సక్సెస్ ని కొట్టకపోతే మాత్రం మారుతి చాలా వరకు ఫెయిల్ అయిపోతాడని చెప్పడంలో ఎంత మాత్రం అతిశయోక్తి లేదు. నిజానికి మారుతి లాంటి ఒక చిన్న దర్శకుడుని ప్రోత్సహించి అతనికి సినిమా ఇచ్చిన ప్రభాస్ నమ్మకాన్ని నిలబెట్టాల్సిన అవసరం అయితే మారుతి మీద ఉంది…
