Bobby Simha: సౌత్ ఇండియన్ ఫిలిం ఇండస్ట్రీ గర్వించదగ్గ నటులలో ఒకరు బాబీ సింహా..తమిళనాట ఎన్నో విభిన్నమైన పాత్రలను పోషించి తనకంటూ ఒక ప్రత్యేకమైన ఫ్యాన్ ఫాలోయింగ్ ని సంపాదించిన హీరో ఆయన..హీరోగా విలన్ గా మరియు క్యారక్టర్ ఆర్టిస్టుగా బాబీ సింహ ప్రస్తుతం ఉన్న డిమాండ్ మామూలుది కాదు..రీసెంట్ గా విడుదలై సంచలన విజయం సాధించిన ‘వాల్తేరు వీరయ్య’ సినిమాలో ఒక విలన్ గా నటించి తెలుగు ప్రేక్షకులకు బాగా దగ్గరైన బాబీ సింహా గురించి మన ఆడియన్స్ కి చాలా తక్కువ మాత్రమే తెలుసు..తమిళం లో తెరకెక్కిన ‘జిగర్తాండ’ అనే సినిమాలో అద్భుతమైన నటన కనబర్చినందుకు గానూ బాబీ సింహా కి ఉత్తమ సహాయ నటుడిగా నేషనల్ అవార్డు దక్కింది..తెలుగు లో ఇదే సినిమాని ప్రముఖ దర్శకుడు హరీష్ శంకర్ ‘గద్దలకొండ గణేష్’ అని రీమేక్ చేసాడు..బాబీ సింహా పోషించిన పాత్రని వరుణ్ తేజ్ చేసాడు..ఇక్కడ కూడా మంచి హిట్ అయ్యింది ఈ సినిమా.
జాతీయ అవార్డు గెలుచుకున్న ఇతని గురించి మనం తెలుసుకోవాల్సిన అవసరం ఎంతైనా ఉంది..అందుకే ఇతని గురించి మీకెవ్వరికి తెలియని కొన్ని ఆసక్తికరమైన విషయాలు ఇప్పుడు మేము మీ ముందు ఉంచబోతున్నాము..బాబీ సింహా పేరుకే తమిళ నటుడు..కానీ ఇతను ఆంధ్ర ప్రదేశ్ లోని కృష్ణా జిల్లాకి సంబంధించిన వ్యక్తి అని మెగాస్టార్ చిరంజీవి మొన్న జరిగిన ‘వాల్తేరు వీరయ్య’ ప్రీ రిలీజ్ ఈవెంట్ లో చెప్తే కానీ ఎవరికీ తెలియలేదు..వాస్తవానికి ఇతను హైదరాబాద్ లోని మౌలాలి ప్రాంతం లో 1983 వ సంవత్సరం నవంబర్ 9 వ తారీఖున జన్మించాడు..ఆయన సొంత ఊరు విజయవాడ సమీపం లో ఉన్న బందర్ ప్రాంతంలో..తన విద్యాబ్యాసం మొత్తం నాల్గవ తరగతి వరకు మౌలాలి లో ఆ తర్వాత కృష్ణ జిల్లా మోపిదేవిలో ప్రియదర్శిని విద్యాలయంలో 10వ తరగతి వరకు పూర్తి చేసి , డిగ్రీ విద్యాబ్యాసం కొరకు కోయంబత్తూరు కి వెళ్ళాడు.
చిన్నప్పటి నుండి సినిమాలంటే విపరీతమైన ఇష్టమున్న బాబీ సింహా అందరి లాగానే సినిమాల్లో అవకాశం సంపాదించడానికి ఎన్నో కష్టాలను అనుభవించాడు..అలా ఆడిషన్స్ లో ఒకరోజు ‘కదలిల్ సోదప్పువదు ఎప్పడి’ అనే సినిమాకి ఎంపిక అయ్యాడు..తొలి సినిమాతోనే నటుడిగా మంచి గుర్తింపు రావడం తో వెంటనే ‘లవ్ ఫెయిల్యూర్’ మరియు ‘పిజ్జా’ వంటి సినిమాలలో నటించే అవకాశం దక్కింది..అలా ప్రారంభమైన బాబీ సింహా కెరీర్ 2014 వ సంవత్సరం లో విడుదలైన ‘జిగర్తాండా’ అనే సినిమాతో మలుపు తిరిగింది..జాతీయ స్థాయిలో నటుడిగా గొప్ప గుర్తింపు వచ్చింది..ఆ సినిమా తర్వాత ఆయన వెనక్కి తిరిగి చూసుకోవాల్సిన అవసరం రాలేదు..ఏడాదికి పది సినిమాలు చేస్తూ సౌత్ లో ఏ క్యారక్టర్ ఆర్టిస్టు లేనంత బిజీ గా కాలం గడిపేస్తున్నాడు.
