Vishwambhara Movie: ఎప్పుడో 2023 వ సంవత్సరం లో షూటింగ్ ని మొదలు పెట్టుకున్న ‘విశ్వంభర'(Vishwambhara Movie) చిత్రం 2024 కి షూటింగ్ కార్యక్రమాలను పూర్తి చేసుకుంది. అప్పట్లో ఈ సినిమాపై అభిమానుల్లోనే కాదు , ప్రేక్షకుల్లో , ట్రేడ్ వర్గాల్లో కూడా అంచనాలు భారీ రేంజ్ లో ఉండేవి. కానీ ఎప్పుడైతే ఈ చిత్రానికి సంబంధించిన టీజర్ విడుదలైందో , అప్పటి నుండి ఈ సినిమా తలరాత మొత్తం మారిపోయింది. ఆ టీజర్ లోని నాసిరకపు గ్రాఫిక్స్ ని చూసి సోషల్ మీడియా లో వచ్చిన ట్రోల్స్, మెగా అభిమానులకు ఒక పీడకల లాంటిది. మెగా ఫ్యాన్స్ కూడా గ్రాఫిక్స్ పై డైరెక్టర్ వశిష్ఠ మీద మండిపడ్డారు. దాంతో ఈ చిత్రం విడుదల ని వెంటనే ఆపేసి, గ్రాఫిక్స్ పై రీ వర్క్ చేయడం మొదలు పెట్టారు. VFX షాట్స్ నన్ను పూర్తిగా సంతృప్తి పరిచేంత వరకు ఈ చిత్రం విడుదల తేదీని ప్రకటించను అంటూ డైరెక్టర్ వశిష్ఠ ఒక ఇంటర్వ్యూ లో చెప్పుకొచ్చాడు.
అయితే ఈ సినిమాకు సంబంధించిన VFX షాట్స్ అన్నీ డెలివరీ అయిపోయాయి. రీసెంట్ గానే ఫైనల్ ఎడిటింగ్ వెర్షన్ ని చూసి మెగాస్టార్ చిరంజీవి డైరెక్టర్ వశిష్ఠ ని మెచ్చుకున్నట్టు తెలుస్తోంది. సినిమా రెడీ గా ఉంది , కానీ విడుదల తేదీని ప్రకటించడానికి ‘పెద్ది’ కోసం ఆగారు. ఎందుకంటే ‘పెద్ది’ చిత్రాన్ని జూన్ లో విడుదల చెయ్యాలా?, లేదంటే జులై లో విడుదల చెయ్యాలా ? అనే సందిగ్ధం నిన్న మొన్నటి వరకు ఉండేది. అయితే పెద్ది టీం ప్రెస్ మీట్ ఏర్పాటు చేసి జూన్ 4 న విడుదల చేయబోతున్నట్టు అధికారిక ప్రకటన చేయడం తో, ‘విశ్వంభర’ టీం తమ సినిమా విడుదల తేదీని కూడా లాక్ చేశారు. ఈ చిత్రాన్ని జులై 10 న విడుదల చేయబోతున్నారు అట .
త్వరలోనే విడుదల తేదీ తో సరికొత్త టీజర్ వీడియో ని కూడా వదలబోతున్నారట. విడుదల తేదీని లాక్ చేయడంతో , ఇప్పుడు మేకర్స్ పోస్ట్ ప్రొడక్షన్ పనులు త్వరగా ముగించేందుకు సన్నాహాలు చేస్తున్నారు. అందులో భాగంగానే బ్యాక్ గ్రౌండ్ మ్యూజిక్ , రీ రికార్డింగ్ వర్క్ కోసం మిరాయ్ , హనుమాన్ చిత్రాలకు పని చేసిన గౌర హరి ని ఎంపిక చేసుకున్నట్టు సమాచారం. ఈ చిత్రానికి మ్యూజిక్ డైరెక్టర్ కీరవాణి పని చేశాడు , కానీ ఆయన ప్రస్తుతం బిజీ గా ఉండడం తో గౌర హరి తో బ్యాక్ గ్రౌండ్ మ్యూజిక్ చేయిస్తున్నారు. ఈ నెలాఖరు లోపు పోస్ట్ ప్రొడక్షన్ పనులు పూర్తి చేసి , ఫైనల్ కాపీ ని జూన్ మొదటి వారం లోపు రెడీ చెయ్యాలనే టార్గెట్ తో పని చేస్తున్నారట మేకర్స్.
