Sai Rajesh Neelam VS Vishvak Sen : విశ్వక్ సేన్ వివాదాలకు మారుపేరు. తనకంటూ ఓ ఇమేజ్ క్రియేట్ చేసుకున్న ఈ యాటిట్యూడ్ హీరో పలుమార్లు వివాదాలతో వార్తల్లో నిలిచాడు. ఫలక్ నుమా దాస్ మూవీ పోస్టర్స్ చించేశారని పెద్ద రచ్చ చేశాడు. హీరో విజయ్ దేవరకొండ కుట్ర అంటూ నేరుగా విమర్శలు చేశాడు. ఆ వివాదం మెల్లగా సద్దుమణిగింది. ఫలక్ నుమా దాస్ చిత్రానికి ఆ వివాదం ప్లస్ అయ్యింది. ఎంతో కొంత వసూళ్లు తెచ్చిపెట్టింది. అలాగే అశోకవనంలో అర్జున కళ్యాణం విడుదలకు ముందు మరో వివాదం రేపాడు.
లక్ష్మణ్ అనే వ్యక్తితో రోడ్డు పక్కన ఫ్రాంక్ చేసి విమర్శల పాలయ్యారు. పబ్లిక్ లో ఈ రచ్చ ఏంటంటూ సోషల్ మీడియాలో విశ్వక్ సేన్ ని ఏకిపారేశారు. టీవీ 9 దేవీ నాగవల్లి స్టూడియో నుండి గెట్ అవుట్ అంది. ఇలా చెప్పుకుంటూ పోతే చాలానే ఉన్నాయి. తాజాగా విశ్వక్ సేన్ ఒక ట్వీట్ చేశారు. సదరు ట్వీట్లో… వద్దు అంటే వద్దు అనేది మగాళ్లకు కూడా వర్తిస్తుంది. అందుకే హైరానా పడిపోకుండా శాంతియుతంగా ఉండండి. మనం ప్రశాంత వాతావరణంలో బ్రతుకుతున్నాం.. అని కామెంట్ చేశాడు.
ఇది బేబీ దర్శకుడు సాయి రాజేష్ కి కౌంటర్ అని పలువురు అభిప్రాయపడుతున్నారు. బేబీ చిత్ర సక్సెస్ మీట్లో సాయి రాజేష్ ఈ కథను ఓ హీరోకి చెప్పడానికి ట్రై చేస్తే అసలు వినడానికి కూడా ఇష్టపడలేదని అన్నారు. సాయి రాజేష్ చెప్పిన ఆ హీరో విశ్వక్ సేన్. సక్సెస్ మీట్లో పరోక్షంగా విశ్వక్ నా కథ కనీసం వినలేదు. బ్లాక్ బస్టర్ మిస్ అయ్యాడని ఎద్దేవా చేశాడని భావించిన విశ్వక్, ఇలా కౌంటర్ వేశాడన్న మాట వినిపిస్తోంది.
టాలీవుడ్ లో ఇది తాజా వివాదం అని చెప్పొచ్చు. విశ్వక్ సేన్ ట్వీట్ కి సాయి రాజేష్ స్పందిస్తే ప్రచారం అవుతున్నది నిజమే. సాయి రాజేష్ కథ వినని ఆ హీరో విశ్వక్ సేన్ అని ఫిక్స్ కావచ్చు. విశ్వక్ ఫ్యాన్స్ మాత్రం బేబీ చేయకుండా మంచి పని చేశావు. సాయి రాజేష్ ఏదో టైటానిక్ తెరకెక్కించినట్లు ఫీల్ అవుతున్నాడని మద్దతుగా నిలుస్తున్నారు. ఆనంద్ దేవరకొండ, వైష్ణవి చైతన్య జంటగా నటించిన బేబీ మూవీ భారీ వసూళ్లు సాధించింది.
