Virupaksha Collections : 5వ రోజు కూడా అదే జోరు..వారం లోపే 100 కొట్టనున్న ‘విరూపాక్ష’..?

Virupaksha Collection : సుప్రీమ్ హీరో సాయి ధరమ్ తేజ్ నటించిన లేటెస్ట్ చిత్రం ‘విరూపాక్ష’ బాక్స్ ఆఫీస్ వద్ద ఎలాంటి వసూళ్లను నమోదు చేస్తూ ముందుకు దూసుకుపోతుందో రోజూ మనం చూస్తూనే ఉన్నాము.చాలా కాలం తర్వాత మన టాలీవుడ్ లో ఒక సరైన హారర్ థ్రిల్లర్ జానర్ సినిమా పడడంతో ఆడియన్స్ క్యూ కట్టేస్తున్నారు.బయట ప్రస్తుతం వినిపిస్తున్న టాక్ ఏమిటంటే ‘విరూపాక్ష’ చిత్రం ‘చంద్ర ముఖి’, ‘అరుంధతి’ రేంజ్ హారర్ థ్రిల్లర్ గా చరిత్ర లో నిలిచిపోతుంది అంటున్నారు.

హార్రర్ థ్రిల్లర్స్ కి టాక్ వస్తే వసూళ్లు ఏ రేంజ్ లో ఉంటాయో ప్రత్యేకించి చెప్పనక్కర్లేదు.విరూపాక్ష కి కూడా అదే రేంజ్ వసూళ్లు వస్తున్నాయి.ట్రేడ్ పండితుల సమాచారం ప్రకారం ఈ చిత్రానికి నాలుగు రోజులకు కలిపి 24 కోట్ల రూపాయలకు పైగా షేర్ వసూళ్లు వచ్చాయి.ఈ చిత్రం ప్రీ రిలీజ్ థియేట్రికల్ బిజినెస్ 24 కోట్ల రూపాయలకు జరగగా నిన్నటితో బ్రేక్ ఈవెన్ అయ్యింది.

ఇక ఈరోజు నుండి ఈ చిత్రం ఎలాగో ప్రాఫిట్ జోన్ లోకి అడుగుపెట్టిన విషయం తెలిసిందే.మంగళవారం రోజు సినిమాలకు వసూళ్లు తక్కువ వస్తాయని ట్రేడ్ లో ఎప్పటి నుండో ఒక ప్రచారం సాగుతూ ఉండేది.కానీ ఈ చిత్రం మంగళవారం రోజు అనగా ఐదవ రోజు కూడా దుమ్ములేచిపోయే వసూళ్లను రాబట్టింది.

అయితే హైదరాబాద్ లో ఈరోజు సాయంత్రం భారీ వర్షం రావడం కారణం గా కలెక్షన్స్ కాస్త ఎఫెక్ట్ అయ్యాయి.కానీ సెకండ్ షోస్ నుండి పుంకుకుంది.ట్రేడ్ వర్గాల సమాచారం ప్రకారం ఈ చిత్రానికి 5 వ రోజు రెండు కోట్ల 45 లక్షల రూపాయిల షేర్ వసూళ్లు వచ్చాయని తెలుస్తుంది.ఇప్పటికీ ఈ సినిమా 50 కోట్ల రూపాయిల గ్రాస్ మార్కుని దాటేసింది.ఇదే జోరు కొనసాగితే వారం లోపే వంద కోట్ల రూపాయిల గ్రాస్ వసూళ్లకు దగ్గరగా వస్తుందని ట్రేడ్ పండితుల అంచనా.