Vijay Victory Tamil Nadu: తమిళనాడు లో విజయ్(Thalapathy Vijay) ముఖ్యమంత్రి సీట్ లో కూర్చోబోతున్నందుకు తమిళియన్స్ ఎంత సంతోషంగా ఉన్నారో తెలియదు కానీ , ఆంధ్ర ప్రదేశ్ యువత మాత్రం వేరే లెవెల్ సంతోషం లో మునిగి తేలుతున్నారు. అనేక ప్రాంతాల్లో విజయ్ కి బ్యానర్స్ కట్టి శుభాకాంక్షలు తెలియజేయడం గమనించాల్సిన విషయం. ఒక సినీ హీరో చాలా కాలం తర్వాత ముఖ్యమంత్రి అవ్వబోతున్నారు అనే ఆనందం ప్రతీ ఒక్కరిలోనూ ఉంది. ఇదంతా పక్కన పెడితే తమిళ సినీ సెలబ్రిటీలకంటే , తెలుగు సినీ సెలబ్రిటీలు విజయ్ కి శుభాకాంక్షలు తెలియజేస్తూ ట్వీట్లు వేశారు. సీనియర్ హీరోలైన చిరంజీవి , వెంకటేష్ , బాలకృష్ణ వంటి వారు గెలిచిన మరుక్షణమే విజయ్ కి శుభాకాంక్షలు తెలుపుతూ ట్వీట్లు వేశారు. అదే విధంగా ఆంధ్ర ప్రదేశ్ రాష్ట్ర ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కళ్యాణ్, మాజీ సీఎం జగన్ వంటి వారు కూడా విజయ్ కి శుభాకాంక్షలు తెలిపారు.
అదే విధంగా నేటి తరం స్టార్ హీరోలైనటువంటి సూపర్ స్టార్ మహేష్ బాబు , గ్లోబల్ స్టార్ రామ్ చరణ్ , నేచురల్ స్టార్ నాని , విజయ్ దేవరకొండ వంటి వారు కూడా శుభాకాంక్షలు తెలిపారు. కానీ ఇప్పటి వరకు జూనియర్ ఎన్టీఆర్, అల్లు అర్జున్ లు మాత్రం విజయ్ విక్టరీ పై నోరు మెదపలేదు. వీళ్లకు విజయ్ తో ఏమైనా గొడవలు ఉన్నాయా అంటే అలాంటివేమీ లేవు. విజయ్ డ్యాన్స్ అనే తనకు చాలా ఇస్తామని ఎన్టీఆర్ ఒక సందర్భం లో చెప్పుకొచ్చాడు కూడా. అల్లు అర్జున్ ఇప్పటి వరకు విజయ్ గురించి ఎప్పుడూ మాట్లాడలేదు , కలవలేదు , కానీ వాళ్ళ మధ్య వైరం వచ్చేంతలా ఏమి జరగలేదు. అయినప్పటికీ కూడా ఆయన విజయ్ కి శుభాకాంక్షలు తెలియజేయకపోవడం గమనార్హం.
అల్లు అర్జున్ కి ప్రధాన మంత్రి నరేంద్ర మోడీ అంటే బాగా ఇష్టమని, విజయ్ రాజకీయాలు మోడీ సిద్ధాంతాలకు వ్యతిరేకంగా ఉండడం వల్లే , అల్లు అర్జున్ టీవీకే కి సపోర్ట్ చేసి ఉండకపోవచ్చని అంటున్నారు పలువురు విశ్లేషకులు. ఇక ఎన్టీఆర్ విషయానికి వస్తే బిజీ గా ఉండడం వల్ల ట్వీట్ వేసి ఉండకపోవచ్చు, రేపు ప్రమాణస్వీకారం జరిగిన తర్వాత శుభాకాంక్షలు ఆయన ట్విట్టర్ ద్వారా తెలియజేయొచ్చు అని అంటున్నారు. ఇక ప్రభాస్ సంగతి తెలిసిందే , ఈయన కేవలం ఇన్ స్టాగ్రామ్ లో మాత్రమే ఉంటాడు, యాక్టీవ్ గా ఉండదు , ఇప్పటి వరకు ఎవ్వరు గెలిచినా శుభాకాంక్షలు వంటివి తెలియజేయడం జరగలేదు , ఆయనకు అలవాటు లేదు కాబట్టి పెద్దగా పట్టించుకోవడంలేదు ఫ్యాన్స్. మరి కనీసం ప్రమాణ స్వీకారం తర్వాత అయినా ఎన్టీఆర్ , అల్లు అర్జున్ విజయ్ కి శుభాకాంక్షలు తెలుపుతారో లేదో చూడాలి.
