F3 Movie: అనిల్ రావిపుడి దర్శకత్వంలో విక్టరీ వెంకటేశ్, వరుణ్ తేజ్ కలిసి నటిస్తున్న చిత్రం ఎఫ్ 3. ఈ సినిమాలో తమన్నా, మెహరీన్ హీరోయిన్లుగా నటిస్తున్నారు. గతంలో వీరి కాంబినేషన్లో వచ్చిన ఎఫ్2 ప్రేక్షకులను ఎంతగానో ఆకట్టుకుంది. ఈ క్రమంలోనే మరోసారి కామెడీతో నవ్వించేందుకు సిద్ధమయ్యింది చిత్రబృందం. శ్రీ వెంకటేశ్వర క్రియేషన్స్పై దిల్రాజు ఈ సినిమాను నిర్మిస్తున్నారు. దేవిశ్రీ ప్రసాద్ సంగీతం అందిస్తున్నారు. అయితే తాజాగా ఈ సినిమా షూటింగ్ ప్రస్తుతం హైదరాబాద్ సిటీలో జరుగుతోంది.
ఎప్పుడూ బిజీగా ఉండే ఛార్మినార్ పరిసర ప్రాంతాల్లో ఈరోజు ఉదయం నుంచి షూటింగ్ చేస్తున్నారు. సూఫీ సంగీతకారుల వేషధారణలో కొందరు, ముస్లిం టోపీ ధరించి మరికొందరు ఉన్నారు షూట్ లో పాల్గొంటున్నారు. సినిమాలోని ఓ పాటను తెరకెక్కిస్తున్నట్టు తెలుస్తుంది. గతంలో దుర్గం చెరువు కేబుల్ బ్రిడ్జ్ మీద కూడా ఈ సినిమా షూటింగ్ చేశారు. ‘ఎఫ్ 2’ సినిమాకు ఇది సీక్వెల్ కాదని, కానీ అందులో క్యారెక్టరైజేషన్స్ తీసుకుని కొత్త కథతో అనిల్ రావిపూడి సినిమా చేస్తున్నారు అని అంటున్నారు. కొత్తగా కథానాయిక సోనాల్ చౌహన్‌ను ఈ మూవీకి తీసుకున్నారు. ఆమె క్యారెక్టర్ ఎలా ఉంటుందో చూడాలి. ఈ సినిమా వచ్చే ఏడాది ఫిబ్రవరి 25న ప్రేక్షకుల ముందుకు రానుంది. ‘ఎఫ్ 2’ గత ఏడాది సంక్రాంతికి విడుదలైంది. ‘బొమ్మ ఎప్పుడు పడితే… అప్పుడే నవ్వుల పండగ’ అని అనిల్ రావిపూడి పేర్కొన్నారు. ప్రస్తుతం ఈ వార్త సోషల్ మీడియా లో వైరల్ గా మారింది.
