Samantha(7)
Samantha: సినీ ఇండస్ట్రీ లోకి అడుగుపెట్టిన కొద్ది సంవత్సరాలకే సౌత్ ఇండియా లో సూపర్ స్టార్ లీగ్ లోకి అడుగుపెట్టిన హీరోయిన్ సమంత. సౌత్ ఇండియా లో దాదాపుగా అందరి స్టార్ హీరోలతో కలిసి నటించిన ఈమె, ఎన్నో సంచలన విజయాలను తన ఖాతాలో వేసుకుంది. కేవలం రెగ్యులర్ హీరోయిన్ గా మాత్రమే కాకుండా, నటన కి ప్రాధాన్యం ఉన్న పాత్రలు, అదే విధంగా లేడీ ఓరియెంటెడ్ సినిమాలు కూడా చేస్తూ పాన్ ఇండియా లెవెల్ లో అన్ని వర్గాల ఆడియన్స్ ని అలరిస్తుంది. రీసెంట్ గా ఆమె ప్రధాన పాత్ర పోషించిన ‘సిటాడెల్’ వెబ్ సిరీస్ అమెజాన్ ప్రైమ్ లో విడుదలైంది. నవంబర్ 7 వ తారీఖున విడుదలైన ఈ వెబ్ సిరీస్ కి ఫ్యాన్స్, ఆడియన్స్ నుండి అద్భుతమైన రెస్పాన్స్ వచ్చింది. ఇదంతా పక్కన పెడితే రీసెంట్ గానే ఈ సిరీస్ ప్రొమోషన్స్ లో భాగంగా , హీరో గా నటించిన వరుణ్ ధావన్ సమంత గురించి చెప్పిన కొన్ని మాటలు ఇప్పుడు సోషల్ మీడియా లో వైరల్ గా మారి ఆడియన్స్ చేత కన్నీళ్ళు పెట్టిస్తున్నాయి.
ఆయన మాట్లాడుతూ ‘నేను సిటాడెల్ షూటింగ్ చేస్తున్న సమయంలో సమంత పడిన కష్టాలను కళ్లారా చూసాను. షాట్స్ కి గ్యాప్ దొరికినప్పుడల్లా ఆమె ఆక్సిజన్ సిలిండర్ పెట్టుకునేది. అనేక సందర్భాలలో ఆమె షూటింగ్ చేసున్నప్పుడు స్పృహ తప్పి క్రింద పడిపోయేది. అయినా కానీ ఇచ్చిన కమిట్మెంట్ కి కట్టుబడి షూటింగ్ ని పూర్తి చేసింది. ఇలాంటి అద్భుతమైన మనిషిని నేను నా జీవితం లో చూడలేదు. కేవలం ఆడవాళ్ళకు మాత్రమే కాదు, సమంత ఈ జనరేషన్ జనాలందరికీ గొప్ప స్ఫూర్తి. ఆమె నుండి నేను చాలా నేర్చుకున్నాను, ఆమెతో పని చేస్తూ ఆమె ఫ్యాన్ అయిపోయా’ అంటూ వరుణ్ ధావన్ మాట్లాడిన మాటలు ఇప్పుడు సోషల్ మీడియా లో బాగా వైరల్ అయ్యాయి.
ఒకపక్క ఎంతగానో ప్రేమించిన భర్త తో విడాకులు, ఆ బాధని దిగమింగుకునేలోపే ఆమెకి మయోసిటిస్ వ్యాధి సోకడం, ఏ మనిషికైనా ఇలాంటి కష్టతరమైన సందర్భాలు ఒకే సమయంలో వస్తే ఎంత నరకం గా ఉంటుందో మీరే ఊహించుకోండి. అలాంటి సమయంలో కూడా ఆమె ఒంటరిగా తన కాళ్ళ మీద నిలబడి, ఎన్నో విపత్కర సందర్భాలను ఎదురుకున్నది అంటే ఆమె సంకల్ప బలం ఎలాంటిదో అర్థం చేసుకోవచ్చు. ఇప్పుడు సమంత క్రేజ్ కేవలం టాలీవుడ్ కి , సౌత్ కి మాత్రమే పరిమితం కాదు, పాన్ ఇండియా కి విస్తరించింది. ఆమె పడిన కష్టాలకు, ఎదురుకున్న సందర్భాలకు కచ్చితంగా ఆ దేవుడు ఈమె కోసం ఎదో పెద్దది ప్లాన్ చేసి ఉన్నాడని చెప్పొచ్చు. ప్రస్తుతం సమంత బాలీవుడ్ లో రెండు ప్రాజెక్ట్స్ చేయడానికి సంతకం చేసింది. అదే విధంగా ఆమె ఒక ‘ట్రై లా లా’ అనే
ప్రొడక్షన్ హౌస్ ని స్థాపించింది. ఈ సంస్థ ద్వారా ఆమె నిర్మాతగా కొత్తవాళ్లతో సినిమాలు చేయనుంది.
