Vanitha Vijaykumar: తమిళ నటుడు విజయ్ కుమార్, నటి మంజుల దంపతుల పెద్ద కుమార్తె వనిత విజయ్ కుమార్. తెలుగులో ఆమె సూపర్ హిట్ మూవీ దేవి చేశారు. ఆ తర్వాత తమిళంలో కొన్ని సినిమాలు చేసినా పెద్దగా సక్సెస్ కాలేక పోయింది. కానీ నిత్యం వివాదాలతో కాంట్రవర్సీకి కేర్ ఆఫ్ అడ్రస్ అయ్యారు. చివరికి తండ్రి విజయ్ కుమార్ తో కూడా ఆమెకు గొడవలు ఉన్నాయి. తాజాగా… తన జీవితం నాశనం కావడానికి తండ్రి విజయ్ కుమార్ ప్రధాన కారణం అంటూ చేసిన కామెంట్స్ వైరల్ అవుతున్నాయి.
వనిత విజయ్ కుమార్ కెరీర్ పరిశీలిస్తే… చంద్రలేఖ సినిమాతో తమిళ్ ఇండస్ట్రీలో తెరంగేట్రం చేసింది. 2000లో నటుడు ఆకాష్ ని పెళ్లి చేసుకుంది. వివాహం అనంతరం సినిమాలకు దూరం అయింది. 2007లో ఆకాష్ కి విడాకులు ఇచ్చి .. ఆనంద్ అనే వ్యాపారవేత్తను పెళ్లి చేసుకుంది. అతనితో కూడా కాపురం సవ్యంగా సాగలేదు. విడాకులు తీసుకుంది. మూడో వివాహంగా నిర్మాత పీటర్ పాల్ ని చేసుకుని మూడు నెలలకే అతన్ని వదిలేసింది.
తన చర్యల కారణంగా మరోవైపు కుటుంబానికి సైతం దూరం అయింది. తండ్రి విజయ్ కుమార్ ఆమెతో సంబంధాలు తెంచుకున్నాడు. ప్రస్తుతం వనిత పిల్లలతో కలిసి ఉంటుంది. వనిత విజయ్ తన తండ్రి గురించి మాట్లాడిన మాటలు వైరల్ అవుతున్నాయి. విజయ్ కుమార్ ఓ ఇంటర్వ్యూలో తన పిల్లల వీరే అంటూ… కవిత, అనిత, అరుణ్ విజయ్, ప్రీత, శ్రీ దేవి పేర్లు చెప్పారట. రెండో భార్య పెద్ద కుమార్తె అయిన తన పేరు మరిచాడట.
”పెద్ద కూతురిగా నా పేరు చెప్పలేదు. ఆయన నా పేరు చెప్పుకోవడానికి ఇష్టపడకపోవచ్చు .. కానీ ప్రపంచానికి తెలుసు నేను ఎప్పుడూ అతని బిడ్డనే .. నేను నా పేరు చివరన భర్త పేరు కూడా పెట్టుకోవడానికి ఇష్టపడలేదు. నాన్న పేరే పెట్టుకున్నాను. కానీ అతని వల్లే నా జీవితం దిగజారింది. వదిలేస్తే నా జీవితం ఎలాగైనా ఉండేది. అతని మాటలు వినడం వల్ల నా జీవితం చాలా మారిపోయింది” అంటూ వనిత సంచలన కామెంట్స్ చేసింది. కాగా వనిత విజయ్ కుమార్ గత ఏడాది’ మళ్ళీ పెళ్లి ‘ సినిమాతో తెలుగు ప్రేక్షకులను పలకరించారు.
