Ustaad Bhagat Singh Overseas Advance Bookings: పవన్ కళ్యాణ్(Deputy CM Pawan Kalyan) అభిమానులు ఎంతో ఆతృతగా ఎదురు చూస్తున్న ‘ఉస్తాద్ భగత్ సింగ్'(Ustaad Bhagat Singh) చిత్రం మరో పది రోజుల్లో ప్రేక్షకుల ముందుకు రాబోతున్న సందర్భంగా ఈ చిత్రానికి సంబంధించిన ఓవర్సీస్ అడ్వాన్స్ బుకింగ్స్ నిన్న అర్థ రాత్రి నుండి మొదలయ్యాయి. నార్త్ అమెరికా లో ఈ చిత్రం ప్రీమియర్ షోస్ కి అడ్వాన్స్ బుకింగ్స్ ఎలా ఉంటాయో అని అభిమానులు ముందుగా కంగారు పడ్డారు. ఎందుకంటే ఈమధ్య కాలంలో నార్త్ అమెరికాలో ఫక్తు కమర్షియల్ సినిమాలు పెద్దగా ఆడడం లేదు. కేవలం జెన్ జీ ఆడియన్స్ కి తగ్గట్టుగా తీస్తున్న సినిమాలకే ఎక్కువ క్రేజ్ ఉంది. ఓజీ చిత్రం అలాంటిదే. అందుకే ఆ సినిమాకు కేవలం ప్రీమియర్ షోస్ నుండే 3 మిలియన్ డాలర్లకు పైగా గ్రాస్ వసూళ్లు వచ్చాయి. కానీ ‘ఉస్తాద్ భగత్ సింగ్ ‘ మాస్ మసాలా సినిమా కావడంతో దీనికి పెద్దగా క్రేజ్ ఉండదని అంతా అనుకున్నారు.
Also Read: రాజమౌళి అల్లు అర్జున్ తో సినిమా చేయకపోవడానికి ఆ ఇద్దరు స్టార్ డైరెక్టర్స్ కారణమా..?
దానికి తోడు ఈ చిత్రం నుండి ఇప్పటి వరకు విడుదల చేసిన కంటెంట్ కి కూడా గొప్ప రెస్పాన్స్ రాలేదు. ‘దేఖ్లేంగే సాలా ‘ పాటకు మంచి రెస్పాన్స్ ఎవచ్చింది. ఆ తర్వాత విడుదలైన రెండవ పాటకు డిజాస్టర్ రెస్పాన్స్ వచ్చింది కానీ రీసెంట్ గా విడుదలైన ట్రైలర్ టీజ్ వీడియో కి మాత్రం మంచి రెస్పాన్స్ వచ్చింది. కానీ ఎందుకో అభిమానులు ఓజీ చిత్రానికి వచ్చినంత క్రేజ్ ఈ సినిమాకు రావడం లేదని ఫీల్ అవుతూ ఉండేవారు. దీని ప్రభావం నార్త్ అమెరికా ప్రీమియర్ షోస్ అడ్వాన్స్ బుకింగ్స్ మీద బలంగా పడుతాయి, ఇక ప్రతీ రోజు యాంటీ ఫ్యాన్స్ నుండి ట్రోల్స్ ఎదురుకోవాల్సి ఉంటుంది అంటూ భయపడ్డారు. కానీ అభిమానుల అంచనాలను తారుమారు చేస్తూ , ఈ చిత్రానికి నార్త్ అమెరికా లో అద్భుతమైన అడ్వాన్స్ బుకింగ్స్ నమోదు అయ్యాయి.
బుకింగ్స్ మొదలు పెట్టిన 15 గంటల లోపే ఈ చిత్రం నార్త్ అమెరికా లో లక్ష డాలర్లకు పైగా గ్రాస్ వసూళ్లను రాబట్టి సెన్సేషన్ సృష్టించింది. సినిమా నుండి ఇప్పటి వరకు వచ్చిన కంటెంట్ భారీగా పేలకపోయినప్పటికీ కూడా కేవలం పవన్ కళ్యాణ్ పేరు మీద ఈ రేంజ్ గ్రాస్ రావడం అనేది చిన్న విషయం కాదని, సినిమా నుండి మంచి పాట లేదా ట్రైలర్ విడుదలైతే కచ్చితంగా ఈ సినిమా నార్త్ అమెరికా నుండి 1.5 మిలియన్ డాలర్లను రాబడుతుందని అంటున్నారు ట్రేడ్ విశ్లేషకులు. ఇప్పటి వరకు కేవలం 500 షోస్ మాత్రమే షెడ్యూల్ చేశారు. రేపు రెగల్ చైన్ కి సంబంధించిన థియేటర్స్ బుకింగ్స్ ప్రారంభిస్తారట. చూడాలి మరి ఫైనల్ గా ప్రీమియర్ షోస్ నుండి ఈ చిత్రం ఎంత గ్రాస్ ని రాబడుతుంది అనేది.
