Ustaad Bhagat Singh First Day Collections: టాలీవుడ్ లో టాక్ తో సంబంధం లేకుండా రికార్డు స్థాయి ఓపెనింగ్ వసూళ్లు రాబట్టే హీరో ఎవరు అని అడిగితె మన అందరికీ గుర్తుకు వచ్చే పేరు పవర్ స్టార్ పవన్ కళ్యాణ్(Deputy CM Pawan Kalyan). ఆయన సినిమా చేస్తే , కాసుల వర్షం కురిపిస్తాం అనే రేంజ్ లో ఉంటారు జనాలు. ‘హరి హర వీరమల్లు’ లాంటి భారీ డిజాస్టర్ ఫ్లాప్ సినిమాకు కూడా తెలుగు రాష్ట్రాల నుండి 40 కోట్ల రూపాయిల రేంజ్ లో ఓపెనింగ్ వచ్చింది అంటేనే అర్థం చేసుకోవచ్చు. పవన్ కళ్యాణ్ రేంజ్ ఏంటి అనేది. అలాంటి పవర్ స్టార్ కి తక్కువ ఓపెనింగ్స్ వస్తాయని కలలో కూడా ఊహించి ఉండము . కానీ ‘ఉస్తాద్ భగత్ సింగ్ ‘(Ustaad Bhagat Singh) చిత్రానికి అదే జరిగింది. ఈ సినిమాకు వచ్చిన ఓపెనింగ్స్ ని చూస్తే అభిమానులకు కన్నీళ్లు రాక తప్పదు.
Also Read: పవర్ హౌస్గా కరీంనగర్.. రాష్ట్ర రాజకీయాల్లో కీలక ముద్ర..
ట్రేడ్ విశ్లేషకులు అందిస్తున్న లెక్కల ప్రకారం చూస్తుంటే ఈ చిత్రానికి వరల్డ్ వైడ్ గా 52 కోట్ల రూపాయిల గ్రాస్ వసూళ్లు వచ్చాయి. ఈ సినిమాకు ముందు విడుదలైన ‘ఓజీ’ చిత్రానికి దాదాపుగా మొదటిరోజున 153 కోట్ల రూపాయిల గ్రాస్ వసూళ్లు వచ్చింది. ఆ ఓపెనింగ్ లో పావు శాతం కూడా ‘ఉస్తాద్ భగత్ సింగ్’ చిత్రానికి లేకపోవడం గమనార్హం. ఈ సినిమాకు ఇంత తక్కువ గ్రాస్ వసూళ్లు రావడానికి గల కారణం నైజాం ప్రాంతం లో టికెట్ రేట్స్ లేకపోవడం , ఆంధ్ర ప్రదేశ్ లో ప్రీమియర్ షోస్ కూడా లేకపోవడమే. హరి హర వీరమల్లు కి వచ్చిన ఓపెనింగ్ లో ప్రీమియర్ షోస్ చాలా పెద్ద పాత్ర పోషించింది. ‘ఓజీ’ కి కూడా ప్రీమియర్ షోస్ లేకపోతే ఆ రేంజ్ ఓపెనింగ్ ఉండేది కాదు. ‘ఉస్తాద్ భగత్ సింగ్ ‘ కి ప్రీమియర్స్ కి బదులు బెనిఫిట్ షోస్ వేయడం దురదృష్టకరం.
ఎప్పుడో ఆరేళ్ళ క్రితం ట్రెండ్ ఇది. ఇప్పుడు ఆడియన్స్ ప్రీమియర్ షోస్ కి బాగా అలవాటు పడ్డారు. ఆ ప్రభావం చాలా గట్టిగానే ఈ చిత్రం మీద పడింది. ఇక మొదటి రోజు ఈ చిత్రానికి నైజాం ప్రాంతం లో సెన్సేషనల్ ఆక్యుపెన్సీలు నమోదు అయ్యాయి. కానీ టికెట్ హైక్స్ లేకపోవడం వల్ల కేవలం 11 కోట్ల షేర్ ఓపెనింగ్ తో సరిపెట్టుకోవాల్సి వచ్చింది. అదే విధంగా గుంటూరు జిల్లాలో 2 కోట్ల 43 లక్షలు, సీడెడ్ ప్రాంతం లో 4 కోట్ల 21 లక్షలు, నెల్లూరు జిల్లాలో లో కోటి 20 లక్షలు, తూర్పు గోదావరి జిల్లాలో 4 కోట్ల 10 లక్షలు, ఉత్తరాంధ్ర లో 4 కోట్ల 20 లక్షలు, పశ్చిమ గోదావరి జిల్లాలో 3 కోట్ల 50 లక్షలు, కృష్ణ జిల్లాలో 2 కోట్ల 80 లక్షల రూపాయిల షేర్ వసూళ్లను రాబట్టింది ఈ చిత్రం. ఓవరాల్ గా తెలుగు రాష్ట్రాల నుండి ఈ సినిమాకు 33 కోట్ల రూపాయిల షేర్ వసూళ్లు వచ్చాయి. అదే విధంగా కర్ణాటక నుండి 2 కోట్లు, ఓవర్సీస్ నుండి నాలుగు కోట్లు, ఓవరాల్ గా ఈ చిత్రానికి 40 కోట్ల రూపాయిల ఓపెనింగ్ వసూళ్లు వచ్చాయి.
