Balakrishna Koratala Siva Movie Updates: ప్రస్తుతం సీనియర్ హీరోల్లో నందమూరి బాలకృష్ణ ఊపు ఏ రేంజ్ లో ఉందో ప్రత్యేకించి చెప్పనవసరం లేదు. ‘అఖండ’ నుండి ‘డాకు మహారాజ్’ చిత్రం వరకు వరుస బ్లాక్ బస్టర్స్ తో అభిమానులను ఆనందంతో ఉక్కిరిబిక్కిరి చేసిన ఈ నందమూరి సింహం , రీసెంట్ గా ‘అఖండ 2’ తో కాస్త తడబడిన సంగతి అందరికీ తెలిసిందే. భారీ అంచనాల నడుమ విడుదలైన ఈ చిత్రం కమర్షియల్ గా పెద్ద డిజాస్టర్ ఫ్లాప్ గా మిగిలింది. ఈ రేంజ్ ఫ్లాప్ అవుతుందని అభిమానులు కూడా ఊహించలేకపోయారు. ఈ సినిమా తర్వాత బాలయ్య స్క్రిప్ట్ సెలక్షన్ విషయం లో చాలా జాగ్రత్తలు తీసుకుంటున్నాడు. ప్రస్తుతానికి ఆయన గోపీచంద్ మలినేని దర్శకత్వం లో ఒక సినిమా చేస్తున్నాడు. రీసెంట్ గానే షూటింగ్ కార్యక్రమాలను మొదలుపెట్టుకున్న ఈ చిత్రంలో మంచు మనోజ్ విలన్ గా నటిస్తున్నాడు.
తమన్ సంగీతం అందిస్తుండగా , ఈ చిత్రానికి సంబంధించిన టీజర్ ని త్వరలోనే విడుదల చేయబోతున్నారు మేకర్స్. ఈ సినిమా సంగతి పక్కన పెడితే రీసెంట్ గానే బాలయ్య బాబు కొరటాల శివ దర్శకత్వం లో ఒక సినిమా చేయడానికి గ్రీన్ సిగ్నల్ ఇచ్చిన సంగతి తెలిసిందే. ఈ సినిమాకు అనిరుద్ మ్యూజిక్ డైరెక్టర్ గా వ్యవహరిస్తున్నాడు. త్వరలోనే షూటింగ్ మొదలు పెట్టుకోనున్న ఈ సినిమాకు సంబంధించిన ఒక ఆసక్తికరమైన విషయం ఇప్పుడు సోషల్ మీడియా లో హాట్ టాపిక్ గా మారింది. ఈ చిత్రం లో విలన్ గా నటించబోతున్నది మరెవరో కాదు , సీనియర్ హీరో రాజశేఖర్. ఒకప్పుడు రాజశేఖర్ కి ఎలాంటి క్రేజ్ ఉండేదో ప్రత్యేకించి చెప్పనవసరం లేదు. బాలకృష్ణ తో సమానమైన క్రేజ్ , ఫాలోయింగ్ ఉండేది. కానీ మధ్యలో వరుస ఫ్లాప్స్ కారణంగా ఆయన మార్కెట్ బాగా దెబ్బ తినింది.
అయినప్పటికీ హీరో గా కొన్ని సినిమాలు చేసాడు రాజశేఖర్, అవి కూడా పెద్దగా వర్కౌట్ అవ్వలేదు , దీంతో క్యారెక్టర్ రోల్స్ , విలన్ రోల్స్ చేయడానికి ఆయన సిద్దమయ్యాడు. అందులో భాగంగానే ఆయన ఈ ఏడాది ‘బైకర్’ చిత్రం లో నటించాడు. ఇందులో శర్వానంద్ కి తండ్రి పాత్రలో , పాజిటివ్ క్యారెక్టర్ లో బలమైన ఎమోషన్స్ పండించాడు. ఈ చిత్రం తర్వాత ఆయన విజయ్ దేవరకొండ హీరో గా నటిస్తున్న ‘రౌడీ జనార్ధన’ అనే చిత్రం లో పవర్ ఫుల్ విలన్ క్యారెక్టర్ చేయడానికి ఒప్పుకున్నాడు. ఇప్పుడు లేటెస్ట్ గా ఆయన బాలయ్య , కొరటాల శివ కాంబినేషన్ లో విలన్ గా నటించబోతున్నాడు. ఒకప్పుడు బాలయ్య తో సమానంగా వసూళ్లను రాబడుతూ టాప్ 5 హీరోలలో ఒకరిగా కొనసాగిన రాజశేఖర్ , ఇప్పుడు అదే బాలయ్య సినిమాలో విలన్ గా నటించబోతుండడం గమనార్హం. చూడాలి మరి ఈ కాంబినేషన్ బాక్స్ ఆఫీస్ వద్ద ఎలాంటి అద్భుతాలు సృష్టించబోతోంది అనేది.
