Top TRP Movies: కొన్ని సినిమాలు వెండితెరపై సత్తా చాటితే మరికొన్ని సినిమాలు బుల్లితెరపై రికార్డు స్థాయిలో రేటింగ్స్ ను సొంతం చేసుకుంటూ ఉంటాయి. ఇప్పటివరకు బుల్లితెరపై ప్రసారమైన సినిమాలలో స్టార్ హీరోల సినిమాలలో చాలా సినిమాలలో మంచి రేటింగ్ ను సొంతం చేసుకున్నాయి. త్రివిక్రమ్ శ్రీనివాస్ డైరెక్షన్ లో తెరకెక్కిన సినిమాలు బుల్లితెరపై కూడా అద్భుతంగా రేటింగ్స్ ను సొంతం చేసుకుంటాయనే సంగతి తెలిసిందే.
త్రివిక్రమ్ డైరెక్షన్ లో బన్నీ హీరోగా తెరకెక్కిన అల వైకుంఠపురములో సినిమా అంచనాలకు అందని స్థాయిలో ఏకంగా 29.4 రేటింగ్ ను సొంతం చేసుకుంది. ఈ స్థాయిలో రేటింగ్ సాధించిన మరో సినిమా అయితే లేదనే చెప్పాలి. అనిల్ రావిపూడి డైరెక్షన్ లో మహేష్ బాబు హీరోగా తెరకెక్కిన సరిలేరు నీకెవ్వరు సినిమా ఏకంగా 23.4 రేటింగ్ ను సొంతం చేసుకోవడం గమనార్హం. రాజమౌళి డైరెక్షన్ లో తెరకెక్కిన బాహుబలి ది కంక్లూజన్ మూవీ ఏకంగా 22.7 రేటింగ్ ను సొంతం చేసుకుంది.
కొరటాల శివ డైరెక్షన్ లో మహేష్ హీరోగా తెరకెక్కిన శ్రీమంతుడు 22.54 రేటింగ్ ను సొంతం చేసుకోవడం గమనార్హం. హరీష్ శంకర్ డైరెక్షన్ లో బన్నీ హీరోగా నటించిన డీజే 21.7 రేటింగ్ ను సాధించింది. బాహుబలి ది బిగినింగ్ 21.54 రేటింగ్ ను సొంతం చేసుకుంది. ఫిదా సినిమా 21.31 రేటింగ్ ను సాధించగా గీతా గోవిందం మూవీ 20.8 రేటింగ్ ను సొంతం చేసుకోవడం గమనార్హం. జనతా గ్యారేజ్ సినిమా 20.69 రేటింగ్ ను సాధించింది.
మహానటి సినిమా 20.21 రేటింగ్ ను సొంతం చేసుకోగా రంగస్థలం సినిమా 19.5 రేటింగ్ ను సొంతం చేసుకుంది. భరత్ అనే నేను, అత్తారింటికి దారేది. అరవింద సమేత వీర రాఘవ, వకీల్ సాబ్ సినిమాలు కూడా బుల్లితెరపై మంచి రేటింగ్ ను సొంతం చేసుకున్నాయి.
