Janhvi Kapoor Kollywood debut: లెజండరీ హీరోయిన్ , అతిలోక సుందరి శ్రీదేవి కూతురుగా బాలీవుడ్ లో భారీ హైప్ తో అడుగుపెట్టింది జాన్వీ కపూర్. కానీ సరైన స్క్రిప్ట్స్ ని ఎంచుకోలేకపోవడం వల్ల , ఈమెకు వరుసగా అక్కడ డిజాస్టర్ ఫ్లాప్స్ వచ్చాయి. దీంతో అంత పెద్ద లెజండరీ హీరోయిన్ కూతురు , ఇప్పుడు ఇండస్ట్రీ లో ఎటు కాకుండా పోతుందేమో అని శ్రీదేవి అభిమానులు కాస్త భయపడ్డారు. అయితే బాలీవుడ్ లో జాన్వీ కపూర్ కి కాలం కలిసిరాకపోయినా, టాలీవుడ్ లో మాత్రం బాగా కలిసొచ్చింది అనే చెప్పొచ్చు. ఆమె తొలితెలుగు చిత్రం ‘దేవర’ కమర్షియల్ గా ఎంత పెద్ద సూపర్ హిట్ అనేది ప్రత్యేకించి చెప్పనవసరం లేదు. ఈ సినిమా కమర్షియల్ గా అంత పెద్ద హిట్ అవ్వడానికి జాన్వీ కపూర్ కూడా ప్రధాన కారణమే. ఎందుకంటే ఆ చిత్రం లోని ‘చుట్టమల్లే’ పాటలో జాన్వీ కపూర్ అందాలను చూసి కుర్రాళ్ళు వెర్రిక్కిపోయారు.
కేవలం ఆ పాట కోసం ఆ చిత్రానికి ఎగబడి వెళ్లిన ఆడియన్స్ చాలా మంది ఉన్నారు. ఇప్పుడు ఈమె ‘పెద్ది’ చిత్రం లో హీరోయిన్ గా నటించింది. జూన్ 4 న ప్రపంచవ్యాప్తంగా అన్ని ప్రాంతీయ భాషల్లో విడుదల కాబోతున్న ఈ సినిమాపై అభిమానుల్లో , మూవీ లవర్స్ లో అంచనాలు ఏ రేంజ్ లో ఉన్నాయో ప్రత్యేకించి చెప్పనవసరం లేదు. ఈ చిత్రం లోని ‘చికిరి చికిరి’ పాట గ్లోబల్ వైడ్ గా సెన్సేషన్ క్రియేట్ చేసింది. ఈ పాటలో జాన్వీ అందానికి కుర్రాళ్ళు ఫిదా అయిపోయారు. ఈ సినిమా కచ్చితంగా బ్లాక్ బస్టర్ హిట్ గా నిలుస్తుందని అభిమానుల్లో బలమైన నమ్మకం ఉంది , ఒకవేళ ఈ చిత్రం కూడా అంచనాలకు తగ్గట్టుగా సూపర్ హిట్ అయితే , ఇక టాలీవుడ్ లో జాన్వీ కపూర్ కి తిరుగే లేదని అనుకోవచ్చు.
మరో వైపు ఇప్పుడు ఈమె కోలీవుడ్ లో కూడా బంపర్ ఛాన్స్ కొట్టేసింది. ప్రముఖ సీనియర్ తమిళ హీరో చియాన్ విక్రమ్ తనయుడు ధృవ్ విక్రమ్ హీరో గా తెరకెక్కబోతున్న కొత్త సినిమాలో జాన్వీ కపూర్ ని హీరోయిన్ గా తీసుకున్నట్టు తెలుస్తోంది. ముందుగా రుక్మిణి వాసంత్ ని హీరోయిన్ గా తీసుకున్నారు కానీ , కొన్ని అనుకోని కారణాల వల్ల , ఆమె ఈ చిత్రం నుండి తప్పుకోవడం తో , ఇప్పుడు ఆ స్థానం లోకి జాన్వీ కపూర్ వచ్చింది. అసలే ఫుల్ ఫార్మ్ లో ఉన్న జాన్వీ కపూర్ , ఇప్పుడు తమిళ సినిమా ఇండస్ట్రీ లోకి అడుగుపెట్టడం తో , అందరి ద్రుష్టి ఆమెవైపు మరలింది. చూడాలి మరి తమిళం లో జాన్వీ కపూర్ రేంజ్ రాబోయే రోజుల్లో ఎలా ఉండబోతుంది అనేది.
