అల్లు అర్జున్ హీరోగా సుకుమార్ దర్శకత్వంలో రూపొందుతోన్న చిత్రం ‘పుష్ప’. రెండు భాగాలుగా భారీ అంచనాల నడుమ తెరకెక్కుతోంది. ఈ సినిమా ఎప్పుడు విడుదలవుతుందా? అని ఆసక్తిగా ఎదురుచూస్తున్న అభిమానుల నిరీక్షణకు తెరపడింది.
ఈ సినిమా తొలి భాగం డిసెంబరులో క్రిస్మస్ కానుకగా ప్రేక్షకుల ముందుకు రానుంది. ఈ విషయాన్ని తెలియజేస్తూ పోస్టర్ ను చిత్రబృందం పంచుకుంది. ‘పుష్ప పార్ట్ 1’ ఈ డిసెంబరులో.. తగ్గేదే లే’ అని చిత్రం యూనిట్ తాజాగా పేర్కొంది. ఈ విషయాన్ని తెలియజేస్తూ పోస్టర్ ను చిత్ర బృందం పంచుకుంది.
పుష్ప మూవీని పాన్ ఇండియా లెవల్లో తెలుగు, తమిళం, మలయాళం, కన్నడ, హిందీ భాషల్లో రూపొందించారు. ఎర్రచందనం అక్రమ రవాణా నేపథ్యంలో రానున్న ఈ సినిమాలో రష్మిక మందాన హీరోయిన్ గా నటిస్తోంది. ఫాహద్ ఫాజిల్ విలన్ గా కనిపిస్తున్నారు. రాక్ స్టార్ దేవీశ్రీప్రసాద్ సంగీతం అందిస్తున్నారు.
మైత్రీ మూవీమేకర్స్ సంస్థ నిర్మిస్తోంది. ముందుగా ఈ చిత్రాన్ని ఆగస్టులో విడుదల చేయడానికి ప్లాన్ చేశారు. కానీ కరోనా కారణంగా చిత్రీకరణ వాయిదా పడడంతో డిసెంబర్ కు వాయిదా వేశారు. ఈ సినిమాలోని తొలి పాటను ఆగస్టు 13న విడుదల చేయడానికి రెడీ అయ్యారు.