The Paradise Movie Latest Update: నేచురల్ స్టార్ నాని హీరో గా నటిస్తున్న లేటెస్ట్ చిత్రం ‘ది ప్యారడైజ్’ పై అభిమానుల్లో , ప్రేక్షకుల్లో అంచనాలు ఏ స్థాయిలో ఉన్నాయో ప్రత్యేకించి చెప్పనవసరం లేదు. ఒక మీడియం రేంజ్ హీరో సినిమాకు స్టార్ హీరో రేంజ్ హైప్ రావడం చాలా కాలం తర్వాత ఈ చిత్రానికే జరిగింది. ముఖ్యంగా ఈ చిత్రం నుండి విడుదలైన ‘ఆయా షేర్’ పాటకు ఎంతటి సెన్సేషనల్ రెస్పాన్స్ వచ్చిందో మనమంతా చూస్తూనే ఉన్నాం. ఏ ఈవెంట్ లో చూసినా ఈ పాటనే వినిపిస్తోంది. యూట్యూబ్ లో కూడా వందల మిలియన్ల వ్యూస్ వస్తున్నాయి. జెన్ జీ మొత్తం ఈ పాటకు ఒక రేంజ్ లో వైబ్ అవుతున్నారు. అంతా బాగానే ఉంది కానీ ఈ సినిమా పై చాలా కాలం నుండి ఒక నెగెటివ్ ప్రచారం జరుగుతూ ఉంది.
అదేమిటంటే డైరెక్టర్ శ్రీకాంత్ ఓదెల బౌండెడ్ స్క్రిప్ట్ తో నాని వద్దకు రాలేదని, సన్నివేశాలన్నీ సెట్స్ వద్దనే రాసుకొని తీస్తున్నాడని , ఆ కారణం చేత వంద రోజుల్లో పూర్తి చెయ్యాలని అనుకున్న సినిమా బాగా ఆలస్యం అవుతూ వస్తోందని, రీ షూట్స్ కారణంగా బడ్జెట్ కూడా భారీగా పెరిగిపోయిందని , మార్చి 26 న విడుదల అవ్వాల్సిన ఈ సినిమాని ఆగస్టు 21 కి వాయిదా వేశారని, కానీ షూటింగ్ ఆలస్యం అవుతుండడం వల్ల , ఈ చిత్రం ఆ తేదీన విడుదల అవ్వడం కూడా అసాధ్యమని , ఈ ఏడాది లో విడుదల కష్టమేనని , వచ్చే ఏడాది లోనే ఈ చిత్రానికి మోక్షం లభిస్తుందని , ఇలా ఎన్నో రకాల ప్రచారాలు జరిగాయి. దీనిపై మూవీ టీం నేడు చాలా గట్టిగానే రెస్పాన్స్ ఇచ్చింది. దీంతో నాని అభిమానుల్లో కొత్త ఉత్సాహం నెలకొంది. ఇంతకీ ఏమని క్లారిటీ ఇచ్చారో చూద్దాం.
మేకర్స్ మాట్లాడుతూ ‘గత కొన్నిరోజుల నుండి మా ప్యారడైజ్ చిత్రం పై అనవసరమైన రూమర్స్ ప్రచారం అవుతున్నాయి. వాటిపై మేము ఈరోజు క్లారిటీ ఇవ్వాలని అనుకుంటున్నాము. ప్యారడైజ్ చిత్రాన్ని మొదలు పెట్టే మొదటి రోజే మేము ఒక నిర్దిష్టమైన ప్రణాళిక ని సిద్ధం చేసుకున్నాము. 100 రోజుల షూటింగ్ కార్యక్రమాలను పూర్తి చేసుకున్నాము. మిగిలిన బ్యాలన్స్ షూటింగ్ మరికొద్దిరోజుల్లోనే పూర్తి చేయబోతున్నాము. సోషల్ మీడియా లో ప్రచారం అవుతున్నట్టుగా, ఇప్పటి వరకు ఈ సినిమాకు సంబంధించిన ఒక్క షాట్ ని కూడా మేము రీ షూట్ చెయ్యలేదు. దయచేసి అభిమానులు ఇలాంటి రూమర్స్ ని నమ్మకండి. ‘ది ప్యారడైజ్’ చిత్రం ప్లాన్ చేసిన షెడ్యూల్ ప్రకారమే ఆగస్టు 21 న విడుదల కాబోతుంది’ అంటూ చెప్పుకొచ్చారు.
Over the past few days, we’ve noticed several baseless rumors and irresponsible speculations being circulated about #TheParadise.
For clarity:
• #TheParadise was planned with absolute clarity from day one, and the film is progressing exactly as intended. Over 100 shooting days… https://t.co/kjP8VpgV9x
— THE PARADISE (@TheParadiseOffl) May 12, 2026
