The Odyssey Day 1 Collection: క్రిస్టోఫర్ నోలన్ సినిమాలంటే పశ్చిమ దేశాలకు చెందిన మూవీ లవర్స్ కి మాత్రమే కాదు , మన ఇండియన్ మూవీ లవర్స్ కి కూడా పిచ్చి అనే చెప్పాలి. ముఖ్యంగా మన తెలుగు యువత అయితే నోలన్ సినిమా వస్తుందంటే చాలు , క్యూలు కట్టేస్తుంటారు. నిన్న ఆయన దర్శకత్వం లో తెరకెక్కిన ‘ది ఒడిస్సీ’ అనే చిత్రం ప్రపంచవ్యాప్తంగా అన్ని ప్రాంతీయ భాషల్లో విడుదలైంది. మన తెలుగు లో కూడా ఈ చిత్రం థియేటర్స్ లో విడుదలైంది. అలా భారీ అంచనాల నడుమ విడుదలైన ఈ సినిమాకు మన ఇండియన్ ఆడియన్స్ నుండి అద్భుతమైన రెస్పాన్స్ వచ్చింది. తెలుగు రాష్ట్రాల్లో కూడా ఓపెనింగ్స్ కళ్ళు చెదిరే రేంజ్ లో ఉన్నాయి. బుక్ మై షో యాప్ లో ఈ చిత్రానికి గంటకు 20 వేలకు పైగా టిక్కెట్స్ అమ్ముడుపోతున్నాయి. అయితే ప్రపంచ వ్యాప్తంగా ఈ చిత్రానికి మొదటి రోజు ఎంత గ్రాస్ వచ్చిందో ఒకసారి చూద్దాం.
ఈ చిత్రానికి కేవలం ఒక్క నార్త్ అమెరికా లోనే ప్రీమియర్స్ + మొదటి రోజు కలిపి 50 మిలియన్ డాలర్ల గ్రాస్ వసూళ్లు వచ్చినట్టు తెలుస్తోంది. ప్రీమియర్ షోస్ నుండి 17.6 మిలియన్ డాలర్ల గ్రాస్ రాగా, మొదటి రోజు 2 గంటల సమయానికి 23.3 మిలియన్ డాలర్ల గ్రాస్ వసూళ్లు వచ్చాయట. ఓవరాల్ గా మొదటి రోజు షోస్ పూర్తి అయ్యేసరికి ఈ చిత్రం నార్త్ అమెరికా నుండి 50 మిలియన్ డాలర్లు రాబట్టినట్టు సమాచారం. అదే విధంగా యూరోప్ ఖండంలో కూడా ఈ చిత్రం దుమ్ము దులిపేసింది అనే చెప్పొచ్చు. కేవలం ఇటలీ నుండే ఈ చిత్రానికి మొదటి రోజున 2.5 మిలియన్ డాలర్ల గ్రాస్ నమోదు అయ్యిందట. ఇక మన ఇండియన్ మూవీ లవర్స్ అయితే ఈ చిత్రానికి బ్రహ్మరథం పట్టేశారు.
ట్రేడ్ విశ్లేషకులు అందిస్తున్న సమాచారం ప్రకారం చూస్తే , ఈ చిత్రానికి మొదటి రోజున ఇండియా వైడ్ గా అన్ని భాషలకు కలిపి 20 కోట్ల రూపాయిల గ్రాస్ వసూళ్లు వచ్చినట్టు తెలుస్తోంది. ఓవరాల్ గా ఈ చిత్రానికి ప్రపంచవ్యాప్తంగా అన్ని భాషలకు కలిపి వచ్చిన వసూళ్లు , ఇండియన్ కరెన్సీ లెక్కల్లో చూస్తే 415 కోట్ల రూపాయిల గ్రాస్ అట. ఇక మన తెలుగు రాష్ట్రాల విషయానికి వస్తే , ఆంధ్ర ప్రదేశ్ నుండి ఈ చిత్రానికి 1 కోటి 10 లక్షల రూపాయిల గ్రాస్ వసూళ్లు రాగా, తెలంగాణ ప్రాంతం నుండి 2 కోట్ల 43 లక్షల రూపాయిల గ్రాస్ వసూళ్లు వచ్చాయి. అదే విధంగా కర్ణాటక రాష్ట్రము లో 3 కోట్ల 53 లక్షలు రాగా , తమిళనాడు నుండి 1 కోటి 85 లక్షలు , కేరళ నుండి 1 కోటి 32 లక్షల రూపాయిలు వచ్చాయి.
