The Challenge: సినిమా … ప్రస్తుత సమాజంలో సినిమాలకు ఉన్న ప్రాముఖ్యత గురించి కొత్తగా చెప్పాల్సిన అవసరం లేదు. అనాది కాలం నుంచి వస్తున్న నాటకాలు, నృత్యాలు, కథాకాలక్షేపాలు, బొమ్మలాటలు, కవితలు వంటి ఎన్నో కళలను ఒకటిగా మేళవించి… ఇప్పుడు ఒకే రూపం లో మనకు అందిస్తుంది సినిమా. కొంత నిజం, కొంత ఊహ, కొంత మాయాజాలం అన్నీ కలిపి… ప్రేక్షకులకు ఎంటర్టైన్మెంట్ ని అందిస్తాయి. ఈ నేపధ్యంలో కాలానుగుణంగా సినిమా చిత్రీకరణలో ఎన్నో మార్పులను గమనిస్తున్నాం. టెక్నాలజీ అభివృద్ధి చెందిన తరువాత సాధ్యం కానిది అంటూ ఏదీ లేదు. సినిమా కోసం ఎంత దూరమైనా వెళ్లేందుకు ప్రయత్నిస్తున్నారు.
సాధారణంగా మూవీ లో అంతరిక్షానికి సంబంధించిన దృశ్యాలను సెట్స్ వేసి తెరకెక్కిస్తారు. కానీ ఆ దృశ్యాలను సెట్స్ మీద కాకుండా… ఏకంగా అంతరిక్షంలోకి వెళ్లి షూటింగ్ చేశారు ఓ మూవీ యూనిట్. చదవడానికి ఆశ్చర్యంగా ఉన్నా ఇది మాత్రం నిజం. కానీ ఇది మన ఇండియాలో తెరకెక్కుతున్న మూవీ కాదు… రష్యాలో చిత్రీకరించుకుంటున్న చిత్రం. ” ది ఛాలెంజ్ ” అనే సినిమాకు సంబంధించిన ఓ సీన్ కోసం అంతరిక్ష కేంద్రానికి వెళ్లి 12 రోజులపాటు షూట్ చేశారు చిత్ర యూనిట్.
Touchdown after 191 days in space for @Novitskiy_ISS and 12 days in space for two Russian filmmakers! More… https://t.co/CrQl3O1BUl pic.twitter.com/kzXlCTr0og
— International Space Station (@Space_Station) October 17, 2021
అంతరిక్ష కేంద్రంలో షూటింగ్ ను పూర్తి చేసుకున్న ” ది ఛాలెంజ్ ” మూవీ యూనిట్ ను… ఎంఎస్ 18 స్పేస్ ఎయిర్ క్రాఫ్ట్ భూమి మీదకు తీసుకొచ్చింది. ఈ మేరకు ఇంటర్నేషనల్ స్పేస్ స్టేషన్ ఈ ల్యాండింగ్కు సంబందించిన వీడియోను ట్విట్టర్లో పోస్ట్ చేసింది. ప్రస్తుతం ఈ వీడియొ సోషల్ మీడియా లో వైరల్ గా మారింది.
