మరి భారీగా సంపాదన ఉన్నప్పుడు ఇంకా ఎందుకు అపార్ట్ మెంట్ ల్లో లైఫ్ ను ఎడ్జెస్ట్ చేసుకుని లీడ్ చేయడం ? అందుకే, హిట్ రాగానే సింపుల్ లైఫ్ కు స్వస్తి చెప్పి, విల్లాలకు షిప్ట్ అయిపోతున్నారు సినిమా వాళ్ళు. ముఖ్యంగా కుర్ర డైరక్టర్లు మొదటి హిట్ అందుకోగానే తర్వాత టార్గెట్ విల్లానే అయింది. గతంలో ఇండిపెండెంట్ హౌస్ ల పై ఆసక్తి ఉండేది అందరికీ.
కానీ, రోజులు మారే కొద్దీ, మనుషుల అభిరుచులు కూడా మారుతూ వస్తున్నాయి. ఈ క్రమంలో సినిమా వాళ్లకు విల్లా కల్చర్ బాగా అలవాటు అయింది. దర్శకుడిగానో నటుడిగానో ఓ హిట్ కొట్టిన తరువాత అడ్వాన్స్ ల రూపంలోనే భారీ ఎమౌంట్ వస్తుండే సరికి సినీ జనానికి కూడా కోట్ల రూపాయలు కూడా పెద్ద ఎమౌంట్ లా అనిపించడం లేదు.
ఇవన్నీ దృష్టిలో పెట్టుకుని ఓ నిర్మాత సీక్రెట్ గా విల్లాల నిర్మాణం చేస్తూ.. సినీ ప్రముఖులకు అమ్ముతూ మంచి బిజినెస్ చేస్తున్నాడు. పాపం, సక్సెస్ ఫుల్ సినిమాలు చేయలేక పోయినా, ఆ నిర్మాత మాత్రం విల్లాల బిజినెస్ ను మాత్రం ఫుల్ సక్సెస్ ఫుల్ గా నడుపుతున్నాడు. ఇక ఒక్కో విల్లాకి ఈ నిర్మాత 12 కోట్లు వసూళ్లు చేస్తున్నట్లు తెలుస్తోంది.
