Yash Upcoming Movie: ‘కేజీఎఫ్’ సిరీస్ తర్వాత రాకింగ్ స్టార్ యాష్ సుమారుగా మూడేళ్ళ సుదీరఘమైన గ్యాప్ తీసుకొని చేసిన చిత్రం ‘టాక్సిక్’. ఈ గ్యాప్ లో ఆయన తోటి పాన్ ఇండియన్ స్టార్ హీరోలు అయినటువంటి ప్రభాస్ ఏకంగా 4 సినిమాలు విడుదల చేశారు, ఐకాన్ స్టార్ అల్లు అర్జున్ ‘పుష్ప 2’ వంటి సెన్సేషన్ క్రియేట్ చేశారు. రామ్ చరణ్ ఆచార్య, గేమ్ చేంజర్ , పెద్ది వంటి చిత్రాలను విడుదల చేయగా, ఎన్టీఆర్ దేవర , వార్ 2 వంటి చిత్రాలను విడుదల చేశారు. ఇలా పాన్ ఇండియన్ హీరోలందరూ వరుసగా సినిమాలు చేస్తూ వెళ్తుంటే , యాష్ మాత్రం ఇంతటి సుదీర్ఘమైన గ్యాప్ ఇచ్చారు. ‘టాక్సిక్’ చిత్రాన్ని మొదలు పెట్టేముందు యాష్ చాలా పెద్ద విరామం తీసుకున్నారు. దాన్ని చూసి అప్పట్లో అసలు ఈయన సినిమాలు చేస్తారా?, లేదా ? అనే అనుమానం కలిగింది.
ఇంత గ్యాప్ వచ్చింది కాబట్టి, ఇకపై ఆయన సినిమాల విషయం వేగంగా ఉండాలని చూస్తున్నారు. ఆగస్టు 26 న ‘టాక్సిక్’ చిత్రం విడుదల కాబోతుంది , ఈ సినిమా విడుదలైన రెండు నెలలకు ఆయన రావణాసురుడి పాత్ర పోషించిన హిందీ ‘రామాయణం’ విడుదల కాబోతుంది. ఈ రెండు చిత్రాలకు కూడా ఆయన సహా నిర్మాతగా పని చేయడం విశేషం. ఇక వీటి తర్వాత యాష్ చేయబోతున్న సినిమా ఏంటి? అనే దానిపై సోషల్ మీడియా లో గత కొంతకాలంగా పెద్ద చర్చనే నడుస్తోంది. అందుతున్న విశ్వసనీయ వర్గాల సమాచారం ప్రకారం చూస్తే, యాష్ తన తదుపరి చిత్రాన్ని ప్రముఖ తమిళ డైరెక్టర్ నర్తన్ తో చేయబోతున్నట్టు తెలుస్తోంది. ఇందులో యాష్ రెండు విభిన్నమైన పాత్రల్లో కనించనున్నారు. ఒక పాత్ర సైనికుడు కాగా, మరో పాత్ర ‘మ్యాడ్ పోలీస్ ఆఫీసర్’ అట. ఈ పాన్ ఇండియన్ భారీ బడ్జెట్ చిత్రాన్ని ప్రముఖ బాలీవుడ్ నిర్మాత కరణ్ జోహార్ ‘ధర్మ ప్రొడక్షన్స్’ నిర్మించబోతోంది.
ఇక ఈ చిత్రం లో హీరోయిన్ గా ఎవరు నటించబోతున్నారు ?, విలన్ గా ఎవరు చేయబోతున్నారు ?, మ్యూజిక్ డైరెక్టర్ ఎవరు వంటి వివరాలు బయటకు రాలేదు , ‘టాక్సిక్’ విడుదల తర్వాత స్వయంగా మేకర్స్ పూర్తి వివరాలను రివీల్ చేస్తారట. ఇక ‘టాక్సిక్’ విషయానికి వస్తే అనేక వాయిదాల తర్వాత ఈ చిత్రం ఆగస్టు 26 న విడుదల కాబోతోంది. నిన్న ఈ చిత్రం నుండి విడుదలైన ‘లేడీస్ & లేడీస్’ అనే టీజర్ ఎంతటి సెన్సేషన్ క్రియేట్ చేసిందో అందరికీ తెలిసిందే. ఒక సినిమాని ఎంత బోల్డ్ గా తియ్యాలో , అంత బోల్డ్ గా తీసినట్టు ఈ టీజర్ ని చూస్తుంటే అర్థం అవుతోంది. యూత్ ఆడియన్స్ లో ఈ చిత్రం మంచి క్రేజ్ , అంచనాలు ఉన్నాయి. మరి వారి అంచనాలను అందుకుంటుందా లేదా అనేది చూడాలి.
