Rajamouli – Prakash Raj : విలక్షణ నటుల్లో ఒకరు ప్రకాష్ రాజ్. ఏ సినిమాల్లోనైనా ఆయనకు క్యారెక్టర్ ఇస్తే అందులో లీనమైపోతారు.ప్రకాష్ రాజ్ యాక్టింగ్ చేస్తే ఆ పాత్ర రియల్ గా ఉంటుంది కావచ్చు? అనేలా మెప్పిస్తారు. అందుకే ఆయనను సినిమాల్లో తీసుకునేందుకు కొందరు నిర్మాతలు పోటీ పడుతుంటారు. హీరోలతో సమానంగా ప్రకాష్ రాజ్ కు గుర్తింపు ఉందంటే ఆయన నటనేంటో అర్థం చేసుకోవచ్చు. క్యారెక్టర్ ఆర్టిస్టు నుంచి హీరోగా, విలన్ గా, తండ్రిగా నటించి అన్ని వర్గాల ప్రేక్షకులను ఆకట్టుకున్న ప్రకాష్ రాజ్ రాబోయే మహేశ్ బాబు చిత్రంలో తాతగా కూడా కనిపిస్తారని అంటున్నారు. అలాంటి ప్రకాష్ రాజ్ రాజమౌళి సినిమాల్లో మాత్రం కనిపించరు. సీనియర్ హీరోలతో సినిమా తీయడం కష్టం అన్న జక్కన్న సీనియర్ నటులను కూడా పక్కనబెట్టారా? అన్న చర్చ ప్రారంభమైంది. అయితే ప్రకాష్ రాజ్ ను సినిమాల్లో తీసుకోకపోవడానికి ఆసక్తి కారణం చెప్పారు రాజమౌళి. అదేంటో చూద్దాం.
రాజమౌళి సినిమాల్లో ఒక్కసారైనా కనిపించాలని చాలా మంది కోరుకుంటారు. ఆయన కింద పనిచేస్తే ఇండస్ట్రీలో మంచి అవకాశాలు వస్తాయని నమ్మకం. అయితే దర్శక ధీరుడి యాక్టర్స సెలెక్షన్ భిన్నంగా ఉంటుంది. ఊహించని వారు తన సినిమాల్లో కనిపిస్తారు. ఈ క్రమంలో ఆయన సీనియర్ల కంటే కొత్తవారికే ఎక్కువగా ప్రాధాన్యత ఇస్తారు. అలా ఎంతో మందిని ఇండస్ట్రీకి పరిచయం చేశారు. అయితే కొన్ని సందర్భాల్లో సీనియర్ నటులను కూడా పాత్రలకు అనుగుణంగా తీసుకున్నారు. అవసరమైతే ఇతర ఇండస్ట్రీల నుంచి కూడా నటులను ఎంపిక చేసుకుంటారు. కానీ చిత్ర పరిశ్రమలో ద బెస్ట్ యాక్టర్ గా పేరున్న ప్రకాష్ రాజ్ మాత్రం రాజమౌళికి చెందిన ఒకే ఒక్క సినిమాలో కనిపించారు.
అదే విక్రమార్కుడు. ప్రకాష్ రాజ్ ఈ సినిమాలో డీజీపిగా కనిపించి ఆ తరువాత మాయమవుతారు. ఆ ఒక్క సినిమా తప్ప మరే సినిమాల్లో ప్రకాష్ రాజ్ కనిపించలేదు. అందుకు కారణమేంటని కొందరు రాజమౌళిని ప్రశ్నించారు. ఈ సందర్భంగా ఆయన ఏ చెప్పారంటే ‘ప్రకాష్ రాజ్ ఇప్పటి వరకు అన్ని పాత్రలు చేశారు. నా సినిమాల్లో ఆయనకు కొత్తగా ఇవ్వాల్సిన పాత్ర అంటూ ఏమీ లేదు. ఒకవేళ నేను అనుకున్న పాత్రలో ప్రకాష్ రాజ్ ను చూపించినా ప్రేక్షకులు బోర్ గా ఫీలవుతారు. అందువల్ల నా సినిమాల్లో ప్రకాష్ రాజ్ ఎక్కువగా కనిపించరు’ అని చెప్పాడట.
అయితే కారణం ఇదేనా? లేక మరేదైనా ఉందా? అని కొందరు చర్చించుకుంటున్నారు. రాజమౌళి తలుచుకుంటే ప్రకాష్ రాజ్ కు ఎక్కువ నిడివి ఉన్న పాత్ర ఇవ్వడం పెద్ద విషయం కాదు. అలాగని రాజమౌళి రమ్మంటే వద్దని ప్రకాష్ రాజ్ అనరు. ఆయన తీసే విలన్ క్యారెక్టర్లో ప్రకాష్ రాజ్ ను చూపిస్తే జనాలు కచ్చితంగా ఆదరిస్తారు. మరి వీరిద్దరి మధ్య ఎందుకు గ్యాప్ వచ్చిందోనన్న సస్పెన్స్ కలవరపెడుతోంది. ఇక ఇటీవల రాజమౌళి టీం ఆస్కార్ సంబరాల్లో మునిగితేలుతోంది. తెలుగు సినిమాను ప్రపంచ వేదికకు పరిచయం చేయడం ద్వారా ఆయనకు అన్ని వైపుల నుంచి ప్రశంసలు దక్కుతున్నాయి.
