Sudigali Sudheer Reality Show: రాబోయే రోజుల్లో మన తెలుగు ఆడియన్స్ కి రియాలిటీ షోస్ ప్రధానమైన ఎంటర్టైన్మెంట్ గా నిలిచే అవకాశాలు ఎక్కువగా ఉన్నాయి. బాలీవుడ్ లో ఇప్పటికే లెక్కలేనన్ని రియాలిటీ షోస్ వచ్చాయి. ఇప్పుడు తెలుగు లో ఆ కాన్సెప్ట్స్ ని కాపీ కొడుతూ మన సెలబ్రిటీలతో రియాలిటీ షోస్ ని ప్లాన్ చేస్తున్నారు. అలా ప్లాన్ చేసిన ‘బిగ్ బాస్’ రియాలిటీ షో ఎంత పెద్ద హిట్ అయ్యిందో అందరికీ తెలిసిందే. ప్రతీ ఏడాది ఈ షో కోసం ఆడియన్స్ ఎంతో ఆతృతగా ఎదురు చూస్తూ ఉంటారు. ఈ షో తర్వాత రీసెంట్ గానే ‘మ్యాడ్ ఫర్ ఈచ్ అథర్’ అనే రియాలిటీ షో కూడా మొదలైంది. దీనికి ఆడియన్స్ నుండి అద్భుతమైన రెస్పాన్స్ వచ్చింది. బిగ్ బాస్ లో నిర్వహించే గేమ్స్ కంటే , ఈ షోలో నిర్వహించే గేమ్స్ చాలా కష్టంగా ఉంటున్నాయి.
Also Read: ప్రియుడి కోసం ఏకంగా తల్లినే.. వామ్మో ఇటువంటి కూతురు పుట్టనే కూడదు
ఇదంతా పక్కన పెడితే త్వరలోనే అమెజాన్ ప్రైమ్ వీడియో సంస్థ తెలుగు లో ‘ది ట్రైటర్స్’ అనే రియాలిటీ షో ని నిర్వహించనుంది. ఈ షోకి తేజ సజ్జ హోస్ట్ గా వ్యవహరించబోతున్నాడు. బాలీవుడ్ లో సెన్సేషనల్ హిట్ గా నిల్చిన ఈ రియాలిటీ షో కాన్సెప్ట్ ఏంటంటే , పాతిక మంది కంటెస్టెంట్స్ ని ఎంపిక చేసి ఒక ఇంట్లోకి తీసుకెళ్తారు. హోస్ట్ సమక్షం లో అందరికీ కళ్ళకు గంతలు కడుతారు. హోస్ట్ ఒక ముగ్గురుని పట్టుకుంటాడు, వాళ్ళు ‘ట్రైటర్స్’ అన్నమాట. అంటే ద్రోహులు. వీళ్ళని అమాయకులు కనిపెట్టడమే షో టాస్క్. అయితే ట్రైటర్ ప్రతీ రోజు రాత్రి ఒక కంటెస్టెంట్ ని టవర్ వద్దకు తీసుకొచ్చి చంపేస్తూ ఉంటాడు. చంపడం అంటే నిజమైన చంపడం కాదు, ఈ కంటెస్టెంట్ చనిపోయాడు అని చీటీ మీద రాసి వదిలేస్తాడు. అంటే ఆ కంటెస్టెంట్ షో నుండి ఎలిమినతె అయిపోయినట్టే.
పక్క రోజు హోస్ట్ మళ్లీ వస్తాడు, మీలో ఎవరి మీద అనుమానం ఉంది, ట్రైటర్ ఎవరని అనుకుంటున్నారు అని అడుగుతారు. కంటెస్టెంట్స్ అందరూ ఎవరి పేరు ఎక్కువగా చెప్తే వాళ్ళు ఎలిమినేట్ అయ్యినట్టు. అది ట్రైటర్ అయినా కావొచ్చు, అమాయకులు అయినా కావొచ్చు. ఇలా షో మొత్తం సాగుతుంది. చివరికి ఈ షో టైటిల్ ని గెలిచేది ట్రైటరా?, లేదా అమాయకుడా ? అనేది చూడాలి. ఈ షో బిగ్ బాస్ లాగా వంద రోజులు ఏమి కొనసాగదు, కేవలం 10 రోజులు మాత్రమే సాగుతుంది. ఈ రియాలిటీ షో లో సుడిగాలి సుధీర్, యాంకర్ ప్రదీప్, యాంకర్ శ్రీముఖి , బేబీ హీరోయిన్ వైష్ణవి చైతన్య వంటి ప్రముఖులు కంటెస్టెంట్స్ గా పాల్గొనే అవకాశం ఉంది. అదే విధంగా బిగ్ బాస్ 9 నుండి తనూజ, కళ్యాణ్ , డిమోన్ పవన్ వంటి వారు కూడా ఈ రియాలిటీ షో లో పాల్గొంటారని టాక్.
