Aha OTT: ప్రస్తుత్తం ఏ సినిమా థియేటర్లో విడుదలైన చివరకు ఓటీటీలోకి రావాల్సిందే. అలా ముందుగానే ఆలోచించి తెలుగు ప్రేక్షకుల కోసం అల్లు అరవింద్ తీసుకొచ్చిన సరికొత్త ప్లాట్ఫామ్ ఆహా. తొలి తెలుగు ఓటీటీ సంస్థగా అడుగుపెట్టి.. అతి తక్కువ కాలంలోనే తిరుగులేని గుర్తింపు పొందిన యాప్ ఆహా. ఈ యాప్ లాంచ్ చేసిన కొద్దికాలంలోనే అత్యధిక డౌన్లోడ్స్తో రికార్డు సృష్టించింది. ఎప్పటికప్పుడు ప్రేక్షకుల టేస్టుకు తగ్గట్లు సినిమాలు రిలీజ్ చేస్తూ.. సరికొత్త కార్యక్రమాలకు శ్రీకారం చుడుతూ మంచి మంచి కంటెంట్లను ఇస్తోంది ఆహా. ఈ క్రమంలోనే బాలకృష్ణతో కూడా అన్స్టాపబుల్ పేరుతో ఓ షోను ప్రారంభించిన సంగతి తెలిసిందే.
Aha OTT
Also Read: పక్క రాష్ట్రాల్లో బెనిఫిట్ షోకు లేని ఇబ్బంది.. ఏపీలో ఎందుకొచ్చింది?
ఇప్పటికే మూడు ఎపిసోడ్లను పూర్తి చేసుకున్న ఈ షో.. భారీ రెస్పాన్స్తో దూసుకెళ్లిపోతోంది. కాగా, ఇప్పుడు సరికొత్త షోకు శ్రీకారం చుట్టేందుకు మొదలైంది ఆహా. ఐడల్ అంటే ఇప్పటి వరకు మనకు గుర్తొచ్చేది హిందీలో ప్రసారమయ్యే పాటలపోటీ. కానీ, ఆహా త్వరలోనే తెలుగు ఇండియన్ ఐడల్ షోను ప్రేక్షకులకు పరిచయం చేయనుంది. ఈ విషయాన్ని అధఇకారికంగా ప్రకటించింది కూడా.
తెలుగు సింగింగ్ ట్యాలెంట్ను ప్రపంచానికి పరిచయం చేసే ఉద్దేశంతోనే ఆహా ఈ సరికొత్త షోను మొదలుపెట్టనుంది. ఇందులో భాగంగా ఆడిషన్స్కు సంబంధించిన వివరాలను కూడా ప్రకటించారు. డిసెంబరు 26న తొలి ఆడిషన్స్ జరగనున్నాయి. ఇందుకోసం14 నుంచి 30 ఏళ్ల మధ్య ఉన్న గాయనీగాయకులకు ఆహ్వానం పలుకుతున్నట్లు చెప్పారు. హైదరాబాద్‌ జూబ్లిహిల్స్‌లోని ఒయాసిస్‌ స్కూల్‌లో ఆడిషన్స్‌ను నిర్వహించనున్నారు.
Also Read: “పుష్ప” రాజ్ కు బెస్ట్ విషెస్ చెప్పిన చిట్టిబాబు ” రామ్ చరణ్ “…