Karuppu 12 Days Collections: తమిళ హీరో సూర్య నటించిన లేటెస్ట్ చిత్రం ‘కరుప్పు’ బాక్స్ ఆఫీస్ వద్ద రాబడుతున్న వసూళ్లను చూస్తుంటే , ఈ రేంజ్ కం బ్యాక్ ఈమధ్య కాలం లో ఏ సౌత్ స్టార్ హీరో కూడా ఇవ్వలేదని అనిపిస్తోంది. అప్పట్లో పవన్ కళ్యాణ్ ‘గబ్బర్ సింగ్’ చిత్రం తో ఏ రేంజ్ కం బ్యాక్ ఇచ్చాడో , సూర్య ఇప్పుడు దాదాపుగా అదే రేంజ్ కం బ్యాక్ ఇచ్చాడు. వంద కోట్ల గ్రాస్ వసూళ్లను కూడా కొల్లగొట్టలేని స్థాయి నుండి , ఇప్పుడు ఏకంగా 300 కోట్ల గ్రాస్ ని కొల్లూగొట్టే స్థాయికి చేరుకోబోతున్నాడు. విడుదలై దిగ్విజయంగా 12 రోజుల థియేట్రికల్ రన్ ని పూర్తి చేసుకున్న ఈ చిత్రం, ప్రాంతాల వారీగా ఎంత గ్రాస్ వసూళ్లను రాబట్టిందో ఒకసారి వివరంగా ఈ కథనంలో చూద్దాం. తెలుగు లోనే ఈ చిత్రం మొదటి వీకెండ్ లోనే బ్రేక్ ఈవెన్ మార్కుని అందుకుంది.
తమిళనాడు రాష్ట్రము నుండి ఈ చిత్రానికి దాదాపుగా 12 రోజుల్లో 124 కోట్ల రూపాయిల గ్రాస్ వసూళ్లు వచ్చాయి. ఊపు చూస్తుంటే కచ్చితంగా ఈ చిత్రం తమిళనాడు రాష్ట్రం నుండి 150 కోట్ల గ్రాస్ మార్కుని అందుకునేలా ఉందని అంటున్నారు ట్రేడ్ విశ్లేషకులు. ఒక్క చెన్నై సిటీ నుండే ఈ చిత్రానికి 18 కోట్ల గ్రాస్ వసూళ్లు వచ్చాయి. ఇక తెలుగు రాష్ట్రాల విషయానికి వస్తే , ఈ చిత్రం ఇక్కడ ‘వీరభధ్రుడు’ అనే టైటిల్ తో విడుదలైన సంగతి తెలిసిందే. అన్నపూర్ణ స్టూడియోస్ సంస్థ ఈ సినిమా థియేట్రికల్ రైట్స్ ని కేవలం 7 కోట్ల రూపాయలకు కొనుగోలు చేసింది. ఈ 12 రోజుల్లో ఇప్పటి వరకు ఈ చిత్రానికి తెలుగు వెర్షన్ నుండి 27 కోట్ల రూపాయిల గ్రాస్ వసూళ్లు, 14 కోట్ల రూపాయిల షేర్ వసూళ్లు వచ్చాయి.
అంటే పెట్టిన డబ్బులకు రెండింతలు లాభాలు వచ్చాయి అన్నమాట. ఇది సాధారణమైన విషయం కాదు. అదే విధంగా కర్ణాటక రాష్ట్రం నుండి ఈ చిత్రానికి 19 కోట్ల రూపాయిల గ్రాస్ వసూళ్లు రాగా , కేరళ నుండి 11 కోట్ల 75 లక్షలు, హిందీ + రెస్ట్ ఆఫ్ ఇండియా నుండి 3 కోట్లు, ఓవర్సీస్ నుండి 68 కోట్ల రూపాయిల గ్రాస్ వసూళ్లు వచ్చాయి. ఓవరాల్ గా ఈ చిత్రానికి ప్రపంచవ్యాప్తంగా తెలుగు , తమిళ భాషలకు కలిపి ఇప్పటి వరకు 253 కోట్ల రూపాయిల గ్రాస్ వసూళ్లు వచ్చాయి. ఈ వీకెండ్ కూడా బలమైన హోల్డ్ ని కనబర్చగలిగితే ఈ చిత్రం కచ్చితంగా 300 కోట్ల గ్రాస్ మార్కుని అందుకుంటుందని అంటున్నారు ట్రేడ్ విశ్లేషకులు.
