Mahesh: టాలీవుడ్లో అమ్మాయిల కలల రాకుమారుడు, ఆరుగుడుల అందగాడు ఎవరైనా ఉన్నారంటే.. అది సూపర్స్టార్మహేశ్ బాబు. ఎప్పుడూ ఏదో ఒక డిఫరెంట్ లుక్తో అభిమానులను ఆశ్చర్యపరుస్తుంటారు. సినిమాలోనే కాకుండా, ఆఫ్లైన్లోనూ సరికొత్త లుక్తో కనిపించి.. కనువిందు చేస్తుంటారు మహేస్. అలా గతంలో అనేక ఫొటోలు నెట్టింట్లో వైరల్ అయ్యాయి. ఇప్పుడు అదే ఖాతాలో మరో ఫొటో చేరింది.
Mahesh
Also Read: త్రివిక్రమ్- మహేశ్ కాంబినేషన్ మూవీ షూటింగ్ స్టార్ట్ అప్పటినుంచే!
ఖరీదైన ఓ బైక్పై అదిరె అప్పియరెన్స్తో ఫోన్ పట్టుకుని కూర్చున్నారు మహేశ్. ప్రస్తుతం ఈ ఫొటో నెట్టింట్లో వైరల్గా మారింది. అసలు ఈ ఫొటో హాలీవుడ్ సినిమాలోదా అంటూ కొంతమంది నెటిజన్లు కామెంట్స్ చేస్తున్నారు. అయితే, ఈ ఫొటో ఓ అడ్వర్టైజ్మెంట్లోదని సమాచారం.
కాగా, ప్రస్తుతం మహేశ్ సర్కారువారిపాట సినిమాలో నటిస్తున్నారు. పరశురామ్ దర్శకత్వంలో తెరకెక్కుతోన్న ఈ సినిమాలో కీర్తి సురేష్ హీరోయిన్గా నటిస్తుండగా… ఈ చిత్రాన్ని మైత్రీ మూవీ మేకర్స్, జీఎంబీ ఎంటర్టైన్మెంట్, 14 రీల్స్ సంయుక్తంగా నిర్మిస్తున్నారు. ఈ సినిమాకు తమన్ మ్యూజిక్ అందిస్తుండగా.. వెన్నెల కిశోర్, సుబ్బరాజు కీలకపాత్రలలో నటిస్తున్నారు. ఇప్పటికే ఈ సినిమా నుంచి విడుదలైన పోస్టర్స్, వీడియోస్ కు ప్రేక్షకుల నుంచి మంచి స్పందన లభించింది. ఇక ఈ సినిమాను సంక్రాంతి కానుకగా వచ్చే జనవరి 13న విడుదల చేయనున్నట్లుగా ప్రకటించగా పలు కారణాల వల్ల ఏప్రిల్ కు మార్చారు. మరోవైపు ఈ సినిమా తర్వాత త్రివిక్రమ్తో కలిసి మరో సినిమాను పట్టాలెక్కించనున్నారు మహేశ్. వీరిద్దరి కాంబోరో రానున్న హ్యాట్రిక్ చిత్రం ఇది.
Also Read: ఒకే స్క్రీన్పై ప్రభాస్- మహేశ్… థమన్ ట్వీట్ వైరల్!
