Suma: గత కొన్ని సంవత్సరాలుగా బుల్లితెరపై యాంకరింగ్ చేస్తూ.. ప్రేక్షకుల మనసుల్లోనే కాకుండా, వారి కుటుంబంలో ఒకరిగా కలిసిపోయారు సుమ కనకాల. తాజాగా, ఈమె సినిమాల్లోకి చాలా సంవత్సరాల తర్వాత రీ ఎంట్రీ ఇచ్చారు. విజయ్ దర్శకత్వంలో ఆమె ఓ సినిమా చేస్తున్న సంగతి అందరికి తెలిసిందే. వెన్నెల క్రియేషన్స్ బ్యానర్పై ప్రొడక్షన్ నెం.2గా తెరకెక్కుతోన్న ఈ సినిమాకు కీరవాణి సంగీతం అందిస్తున్నారు. కాగా, శనివారం ఈ సినిమా టైటిల్తో పాటు ఫస్ట్లుక్ పోస్టర్ను విడుదల చేసింది చిత్రబృందం. మెగా పవర్స్టార్ రామ్ చరణ్ వీటిని విడుదల చేశారు. ఈ సినిమాకు జయమ్మ పంచాయితీ అనే టైటిల్ ఖరారు చేశారు. టైటిల్తో పాటు ఫస్లుక్ కూడా ఎంతో విభిన్నంగా రూపొందించారు.
https://youtu.be/i3GdC37zQPg
విభిన్న అంశాలతో కూడిన పోస్టర్లో గ్రామీణ వాతారవణాన్ని చూపించారు. సినిమాలో సుమ ఓ పల్లెటూరి పెద్దగా కనిపించనున్నట్లు పోస్టర్ని బట్టి తెలుస్తోంది. 1996లో కల్యాణ ప్రాప్తిరస్తు అనే సినిమాలో హీరోయిన్గా నటించింది సుమ. ఆ తర్వాత మళ్లీ 25 సంవత్సరాల తర్వాత ప్రధాన పాత్రలో సుమ అలరించేందుకు సిద్ధమైంది. మరి ఎప్పుడూ బుల్లితెరపై కనువిందు చేసే ఈ యాంకరమ్మ.. తన నటనతో ప్రేక్షకులను ఎలా మెప్పిస్తుందో తెలియాలంటే సినిమా విడుదలయ్యే వరకు వేచి చూడాల్సిందే.
