Pushpa: భారీ అంచనాల మధ్య డిసెంబరు 17న విడుదలైన పుష్ప… అంతే జోరుతో కలెక్షన్ల సునామీ సృష్టిస్తోంది. సుకుమార్ దర్శకత్వంలో స్టైలిస్ట్ స్టార్ అల్లు అర్జున్ హీరోగా ఈ సినిమా తెరకెక్కింది. ఎర్రచందనం స్మగ్లింగ్ నేపథ్యంలో సాగే ఈ కథ ప్రేక్షకులను ఎంతగానే ఆకట్టుకుంది. ఒక్క తెలుగులోనే కాకుండా, అన్ని భాషల్లోనూ సినిమా మంచి హిట్ టాక్ అందుకుంది. విడుదలైన రెండో రోజే 100 కోట్ల క్లబ్లో చేరి రికార్డులు నెలకొల్పింది. మూడు రోజుల్లోనే రూ.173 కోట్లు వసూళ్లు చేసింది.
ఇప్పటికీ పలు చోట్ల వీక్ డేస్లోనూ హౌస్ ఫుల్ అవుతున్నాయి. కాగా, నందమూరి బాలకృష్ణ హోస్ట్గా ఆహాలో అన్స్టాపబుల్ షో నిర్వహిస్తోన్న సంగతి తెలిసిందే. అయితే, ఇందులో తాజాగా, పుష్ప టీం సందడి చేసింది. ఈ ఎపిసోడ్లో బన్నీ, రష్మికతో పాటు దర్శకుడు సుకుమార్ కూడా పాల్గొన్నారు. ఇటీవలే ఇందుకు సంబంధించిన ప్రోమో కూడా విడుల చేసిన సంగతి తెలిసిందే. కాగా, ఈ షోలో పుష్ప ది రైజ్ గురించి పలు సంచలన విషయాలు బయటపెట్టారు సుకుమార్. ఈ సందర్భంగా సుకుమార్ మాట్లాడుతూ.. పుష్ప క్లైమాక్స్లో బన్నీ, ఫహద్ ఇద్దరూ.. బట్టలు విప్పి ఒకరిపై ఒకరు ఛాలెంజ్ విసురుకుంటారు.
కాగా, ఆ సీన్లో మొట సుక్కూ.. ఇద్దర్నీ నగ్నంగా చూపించాలని అనుకున్నారట.. కానీ, తెలుగు ప్రేక్షకులు అలాంటి సీన్లకు ఎలా రియాక్ట్ అవుతారనే ఉద్దేశంతోనే అప్పటికప్పడు స్క్రిప్ట్లో మార్పులు చేసినట్లు తెలిపారు. అయితే, పుష్ప 2లో మాత్రం ఇంతకుమించిన ఎలివేషన్లు ఉంటాయని తెలుస్తోంది.